ភ្នំពេញ៖ នៅថ្ងៃទី៥ខែមេសាឆ្នាំ២០២០ នេះ ផេកហ្វេសប៊ុក Samdech Hun Sen, Cambodian Prime
Minister បានផ្សព្វផ្សាយវីដេអូមួយដែលមាន គិលានុបដ្ឋាយិកាអាមេរិកម្នាក់ សម្រេចចិត្តលាឈប់ពីការងារ
ទាំងទឹកភ្នែក ព្រោះមន្ទីរពេទ្យគ្មានសម្ភារបរិក្ខារពេទ្យគ្រប់គ្រាន់ដើម្បីព្យាបាលអ្នកជំងឺកូវីដ-១៩។
នៅក្នុងខ្សែវីដេអូនោះ គិលានុបដ្ឋាយិកាអាមេរិករូបនោះ បាននិយាយរៀបរាប់ទាំងទឹករលីងរលោងថា ថ្ងៃនេះ
ខ្ញុំបានឈប់ពីការងារ , ខ្ញុំបានទៅធ្វើការ និងបានចាត់តាំងឲ្យធ្វើការផ្នែកព្យាបាល អ្នកជំងឺកូវីដ១៩ នៅ
អង្គភាព ICU ដែលត្រូវបានបង្វែរទៅជាអង្គភាព ព្យាបាលអ្នកជំងឺកូវីដ១៩ , ពុំមានគិលានុបដ្ឋាយិកាណាម្នាក់
ពាក់ម៉ាសមុខនោះទេ សូម្បីតែម៉ាសសម្រាប់គ្រូពេទ្យក៏គ្មានផង ។ នៅច្រកផ្លូវតាមមន្ទីរពេទ្យ ដែលត្រូវ
រាយការណ៍ប្រាប់គ្នាទៅវិញទៅមក ក៏គ្មានផង ។ ខ្ញុំមានម៉ាស ៩៥ផ្ទាល់ខ្លួន ។ ខ្ញុំបានប្រាប់ថ្នាក់លើរបស់ខ្ញុំថា
យើងខ្វះខាតសម្ភារ ដែលត្រូវឲ្យខ្ញុំការពារខ្លួនឯងផង ធ្វើយ៉ាងណា ឲ្យខ្ញុំមានអារម្មណ៍ថាខ្លួនឯង មាន
សុវត្ថិភាព។ ខ្ញុំមានគ្រួសារ ហើយខ្ញុំក៏ត្រូវទៅផ្ទះដែរ ដូចគេដែរ ហើយតាមមើលទៅ ពុំមានអ្វីល្អប្រសើរ
នោះទេ ។ អាមេរិកពុំបានត្រៀមអ្វីសោះ ហើយក្រុមគ្រូពេទ្យក៏ពុំមានអ្វីការពារដែរ។ ថ្ងៃនេះខ្ញុំបានជ្រើសរើស
ផ្លូវជីវិតរបស់ខ្លួនឯង ហើយសមាជិកក្រុមគ្រួសាររបស់ខ្ញុំ ដែលមានបញ្ហាស្រាប់នោះ នឹងគ្មានម៉ាស៊ីនជំនួយ
ដង្ហើមប្រើ ប្រសិនបើពួកគេឆ្លងជំងឺកូវីដ១៩ពីខ្ញុំ។ ខ្ញុំបានចាប់ផ្តើមគិតផ្សេង ខ្ញុំបានចាប់ផ្តើមទៅអង្គភាព ICU
នៅព្រឹកនេះ ខ្ញុំរំពឹងថា បានឃើញគ្រូពេទ្យរបស់យើង និងបុគ្គលិករបស់យើង ពាក់ម៉ាស N95 ប៉ុន្តែពុំមាន
នរណាម្នាក់ពាក់ម៉ាសនោះទេ មន្ទីរពេទ្យនៅទូទាំងប្រទេស ប្រឈមនឹងកង្វះខាតឧករណ៍ការពារខ្លួន ដែល
បណ្តាលឲ្យបុគ្គលិកសុខាភិបាលជួរមុខ ប្រឈមនឹងគ្រោះថ្នាក់ដ៏ធ្ងន់ធ្ងរ។ ខ្ញុំមានការខកចិត្តយ៉ាងខ្លាំង និង
ក៏មានការភ័យខ្លាចណាស់ដែរ ។ពុំមែនដោយសារតែខ្ញុំ ប្រឈមនឹងការមើលថែ អ្នកជំងឺកូវីដ១៩នោះទេ
តែដោយសារតែខ្ញុំនៅទីនេះពុំបាន ត្រៀមខ្លួន ពុំមានអ្វីការពារ ។ ពេលដែលយើងមានម៉ាស ដែលអាច
ប្រើប្រាស់បាន គឺពុំមែនជាម៉ាស ដែលត្រូវពាក់មើលថែអ្នកជំងឺទេ ហើយយើងបានប្រើប្រាស់អាវវែង
ដែលមានគុណភាព របស់វា មិនដល់កម្រិតសម្រាប់មើលថែអ្នកជំងឺ។ CDC បានប្រាប់ថា កន្សែងប័ណ្ណដា
ណា ឬក៏ក្រមា ក៏ល្មមអាចការពារ ខ្លួនយើងមិនឲ្យជំងឺឆ្លងបាន ។ យើងដឹងថា ការនិយាយបែបនោះ មិន
ត្រឹមត្រូវទេ ចាស ហើយរឿងនោះយើងសង្ឃឹមថា CDC គួរចុះទៅទីនោះ ដើម្បីការពារពួកយើង ជា
អ្នកធ្វើការងារជួរមុខ ។ ហើយសូម្បីតែទៅ ក៏គេមិនបានទៅផង ដូច្នេះហើយពួកយើងពិតជាខ្លាចណាស់
ព្រោះយើងពិតជាមានអារម្មណ៍ជ្រួលច្របល់ណាស់ ។ឧទារណ៍ ដូចមានករណីអគ្គិភ័យ អ្នកមិនអាចបញ្ជូន
បុគ្គលិកពន្លត់អគ្គិភ័យ ទៅពន្លត់ភ្លើង ដោយប្រើកាំភ្លើងបាញ់ទឹកបានទេ ចុះហេតុអ្វីពួកគេធ្វើបែបនេះ ចំពោះ
គ្រូពេទ្យ ។ គោលការណ៍ណែនាំរបស់ CDC បានបញ្ជាក់ថា ខ្លួនមិនដឹងច្បាស់ថា កន្សែងឬក្រមា អាចការពារ
ជំងឺមិនឲ្យឆ្លងក្នុងកម្រិតណាទេ ។ បុគ្គលិកថែទាំសុខភាព អាចប្រើម៉ាសផលិតតាមផ្ទះដូចជា កន្សែងប័ណ្ណដា
ណា ឬក្រមា សម្រាប់ថែទាំអ្នកជំងឺកូវីដ១៩ ជាជម្រើសចុងក្រោយ៕ដោយ៖បញ្ញាស័ក្តិ
