ភ្នំពេញ៖ តារាចម្រៀងខ្មែរម្នាក់ ត្រូវបានតារាកំពូលទើស លោក ម៉ៃ សុគន្ធ រិះគន់ឲ្យយ៉ាងចាស់ៗដៃ ដែលអាចនិយាយបានថាសឹងងើបមុខមិនរួច ដោយសារតែរឿងលួចបទចម្រៀងពីថៃសុទ្ធសាធ ហើយដាក់ថាជារបស់ខ្លួនជាអ្នកនិពន្ធទាំង “មេឡូឌី និងទំនុកច្រៀង”។
ជាអ្នកលួច Copy បទគេដូចគ្នាមែន តែលោក ម៉ៃ សុគន្ធ បានណែនាំថា បើលួចក៏លួចទៅ តែគួរណាស់ដាក់ជា Cover ទៅកុំមកអួតបង្ហាញបែបនេះ នៅពេលគេដឹងតើខ្មាសគេប៉ុណ្ណា។
តាមរយៈគណនីហ្វេសប៊ុករបស់ខ្លួន តារាកំពូលទើស “លំដាប់ Top1 ស្រុកខ្មែរ” រូបនេះបានធ្វើការរិះគន់ទៅលើតារាចម្រៀងនោះយ៉ាងដូច្នេះថា៖ “អញខ្ពើមណាស់ និពន្ធមេឡូឌី បើ បកប្រែមេឡូឌីបានល្អអញ សរសើរ ស្តាយ សមត្ថភាពប្អូនណាស់
រៀនអស់ទាំងសៀវភៅនៅតែលួចគេដដែលៗដូចតែអញអ៊ីចឹង អញលួចអញដាក់ Cover ដែរ
លួចក៏លួចទៅ ដាក់ Coverទៅ កុំឲ្យខ្មាស ក្មេង? (ម៉ាអាចោរដូចតែអញ សូម្បីតែបើកក្បាលច្រៀងមក ក៏លួចដែរហា សង្ក្រានកូវីដ)
*សុំនិយាយភាសាដើមភាសាពិត អញ:cry::rage:»។
ចូលរួមបញ្ចេញមតិក្នុងរឿងនេះ អ្នកលេងហ្វេសប៊ុកម្នាក់បានលើកឡើងយ៉ាងខ្លីថា៖ “គាត់ច្រៀងពិរោះ ហើយលួចចម្លងបទគេក៏លួចទៅតែកំហុសត្រង់ថា គាត់ដាក់ថាគាត់ជាអ្នកនិពន្ធ”៕ ដោយ៖ លឹម ហុង