ឆ្នាំជូត
ដួងជតារាសី ៖ រាសីល្អជាមធ្យម។ ក្នុងរង្វង់គ្រួសារមានភាពស្រុះស្រួល និង កំពុងកើតវាលកាលកុម្ពត្រជាក់ត្រជុំណាស់ដែរ។
ការងារ ៖ នៅថ្ងៃនេះទោះលោកអ្នកធ្វើអ្វីតែងមានកំហុសច្រើន ហើយពិសេសក្រុមមនុស្សដែលបង្ករឿងថ្នាំងថ្នាក់ក៏ច្រើនផងដែរ។
ជំនួញ ៖ លោកអ្នកប្រកបរបររកស៊ីជួញដូរមុនធ្វើអ្វីមួយគប្បីមានការត្រិះរិះឱ្យបានច្បាស់លាស់ទើបមិនកើតការភ្លាំងភ្លាត់នាំសោកស្តាយនៅពេលក្រោយ ពិសេសបញ្ហាប្រាក់កាសតែម្តង។
ស្នេហា ៖ មនោសញ្ចេតនាប្រុសស្រីចូរកុំគប្បីឈ្លក់វង្វេងតែសេចក្តីស្នេហាពេកត្រូវរកពេលវេលាបំពេញការងារឬរៀនសូត្រទើបជាការប្រពៃបំផុត៕
ឆ្នាំឆ្លូវ
ដួងជតារាសី ៖ រាសីស្រុតចុះ។ នៅថ្ងៃនេះដោយសារដួងរាសីស្រុតចុះ ហេតុនេះបើទោះបីលោកអ្នកធ្វើអ្វីក៏ដោយតែងមិនឆ្លើយតបដូចក្តីប្រាថ្នាប៉ុន្មាននោះឡើយ។
ការងារ ៖ ចំពោះការងារលោកអ្នកត្រូវពុះពារទើបរឿងដែលអាក្រក់នឹងប្រែមកល្អវិញ។
ជំនួញ ៖ អ្នកប្រកបរបររកស៊ីជួញដូរលោកអ្នកជួបរឿងទុក្ខកង្វល់ច្រើនព្រោះតែការជួញទីជិតឆ្ងាយពុំហុចផ្លែផ្កាដូចជាទីគាប់ចិត្តប៉ុន្មានទេ។
ស្នេហា ៖ មនោសញ្ចេតនាស្នេហាកំលោះក្រមុំកើតមានការរកាំចិត្តនិងចម្រូងចម្រាសចំពោះគ្នាច្រើន៕
ឆ្នាំខាល
ដួងជតារាសី ៖ រាសីខ្ពស់ត្រដែត។ នៅថ្ងៃនេះការរស់នៅលោកអ្នកមានភាពសុខដុមគួរសម។
ការងារ ៖ អាចមានដំណឹងល្អពីការឡើងតំណែង ឬប្រាក់ខែ និងទទួលបានការកោតសរសើរពីចៅហ្វាយនាយ ។
ជំនួញ ៖ អ្នកប្រកបរបររកស៊ីជួញដូរនៅថ្ងៃនេះទោះទីជិតឆ្ងាយមានភាពកាក់កបល្អ ហើយបើចង់ជួញផ្លូវឆ្ងាយទៀតសោតក៏ផ្តល់ផ្លែផ្កាគួរសម។
ស្នេហា ៖ មនោសញ្ចេតនាស្នេហាកំលោះក្រមុំបើមិនទាន់មានគូគាប់ ហើយចង់ស្វែងរកជាពេលវេលាល្អប្រពៃណាស់ផង៕
ឆ្នាំថោះ
ដួងជតារាសី ៖ រាសីស្រុតចុះ។ នៅថ្ងៃនេះដោយសារដួងរាសីស្រុតចុះ ហេតុនេះ លោកអ្នកមិនអាចប្រមាថបានឡើយបើពុំនោះទេអាចនឹងមានរឿងរាវមិនល្អណាមួយចូលមកនាំពិបាកទប់ទល់ពុំខាន។
ការងារ ៖ ការប្រកបការងារទាំងស្ត្រីបុរសលោកអ្នកគប្បីរក្សាភាពនឹងធឹង ហើយមិនត្រូវនិយាយច្រើនទៅលើរឿងអ្នកដទៃនោះឡើយទើបគ្មានបញ្ហាណាមួយចោទឡើងចំពោះគ្នា។
ជំនួញ ៖ អ្អ្នកប្រកបរបររកស៊ីជួញដូរលោកអ្នកមិនត្រូវចេះដឹងឮរឿងអ្នកដទៃច្រើនឡើយប្រយ័ត្នឥតការអ្វីសោះនាំរឿងរ៉ាវអាក្រក់មកដាក់ខ្លួនវិញ។
ស្នេហា ៖ មនោសញ្ចេតនាស្នេហាប្រុសស្រីជួបរឿងប្រទាំងប្រទើសនិងចាប់កំហុសគ្នាច្រើន៕
ឆ្នាំរោង
ដួងជតារាសី ៖ រាសីល្អជាមធ្យម។ ការរស់នៅលោកអ្នកជួបនូវឧបសគ្គរាំងមុខច្រើនបន្តិច តែយ៉ាងណាបើពុះពារទៅបានក៏តែងទទួលផលគួរជាទីពេញចិត្តមកវិញដែរ ។
ការងារ ៖ លោកអ្នកគប្បីយកចិត្តទុកដាក់ថែទាំការងារព្រោះងាយធ្លាក់ស្រុតចុះឬក្រុមមនុស្សបង្កជាឧបសគ្គណាស់។
ជំនួញ ៖ អ្នកប្រកបរបររកស៊ីជួញដូរមានការប្រជែងគ្នាច្រើននិងពិសេសមានការប្រទាំងប្រទើសជាមួយអ្នកមានមុខរបរដូចគ្នាផងគួរមានការបើកចិត្តឱ្យទូលាយបន្តិចទើបគ្មានរឿងរ៉ាវចម្រូងចម្រាសកើតមានឡើង។
ស្នេហា ៖ មនោសញ្ចេតនាស្នេហាកំលោះក្រមុំមានការប្រែប្រួលប្តូរផ្លាស់ពីព្រោះជួនត្រូវរ៉ូវជួនទាស់ទែងគ្នា៕
ឆ្នាំម្សាញ់
ដួងជតារាសី ៖ រាសីស្រុតចុះ។ លោកអ្នកគួរប្រយ័ត្នប្រយែងការមានទំនាស់ពាក្យសម្តីជាមួយអ្នកនៅក្បែរខ្លួនផង។
ការងារ ៖ អ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកបន្តិចវិញ ប៉ុន្តែយ៉ាងណាផលកម្រៃក៏មិនសូវឆ្លើយតបដូចសេចក្តីប៉ងប្រាថ្នាទេ ឬ អាចនិយាយបានថាគ្រាន់ទប់ទល់ក្នុងការចាយវាយ។ការធ្វើដំណើរទៅទិសអាគ្នេយ៍ចូរប្រយ័ត្នជួបគ្រោះចាញ់បោកគេដោយប្រការណាមួយ។
ជំនួញ ៖ អ្នកប្រកបរបររកស៊ីជួញដូរការជួញទីជិតឆ្ងាយក្តីជួបផលលំបាកក្នុងការរកផលចំណូលណាស់ដែរហើយក្រៅពីនេះលោកអ្នកគួរប្រយ័ត្នប្រយែងការមានជម្លោះវិវាទថែមទៀត។
ស្នេហា ៖ មនោសញ្ចេតនាស្នេហាកំលោះក្រមុំងាយទាំងទាស់ទែងនិងត្រូវរ៉ូវគ្នាវិញផងដែរ៕
ឆ្នាំមមី
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះបើលោកអ្នកទំនាក់ទំនងការងារអ្វីមួយតែងហុចជាផ្លែផ្កាមកវិញគ្រាន់ជាទីពេញចិត្តផង។
ជំនួញ ៖ អ្នកប្រកបរបររកស៊ីជួញដូរមានការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។ការធ្វើដំណើរទីជិតឆ្ងាយជួបសេចក្តីសុខដុមទាំងពេលទៅនិងត្រឡប់មកវិញ។
ស្នេហា ៖ មនោសញ្ចេតនាស្នេហាកំលោះក្រមុំមានការរីកលូតលាស់ទៅមុខនិងកំពុងផ្អែមល្ហែមប្រពៃ៕
ឆ្នាំមមែ
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះការបំពេញការងារលោកអ្នកត្រូវចេះយកចិត្តទុកដាក់ឱ្យបានខ្លាំងក្លានោះផ្លែផ្កាដែលផ្តល់មកវិញក៏ដូចជាទីពេញចិត្ត។ក្រៅពីនេះចំពោះការរស់នៅស្ត្រីគប្បីមានការប្រយ័ត្នប្រយែងក្នុងរឿងអ្វីមួយបន្តិចព្រោះថាបើសម្រេចចិត្តធ្វើអ្វីមួយខុសនោះនាំឱ្យបាត់បង់ច្រើនជាងទទួលផល។
ជំនួញ ៖ អ្នកប្រកបរបររកស៊ីជួញដូរវិញបើលោកអ្នកចង់បោះទុនតូចធំ ឬ ចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយបើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។
ស្នេហា ៖ មនោសញ្ចេតនាស្នេហាប្រុសស្រីកុំជ្រួលជ្រើមខុសបែបបទប្រយ័ត្ននាំក្តីទុក្ខលំបាកមកវិញ៕
ឆ្នាំវក
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីងាយភ្លាំងភ្លាត់ និង ជួបបញ្ហាច្រើនជាងសព្វមួយដង ម្ល៉ោះហើយគប្បីមានការប្រយ័ត្នប្រយែងបន្តិចទើបប្រសើរ។
ជំនួញ ៖ អ្នកប្រកបការងារដោយសារដួងរាសីដាំក្បាលចុះដូចនេះធ្វើឱ្យជួបបញ្ហាប្រទាំងប្រទើសនិងពិសេសកិច្ចការធំៗគប្បីប្រយ័ត្នប្រយែងសត្រូវក្បែរខ្លួន។ការធ្វើដំណើរឆ្ងាយជិតឱ្យប្រយ័ត្នបញ្ហាឧប្បត្តិហេតុទើបប្រសើរ។
ស្នេហា ៖ មនោសញ្ចេតនាស្នេហាកំលោះក្រមុំមិនមានការជឿនលឿនទៅមុខទេពិសេសងាយមានជម្លោះវិវាទជាមួយគ្នាទៀតផង៕
ឆ្នាំរកា
ដួងជតារាសី ៖ រាសីល្អជាមធ្យម។ ការរស់នៅមនុស្សល្អអាចប្រែជាអាក្រក់ដោយសារផលប្រយោជន៍អ្វីមួយ ម្ល៉ោះហើយលោកអ្នកគប្បីមានការប្រយ័ត្នប្រយែងបន្តិចទើបមិនទទួលរងផលលំបាកកើតឡើង។
ការងារ ៖ នៅថ្ងៃនេះការបំពេញការងារធំដុំច្រើនភ្លាំងភ្លាត់ពុំសូវសមដូចប្រកបទេ ដូចនេះគប្បីប្រយ័ត្នប្រយែងបន្តិចទើបគ្មានបញ្ហាអាក្រក់ណាមួយកើតឡើង។
ជំនួញ ៖ អ្នកប្រកបរបររកស៊ីជួញដូរការរកផលចំណូលមិនត្រូវឱ្យអតិថិជនជំពាក់ប្រាក់ច្រើនទ្បើយប្រយ័ត្នជួបរឿងដូចពាក្យចាស់ថាពេលឱ្យជំពាក់ធូរដូចទឹកហូរ ឯការសងមកវិញតឹងដូចអូសឬស្សីបញ្ច្រាសចុងហើយកើតមានតែបញ្ហាជាមួយគ្នាមិនចេះចប់ ។
ស្នេហា ៖ មនោសញ្ចេតនាស្នេហាកំលោះក្រមុំមានដំណើរថយក្រោយដូចនេះចូរប្រយ័ត្នជម្លោះវិវាទឈានដល់ការបែកបាក់៕
ឆ្នាំច
ដួងជតារាសី ៖ រាសីខ្ពស់ត្រដែត។ ការរស់នៅក្នុងរង្វង់គ្រួសារកំពុងមានភាពស្រុះស្រួលនិងកើតមានភាពសុខដុមគួរសម។
ការងារ ៖ នៅថ្ងៃនេះដោយសារដួងរាសីឡើងខ្ពស់ ហេតុនេះអាចសម្រុកការងារតូចធំដោយតែងឆ្លើយតបជាផលមកវិញគ្រាន់ល្អប្រសើរមកវិញដែរ។
ជំនួញ ៖ អ្នកប្រកបរបររកស៊ីជួញដូរវិញបើលោកអ្នកចេញធ្វើជំនួញទីជិតឆ្ងាយតែងអាចប្រមូលផលកម្រៃហូរចូលមួយៗគ្រាន់រស់ស្រួលខ្លួនផង។
ស្នេហា ៖ មនោសញ្ចេតនាស្នេហាកំលោះក្រមុំមានការជឿនលឿនទៅមុខនិងងកំពុងមានភាពផ្អែមល្ហែមប្រពៃ៕
ឆ្នាំកុរ
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អក្នុងការប្រកបការងារឬសម្រេចចិត្តអ្វីមួយផង។ក្រៅពីនេះលោកអ្នកអាចទទួលដំណឹងល្អឱ្យសប្បាយចិត្តថែមទៀត។
ជំនួញ ៖ អ្នកប្រកបរបររកស៊ីជួញដូរទាំងតូចទាំងធំបើចង់ចរចាទិញឬដោះដូរទំនិញអ្វីមួយដោយមិនត្រឹមឆាប់ត្រូវរ៉ូវគ្នាទេតែអាចសម្រេចជោគជ័យយ៉ាងឆាប់រហ័សទៀតផង។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ មនោសញ្ចេតនាស្នេហាកំលោះក្រមុំបើចង់រៀបចំផ្សំផ្គុំគ្រួសារពេលនេះជាឱកាសល្អប្រពៃណាស់៕
