ភ្នំពេញ៖ ជនសង្ស័យ១ក្រុមជិះម៉ូតូ៥គ្រឿង ធ្វើសកម្មភាពជិះដេញវាយប្លន់ យុវជន៣នាក់ កំពុងជិះមួយគ្រឿង បណ្ដាលឲ្យរងរបួស រួចយកទូរស័ព្ទបាន៤គ្រឿង ហើយជិះរត់គេចបាត់ស្រមោល។
ហេតុការណ៍នេះកើតឡើងនៅវេលាម៉ោង២និង៥០នាទីយប់ ថ្ងៃទី៥ ខែមេសា ឆ្នាំ២០២០
ស្ថិតតាមបណ្ដោយផ្លូវ១៨២ ចំណុចជិតរង្វង់មូលនាងគង្ហីង ក្នុងសង្កាត់អូរឫស្សី២ ខណ្ឌ៧កមរា។
ជនរងមិនត្រូវស្គាល់អត្តសញ្ញាណនៅឡើយ។
តាមសំដីជនរងគ្រោះបានឲ្យដឹងថា មុនពេលកើតហេតុ រូបគេមានគ្នា៣ជិះម៉ូតូស៊ូម័រអិច ពណ៌ទឹកក្រូចលាយស ពាក់សផ្លាកលេខភ្នំពេញ1GN 5884 ជិះចេញពីម្ដុំវត្តបទុម គោលបំណងត្រឡប់ទៅផ្ទះ នៅចំការដូងដោយធ្វើដំណើរ តាមបណ្ដោយផ្លូវ១៨២ ខណៈមកដល់ចំណុចកើតហេតុខាងលើ ស្រាប់លេចជនសង្ស័យ១ក្រុម ជិះម៉ូតូ៥គ្រឿង មានគ្នាជាច្រើន មកពីក្រោយធ្វើសកម្មភាព វាយប្លន់ បណ្ដាលឲ្យរូបគាត់២នាក់ រងរបួសបែកក្បាល និងម្នាក់ទៀត មិនរងរបួសនោះទេ ដោយគាត់ចេញរត់ទាន់ ហើយជនសង្ស័យ បានប្រមូលយកទូរស័ព្ទទំនើបៗ បាន៤គ្រឿង ជិះគេចខ្លួន ដោយសុវត្ថិភាព មិនរំខាន់ដល់សមត្ថកិច្ច។ោយ
ក្រោយកើតហេតុ ជនរងគ្រោះត្រូវបានសមត្ថកិច្ចដឹកយកទៅប៉ុស្តិ៍អូរឫស្សីទី៤ ដាក់ពាក្យបណ្ដឹង ដើម្បីស្រាវជ្រាវ ឈានទៅដល់កំណត់មុខសញ្ញា និងចាប់មកផ្ដាន្ទាទោសតាមផ្លូវច្បាប់៕ដោយ៖សាម៉េត