ភ្នំពេញ៖ នៅថ្ងៃទី៣ ខែមេសា ឆ្នាំ២០២០ តារាហ្វេសប៊ុក ថៃ ស្រីនាង ដែលផុសរូបភាពស៊ិចស៊ី និងសម្ភារគ្រឿងក្នុងអាសអាភាស ត្រូវបានអនុរក្សពន្ធនាគារ នាំមកកាត់ទោសក្នុងបទចោទប្រកាន់ ពីបទផុសរូបភាពស៊ិចស៊ី និងសម្ភារអាសអាភាស ដោយតុលាការនឹងប្រកាសសាលក្រមនៅថ្ងៃទី ២៤ ខែ មេសា ឆ្នាំ ២០២០ ខាងមុខនេះ ។
សូមបញ្ជាក់ថា កាលពីរសៀលថ្ងៃទី២០ ខែកុម្ភៈ ឆ្នាំ២០២០ ថៃ ស្រីនាង ត្រូវបានសមត្ថកិច្ចនៃអធិការដ្ឋាននគរបាលខណ្ឌទួលគោក បញ្ជូនទៅតុលាការ ហើយតុលាការបានសម្រេចឃុំខ្លួនរង់ចាំការកាត់ទោស ពីបទផុសរូបភាពស៊ិចស៊ី និងសម្ភារអាសអាភាស ដោយយោងតាមមាត្រា ៣៨-៣៩ ច្បាប់ប្រឆាំងការជួញដូរមនុស្ស និងការពារអនីតិជន ដែលជាប់ទោសចាប់ពី (១ខែ ដល់ ១ឆ្នាំ) ។
សមត្ថកិច្ចចាប់ខ្លួនប្រគល់ឲ្យតុលាការចាត់តាមផ្លូវច្បាប់ គឺបន្ទាប់អ្នកលក់អនឡាញដ៏ស៊ិចស៊ីនេះ មិនចេះកែខ្លួន ដោយនៅតែផ្គើនធ្វើរឿងដដែលៗ បានត្រឹមតែប៉ុន្មានម៉ោងប៉ុណ្ណោះ បន្ទាប់ពីទទួលយកការធ្វើកិច្ចសន្យា និងសារភាពកំហុសរបស់ខ្លួនរួច កាលពីរសៀលថ្ងៃទី១៨ ខែកុម្ភៈ ឆ្នាំ២០២០ ។
នេះបើយោងតាមផេកហ្វេសប៊ុកលោក ផែង វណ្ណៈ បានបង្ហោះឲ្យដឹងថា៖ “នាំ ថៃ ស្រីនាង មកកាត់ទោសពីបទ រូបភាព និង សម្ភារ អាសអាភាស និងបទបង្ហាញកេរភេទ តុលាការនឹងប្រកាសសាលក្រមនៅថ្ងៃទី ២៤ ខែ មេសា ឆ្នាំ ២០២០ ខាងមុខ “៕ ដោយ៖ លឹម ហុង