ភ្នំពេញ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រី្ត រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញអុជធូប ថ្វាយគ្រឿងសក្ការ និងបួងសួងដល់ បារមីព្រះអង្គចតុទិស អ្នកតាព្រះស្រុក (អ្នកតាព្រះចៅ) និងបារមីរបស់លោកយាយពេញ (វត្តភ្នំ) រាជធានីភ្នំ ពេញ នារសៀលថ្ងៃសៅរ៍ ទី៤ ខែមេសា ឆ្នាំ២០២០ ។
ពីធីបួងសួងធ្វើឡើងដើម្បីរំលឹកនូវគុណូបការរបស់បុព្វបុរស អតីតព្រះ មហាក្សត្រ ដែលបានកសាង និងកាពារព្រះរាជាណាចក្រកម្ពុជា និងបញ្ជៀសនូវឧបទ្រពចង្រៃ ជៀសផុតពីគ្រោះរាំងស្ងួត និងជៀសផុតនូវតម្កាត់ទាំងឡាយ ជាពិសេស ជំងឺរលាផ្លូវដង្ហើម កូវីដ-១៩ ដែលបាននិងកំពុងរីករាលដាលយ៉ាងខ្លាំងពាសពេញពិភលពលោក ។
លោកជំទាវកិត្តិសង្គហបណ្ឌិត ម៉ែន សំអន បានបួងសួងថ្វាយព្រះពរជ័យថ្វាយព្រះមហាក្សត្រ ព្រះមហាក្សត្រី ជាសម្តេចម៉ែ សម្តេចយាយ សម្តេចយាយទួត មុនីនាថ សីហនុ និង ប្រគេនពរដល់ព្រះសង្ឃគ្រប់ព្រះអង្គ និង ជូនពរ សម្តេចអគ្គមហា សេនាបតីតេ ជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាថ្នាក់ដឹក នាំ សមាជិក សមាជិកា ព្រឹទ្ធសភា រដ្ឋសភា ព្រមទាំងប្រជាពលរដ្ឋនៅទូទាំងប្រទេស សូមឲ្យជួបសេចក្តីសុខ សន្តិភាព សេចក្តីចម្រើនគ្រប់ៗក្រុមគ្រួសារ និងដើម្បីជៀសផុតពីជំងឺផ្សេងៗ សូមឲ្យទេវតាឆ្នាំថ្មីតាមថែរក្សាបងប្អូនពលរដ្ឋកម្ពុជាទាំងមូល ឲ្យជួបតែសេចក្ដីសុខជារៀងរហូត ៕ ដោយ៖កូឡាប
