ខេត្តស្វាយរៀង: លោក ម៉ែន វិបុល អភិបាលខេត្តស្វាយរៀង និងជាប្រធានគណ:កម្មការប្រយុទ្ធនឹងជំងឺកូវីដ១៩ (COVID-19) ដើម្បីចូលរួមចំណែកជាមួយរាជរដ្ឋាភិបាល ក្នុងការប្រយុទ្ធប្រឆាំងនឹងជំងឺឆ្លង ដ៏កាចសាហាវកូវីដ១៩ បានសម្រេចផ្តល់ប្រាក់បៀវត្សរ៍ចំនួន ប្រាំពីរ ខែ ទៅក្នុងគណនីរបស់គណៈកម្មការជាតិប្រយុទ្ធនឹងជំងឺកូវីដ១៩។
នៅក្នុងលិខិតចំហរដែលចុះហត្ថលេខាដោយលោក ម៉ែន វិបុល អភិបាល នៃគណៈអភិបាលខេត្តស្វាយរៀងចុះថ្ងៃទី ៣ ខែមេសា ឆ្នាំ២០២០ បានបញ្ជាក់ថា “ដើម្បីរួមចំណែកជាមួយរាជរដ្ឋាភិបាលក្នុងការប្រយុទ្ធប្រឆាំងនឹងមេរោគកូវីដ១៩ (COVID)ដែលបាន និងកំពុងរាលដាលនៅព្រះរាជាណាចក្រកម្ពុជា ខ្ញុំបាទសូមផ្តល់ប្រាក់បៀវត្សរ៍ ជាអភិបាលខេត្តស្វាយរៀងរបស់ខ្ញុំបាទចំនួន ប្រាំពីរ ខែ ចាប់ពីខែមេសា ដល់ខែតុលា ឆ្នាំ២០២០ ជូនគណៈកម្មការជាតិប្រយុទ្ធនឹងជំងឺកូវីដ១៩ (COVID-19)”។
សូមឳ្យលោកវេជ្ជបណ្ឌិតសាស្ត្រចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលមេត្តាជ្រាប និងជួយបញ្ជូលបៀវត្សរបស់លោក( ម៉ែន វិបុល ) ទៅក្នុងគណនីរបស់គណៈកម្មការជាតិប្រយុទ្ធនឹងជំងឺកូវីដ១៩ ដោយសេចក្តីអនុគ្រោះ៕ដោយ៖ វ៉ៃកូ