ភ្នំពេញៈ ជនសង្ស័យម្នាក់ ក្នុងចំណោមបក្ខពួកពីរនាក់ ត្រូវបានសមត្ថកិច្ចគ្នាឃាត់ខ្លួន បន្ទាប់ពីធ្វើសកម្មភាពកាក់ប្លន់ស្ត្រីមានផ្ទៃពោះ២ យកម៉ូតូមួយគ្រឿង ក្នុងខណ្ឌមានជ័យ បានសម្រេច។
ហេតុការណ៍នេះ ឃាត់ខ្លួននេះ បានកើតឡើង កាលពីវេលាម៉ោង៩ព្រឹក ថ្ងៃទី៦ ខែមេសា ឆ្នាំ២០២០ ស្ថិតនៅចំណុចបន្ទប់ជួលមួយកន្លែង ក្នុងភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ។
ជនសង្ស័យដែលសមត្ថកិច្ចឃាត់ខ្លួនបាន ឈ្មោះជិន អេលីយ៉ា ភេទប្រុស អាយុ២៨ស្នាក់ នៅសង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ។
ជនរងគ្រោះ ឈ្មោះលៀន វ៉ាន់រ៉ា អាយុ៣២ឆ្នាំ ស្នាក់នៅភូមិសន្សំកុសល៦ សង្កាត់បឹងទំពុនទី១ ខណ្ឌមានជ័យ រាជធានីភ្នំពេញ។
តាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុគឺនៅវេលាម៉ោង១១យប់ ថ្ងៃទី៥ ខែមេសា ឆ្នាំ២០២០ ស្ត្រីរងគ្រោះបានជិះម៉ូតូម៉ាកស្កុបពី ពណ៌ស ពាក់ផ្លាកលេខ ភ្នំពេញ 1HV 9157 និងមានភ្ជាប់ប្រព័ន្ធ GPS ចេញពីផ្ទះ បំណងទៅឌុបប្តីរបស់ខ្លួន នៅឯផ្ទះម្តាយមីង ដែលនៅមិនឆ្ងាយប៉ុន្មានពីផ្ទះខ្លួននោះទេ លុះទៅដល់ពាក់កណ្តាលផ្លូវ ស្រាប់តែមានជនសង្ស័យពីរនាក់ ជិះម៉ូតូមួយគ្រឿង មិនចាំម៉ាក កាក់ពីមុខម៉ូតូគាត់ ហើយនិយាយគំរាមឲ្យចុះពីម៉ូតូ ពេលនោះគាត់ មិនព្រមចុះឡើយ ភ្លាមៗ ជនល្មើសម្នាក់ ក្នុងចំណោមគ្នាវា បានវាយគាត់មួយដៃ ចំគល់ដោះខាងស្តាំ ដោយភ័យខ្លាំងពេក ខ្លាចវាវាយចំពោះព្រោះមានផ្ទះពោះពីរខែផង ក៏ចុះពីម៉ូតូគ្រគល់ ឲ្យពួកវាតាមសម្រួលសុំតែរួចខ្លួន។
រហូតដល់ម៉ោង៩ព្រឹកថ្ងៃទី៦ ខែឆ្នាំដដែលនេះ ដោយពួកជនល្មើស មិនទាន់បានផ្តាច់ GPS ពីម៉ូតូ។ ជនរងគ្រោះក៏ប្តឹងសមត្ថកិច្ច ចុះព័ទ្ធចាប់ជនសង្ស័យបានម្នាក់ និងម៉ូតូជនរងគ្រោះ ឯជនល្មើសម្នាក់ទៀត គេចខ្លួនបាត់ស្រមោល។
ក្រោយឃាត់ខ្លួន ជនសង្ស័យត្រូវបានសមត្ថកិច្ចខណ្ឌមានជ័យ នាំទៅសាកសួររកបក្ខពួក និងចាត់ការតាមនីតិវិធីច្បាប់៕ ដោយ៖ផាន់ណា
