បន្ទាយមានជ័យ ៖ មន្ត្រីថា សុខភាពដោយប្រឆាំងមេរោគកូវីត១៩ សំខាន់ជាងការបើកច្រកព្រំដែនថៃ កម្ពុជានិងជីវភាពពលរដ្ឋ ។
នេះបើតាមពលរដ្ឋតវ៉ានិងមន្ត្រីកម្ពុជា ស្រង់សំដីមន្ត្រីអាជ្ញាធរ មានសមត្ថកិច្ចថៃ ដែលបានប្រាប់មកមន្ត្រីភាគីកម្ពុជា ដែលបានស្នើសួរទៅ ខណៈពលរដ្ឋកម្ពុជាបានលើកគ្នា តវ៉ា២ថ្ងៃជាប់គ្នាថ្ងៃទី៥ និង៦ ខែមេសា ឆ្នាំ២០២០ ច្រកព្រំដែនដើម្បីសុំបើកព្រំដែនឡើងវិញ និងស្នើឲ្យពលរដ្ឋ ក៏ដូចអាជីវករ កម្មករចូលទៅប្រកបរបររកស៊ីធ្វើការឡើងវិញ នៅផ្សាររោងក្លឿប្រទេសថៃ ។
សូមបញ្ជាក់ថា ក្នុងបំណងទប់ស្កាត់ការរីករាលដាលជាសាកលនូវជំងឺកូវីដ១៩ លើកនេះភាគីថៃបានស្នើកម្ពុជានោះ ច្រកព្រំដែនគោកនៅបណ្តោយព្រំរំដែនថៃ កម្ពុជា តាំងពីច្រករបៀង ច្រកតំបន់ព្រំដែន និងច្រកព្រំដែនត្រូវបានបិទបន្តបន្ទាប់ ពីថ្ងៃទី១៩ខែមីនាមក បាននឹងបន្តបិទមកទល់ថ្ងៃទី៦ខែមេសាឆ្នាំ២០២០នេះ ។
សម្រាប់ច្រកព្រំដែនអន្តរជាតិប៉ោយប៉ែត- ខ្លងលឹក បានបិទពីថ្ងៃទី២៣ខែមីនាមក ហើយថានឹងបើកឡើងវិញ នៅថ្ងៃទី៥ខែមេសាឆ្នាំ២០២០ ។
ដល់ថ្ងៃទី៥ខែមេសាឆ្នាំ ២០២០ នៅតែមិនបើកដូចសន្យា ទើបពលរដ្ឋ១០០គ្រួសារ មួយចំនួនបានតវ៉ាសុំចូលថៃ ឬថាសុំអាជ្ញាធរមានសមត្ថកិច្ចប្រទេសទាំង២ បើកច្រកព្រំដែនឡើងវិញ ដើម្បីពួកគេបានប្រកបរបររកស៊ីរកស៊ីចិញ្ចឹមជីវិត ។
ពលរដ្ឋបានរិះគន់ ដល់មន្ត្រីអាជ្ញាធរមានសមត្ថកិច្ច នៃប្រទេសទាំង២ថា ដើម្បីទប់ស្កាត់ប្រយុទ្ធប្រឆាំង នឹងការរីករាលដាលជំងឺកូវីដ១៩ ថៃស្នើបិទព្រំដែនដើម្បីកុំឲ្យមនុស្សចេញចូល ។ប៉ុន្តែ ថៃអាចនាំទំនិញមកកម្ពុជា បានដដែល ឬបានថយចុះខ្លះ ។ ប៉ុន្តែទំនិញពីកម្ពុជា ដែលមានមួយចំនួនតូចស្រាប់នោះ ត្រូវបានបិទទាំងស្រុង ។
នេះជាសំណើមិនស្មើភាពគ្នា ដែលមន្ត្រីអាជ្ញាធរមានសមត្ថកិច្ចកម្ពុជា ហាក់ដូចមិនយល់អ្វីសោះពីការចាញ់ប្រៀបភាគីថៃ ។
ពលរដ្ឋកម្ពុជា បានខកចិត្តជាខ្លាំង ដោយសារថាខាងភាគីកម្ពុជា និងថៃមិនឲ្យចូលនិងបើកច្រកព្រំដែន សម្រាប់មនុស្សនិងរទេះអូសដដែល ដោយភាគីទាំ២លើកហេតុផលថា មេរោគ កូវីដ១៩( Covid 19 ) រីករាលកាន់តែខ្លាំង ។
មន្ត្រីភាគីថៃប្រាប់ភាគីកម្ពុជាថា សុខភាពមនុស្ស ដែលត្រូវរួមគ្នាប្រឆាំង នឹងមេរោគកូវីដ១៩ សំខាន់ជាង ។ ឯការបើកច្រកព្រំដែន និងជីវភាពពលរដ្ឋទាំង២ ចាំដោះស្រាយតាមក្រោយ ។
លោកង៉ោ ម៉េងជ្រួន អភិបាលរងខេត្តបន្ទាយមានជ័យ និងមន្ត្រីរាជការ និងសមត្ថកិច្ចប្រដាប់អាវុធ បានចេញទៅសម្របសម្រួល បានស្នើឲ្យពលរដ្ឋយល់ដូចមន្ត្រីបានប្រាប់ ។
លោកបានបន្តថា ៖ ខាងថៃបានប្រាប់មកថា គេស្នើបន្តសុំបិទរហូតដល់ថ្ងៃទី ៣០ខែមេសា ឬដល់ថ្ងៃទី ១ខែ ឧសភា ឆ្នាំ២០២០ ឬក៏បន្តទៀត បើសិនស្ថានភាពមេរោគ និងជំងឺនេះមិនធូរស្រាល ។
សូមរំលឹកដែរថា ច្រកខ្លះបានកំណត់ពេលបើកឡើងវិញ ប៉ុន្តែបានពន្យារបន្តដូចករណីច្រកព្រំដែនអន្តរជាតិប៉ោយប៉ែតនេះ ។
និងច្រកភាគច្រើន មិនបានកំណត់ពេលបើក ដោយសំអាងថា ស្ថានភាពជំងឺកូវីដ១៩ មិនទាន់ធូរស្រាល ៕ ដោយ ៖ បន្ទាយ