ភ្នំពេញ៖ វីដេអូថ្មីមួយទៀតហើយ បានកំពុងបង្កឲ្យមានការខឹងសម្បារយ៉ាងខ្លាំង ពីសំណាក់បងប្អូនអ្នកប្រើប្រាស់បណ្តាញសង្គម ចំពោះទង្វើរបស់ជាម្ចាស់ផ្ទះជួលមួយ ដែលបានចាប់ស្ត្រីមានផ្ទៃពោះម្នាក់ចងប្រៀបដូចសត្វ ។
យោងតាមស្ត្រីរងគ្រោះ រឿងហេតុនេះ គឺផ្តើមចេញពីនៅពេលរូបគាត់បានទៅជួយរើបន្ទប់ជួលឲ្យបងស្រី នៅពេលនោះស្ត្រីជាម្តាយម្ចាស់ផ្ទះជួលបានរករឿងជេរបងស្រីរបស់ខ្លួន ព្រោះតែរឿងរើបន្ទប់ជួល ។ ក្រោយពេលឮបែបនេះ រូបនាងក៏បានមកដល់ ហើយសួរនាំហេតុអ្វីបានជាគាត់ (ស្ត្រីជាម្តាយម្ចាស់ផ្ទះ) ជេរបែបនេះ ព្រោះបងស្រីរបស់នាងឲ្យថ្លៃបន្ទប់ជួលត្រឹមត្រូវមិនដែលខ្វះសូម្បីមួយរៀល ។ ទោះយ៉ាងណា ភ្លាមៗនោះ ស្រាប់តែបុរសជាកូន (ជនដៃដល់) ក៏ស្ទុះមកព្រួតជេរដៀលធ្ងន់ៗរហូតកើតជាជម្លោះខ្លាំងក្លាហ៊ានដល់ចាប់រូបនាងចងបែបនេះតែម្តង និងសូម្បីបោះពាក្យសម្តីថា ចង់ទៅប្តឹងអ្នកណាប្តឹងទៅទៀតផង ។
ការប្រើអំពើហិង្សាលើស្ត្រីភេទ បើទោះជាក្នុងរូបភាពបែបណាក៏ដោយ គឺជាទង្វើផ្ទុយនឹងច្បាប់ ជាពិសេសទៅលើស្ត្រីដែលមានផ្ទៃពោះបែបនេះ ត្រូវបានគេចាត់ទុកថាជាអំពើសាហាវព្រៃផ្សៃមួយ ដែលច្បាប់មិនអាចលើកលែងទោសឲ្យបានឡើយ ។
រហូតមកទល់ពេលនេះ យើងក៏ពុំទាន់ដឹងថា ភាគីទាំងពីរដោះស្រាយគ្នាតាមច្បាប់យ៉ាងណានោះទេ ដោយនៅក្នុងពាក្យបណ្តឹង ស្ត្រីរងគ្រោះបានប្តឹងទាមទារសំណងជំងឺចិត្ត និងថ្លៃព្យាបាលរបួសចំនួន ៥ ពាន់ដុល្លារ ៕ដោយ៖លឹម ហុង