ចំនួនអ្នកឆ្លងវីរុសកូរ៉ូណា ឬ COVID-19 បានហក់ឡើងលើស ១លាននាក់ហើយរហូតមកដល់ថ្ងៃសុក្រនេះ ខណៈដែលអ្នកស្លាប់មានជាង ៥០.០០០នាក់។
បើតាមតួលេខរបស់សកលវិទ្យាល័យ Johns Hopkins អ្នកឆ្លងវីរុសទូទាំងពិភពលោកមានចំនួន ១.០១៥.៤០៣នាក់ ចំណែកអ្នកស្លាប់មានចំនួន ៥៣.០៣០នាក់។
អាមេរិចឈរនៅកំពូលតារាងជាប្រទេសដែលមានអ្នកឆ្លងច្រើនបំផុត ពោល ២៤៥.០៧០នាក់ ខណៈប្រទេសមហាអំណាចនេះមានអ្នកស្លាប់ជាង ៦.០០០នាក់។
ប្រទេសចិនដែលធ្លាប់ឈរនៅតំណែងលេខ ១ជាប្រទេសមានអ្នកឆ្លង និងស្លាប់ច្រើនជាងគេ ពេលនេះបានធ្លាក់មកដល់តំណែងលេខ ៥ជាប្រទេសមានអ្នកឆ្លងច្រើនបំផុត (៨២.៤៣៧នាក់) និងស្លាប់ជាង ៣.៣០០នាក់។
ប្រទេសផ្សេងៗទៀតដែលមានអ្នកឆ្លង និងស្លាប់ច្រើនមានដូចជា អ៊ីតាលី (ឆ្លង ១១៥.២៤២នាក់ និងស្លាប់ ១៣.៩១៥នាក់) អេស្ប៉ាញ (ឆ្លង ១១២.០៦៥នាក់ និងស្លាប់ ១០.៣៤៨នាក់) អាឡឺម៉ង (ឆ្លង ៨៤.៧៩៤នាក់ និងស្លាប់ ១.១០៧នាក់)។
ប្រទេសបារាំងមានអ្នកឆ្លង ៥៩.៩២៩នាក់ និងស្លាប់ ៥.៨៧នាក់ ចំណែកអ៊ីរ៉ង មានអ្នកឆ្លង ៥០.៤៦៨នាក់ និងស្លាប់ ៣.១៦០នាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ Johns Hopkins University
