តាកែវ៖ នៅព្រឹកថ្ងៃទី ៦ ខែមេសា ឆ្នាំ២០២០នេះ ម្ចាស់ភោជនីយដ្ឋានរំដួលតាកែវ និងមណ្ឌលកំសាន្ត VIP លោក អេង ប៉ជាក រួមជាមួយនិងភរិយា ប្រកាសចែកនៅគ្រឿងឧបភោគបរិភោគ ជាអង្ករ និងត្រីខកំប៉ុង ដល់បុគ្គលិករបស់ខ្លួនជាង ១០០នាក់ ដែលខ្វះខាត ក្រោយពេលត្រូវសម្រាកបណ្តោះអាសន្នមួយរយៈពេលខ្លី ដោយសារវីរុស កូវីដ១៩ ។
សកម្មភាពមនុស្សធម៌នេះពិតជាបានស្តែងចេញ នូវទឹកចិត្តសប្បុរសមួយ ដែលថៅកែយល់ដឹងច្បាស់ពីភាពខ្វះខាត របស់បុគ្គលិកខ្លួន បើទោះបីជាអំណោយទាំងនេះ មានសភាពតិចតួចក៏ពិតមែន តែវាក៏អាចជួយដល់បងប្អូនបានមួយគ្រាដែរ ។
បើតាមការឲ្យដឹងពីលោក អេង ប៉ជាក ម្ចាស់ភោជ្ជណីដ្ឋានរំដួលតាកែវ បានឲ្យដឹងថា ក្រោយពេលរាជរដ្ឋាភិបាលកម្ពុជាប្រកាសឲ្យបិទទីតាំងមណ្ឌលកម្សាន្តនានាទូទាំងប្រទេស ដើម្បីរួមគ្នាប្រយុទ្ធប្រឆាំង និងទប់ស្កាត់ការឆ្លងរីករាលដាលពីជំងឺកូវីដ១៩ បុគ្គលិកដែលបម្រើការងារទាំងអស់ត្រូវបានសម្រាកពីការងារជាបណ្តោះអាសន្ន ទើបរូបលោករួមជាមួយភរិយាបានធ្វើការបរិចាកថវិការផ្ទាល់ខ្លួនមួយចំនួន ដោយទិញជាអង្ករ និងត្រីខ កំប៉ុង ចែកជូនបុគ្គលិករបស់ខ្លួនដែលមានចំនួនជាង ១០០នាក់ ដោយក្នុងមួយនាក់ទទួលបានអង្ករមួយបាវ ត្រីខកំប៉ុងមួយយួរ ដើម្បីជួយសម្រាលនូវផលលំបាករបស់ពួកគាត់ ហើយចំពោះបុគ្គលិកណាដែលនូវមិនទាន់មកទទួលយក អាចមកពេលណាក៏បានដែរ ៕ដោយ៖ តាកែវ