ឆ្នាំជូត
ដួងជតារាសី ៖ រាសីល្អជាមធ្យម។ នៅថ្ងៃនេះដួងរាសីល្អប្រសើរបន្តិច។
ការងារ ៖ ការងារមុនសម្រេចចិត្តអ្វីមួយគប្បីគិតឱ្យបានគ្រប់ជ្រុងជ្រោយបន្តិចទើបទទួលផ្លែផ្កានៅពេលក្រោយវិញជាទីគាប់ចិត្ត។
ជំនួញ ៖ អ្នកប្រកបរបររកស៊ីជួញដូរវិញ ជួបភាពប្រទាំងប្រទើសច្រើន ហើយពិសេសឱ្យប្រយ័ត្នមានជម្លោះវិវាទដោយសារការប្រើពាក្យឌឺដងឬការបង្កបញ្ហាចំពោះគ្នាណាមួយឡើង។
ស្នេហា ៖ មនោសញ្ចេតនាស្នេហាកំលោះក្រមុំមានការថយក្រោយច្រើនជាងការជឿនលឿនទៅមុខ ហេតុនេះគប្បីមានការប្រយ័ត្នប្រយ័ត្នប្រយែងបន្តិចទើបប្រសើរ៕
ឆ្នាំឆ្លូវ
ដួងជតារាសី ៖ រាសីស្រុតចុះ។
ការងារ ៖ រាល់ការបំពេញការងារនៅថ្ងៃនេះបើលោកអ្នកឃើញអ្វីមិនល្អគប្បីចៀសចេញឱ្យឆ្ងាយទើបប្រសើរ។
ជំនួញ ៖ អ្នកប្រកបរបររកស៊ីជួញដូរវិញ ជួបបញ្ហាលំបាកក្នុងការរកប្រាក់ចំណូលបន្តិច ឯប្រាក់កម្រៃទៀតសោតទាល់តែខិតខំខ្លាំងទើបរកគ្រាន់ចិញ្ចឹមឆ្នាំងបាយរស់ទៅរួច។ការធ្វើដំណើរឆ្ងាយជិតពុំសូវមានសុវត្តិភាពទេពិសេសទៅចំទិសអាគ្នេយ៍ប្រយ័ត្នឧប្បត្តិហេតុយាយី។
ស្នេហា ៖ មនោសញ្ចេតនាគូគ្រងប្តីប្រពន្ធ ឬ គូស្នេហ៍ប្រុសស្រីចូរប្រយ័ត្នការដើរពាសវាលកាលនាំកើតរឿងរ៉ាវអាក្រក់ណាមួយកើតឡើងនាំជួបផលលំបាកនៅគ្រាក្រោយ៕
ឆ្នាំខាល
ដួងជតារាសី ៖ រាសីល្អជាមធ្យម។ ក្នុងពេលនេះដំណើរជីវិតរបស់លោកអ្នកមានជោគមានជ័យល្អ បើលោកអ្នកចង់ធ្វើអ្វីមួយគួររួសរាន់ ព្រោះផ្លែផ្កាល្អៗកំពុងហុចឱ្យនៅឡើយ។
ការងារ ៖ ទាំងស្ត្រីបុរសក្នុងពេលនេះដែរលោកអ្នកពុំសូវមានចិត្តក្នុងការបំពេញការងារឡើយ ដូច្នេះត្រូវតែប្រមូលអារម្មណ៍ខិតខំបន្តទៅទៀតដើម្បីចៀសវាងការធ្លាក់ទឹកដោយមិនដឹងខ្លួន។
ជំនួញ ៖ អ្នកប្រកបរបររកស៊ីជួញដូរមានការចំណាយច្រើនអនេកធ្វើឱ្យទទួលអម្រែកយ៉ាងធ្ងន់ជាងមុន។
ស្នេហា ៖ មនោសញ្ចេតនាស្នេហាកំលោះក្រមុំឬពោះម៉ាយមេម៉ាយក្តីមានការពិបាកក្នុងការចុះសម្រុង និង តាមចាប់កំហុសគ្នាច្រើន៕
ឆ្នាំថោះ
ដួងជតារាសី ៖ រាសីស្រុតចុះ។
ការងារ ៖ ការបំពេញការងារជួបឧបសគ្គរាំងស្ទះច្រើន ។ នៅថ្ងៃនេះលោកអ្នកធ្វើអ្វីតោងតែប្រយ័ត្នប្រយែងបន្តិចទើបគ្មានបញ្ហាមិនល្អណាមួយចោទឡើង។
ជំនួញ ៖ អ្នកប្រកបរបររកស៊ីជួញដូរក្នុងថ្ងៃនេះវិញចូរប្រយ័ត្នការមានជម្លោះវិវាទណាមួយជាមួយក្រុមមនុស្សក្បែរខ្លួនដែលរកនឹកស្មានមិនដល់។ការធ្វើដំណើរឆ្ងាយជិតជួបភាពប្រទាំងប្រទើសនិងបញ្ហាយាយីគប្បីមានការប្រយ័ត្នប្រយែង។
ស្នេហា ៖ មនោសញ្ចេតនាស្នេហាប្រុសស្រីកុំយកភាពមោហៈទោសៈដាក់ខ្លួនពីព្រោះនាំកើតជម្លោះវិវាទឈានមិនដល់ខ្លោងទ្វារអាពាហ៍ពិពាហ៍៕
ឆ្នាំរោង
ដួងជតារាសី ៖ រាសីល្អជាមធ្យម។ នៅថ្ងៃនេះដំណើរជីវិតរបស់លោកអ្នកនៅមិនទាន់ល្អនៅឡើយទេ ។
ការងារ ៖ ការបំពេញការងារគប្បីមានការប្រយ័ត្នប្រយែងបន្តិចទើបល្អប្រសើរ។
ជំនួញ ៖ អ្នកប្រកបរបររកស៊ីជួញដូរនៅថ្ងៃនេះវិញមានការរកាំចិត្តច្រើនហើយផលកម្រៃទៀតសោតក៏ហូរចូលដោយតឹងណាស់ដែរ។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ មនោសញ្ចេតនាស្នេហាកំលោះក្រមុំឬពោះម៉ាយមេម៉ាយក្តី មានការចាប់កំហុសព្រោះតែភាពចង់ឈ្នះគ្នាដូចនេះត្រូវកាត់បន្ថយជម្លោះវិវាទទើបគ្មានបញ្ហាចោទឡើង៕
ឆ្នាំម្សាញ់
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះដោយសារដួងរាសីស្រុតចុះ ដូចនេះរាល់ការងារបើមានការសម្រេចចិត្តអ្វីមួយហើយមិនបានល្អនោះតែងបង្កការប៉ះទង្គិចដល់ខែក្រោយថែមទៀត ម្ល៉ោះហើយគប្បីមានការប្រយ័ត្នប្រយែង។
ជំនួញ ៖ អ្នកប្រកបរបររកស៊ីជួញដូរវិញក្នុងរយះពេលនេះមុននឹងចង់ចុះទុនអ្វីមួយត្រូវចេះគិតគូរឱ្យបានច្បាស់លាស់សិនមុនអនុវត្តជាក្រោយទើបអាចទទួលផលសម្រេចល្អ។
ស្នេហា ៖ មនោសញ្ចេតនាស្នេហាប្រុសស្រីមិនសូវចេះអត់ឱនឱ្យគ្នាប៉ុន្មានទេម្ល៉ោះហើយទើបកើតមានរឿងរាវរកាំចិត្តចំពោះគ្នាច្រើនហើយពេលខ្លះត្រូវតម្លើងសរសៃកដាក់គ្នាទៀតផង៕
ឆ្នាំមមី
ដួងជតារាសី ៖ រាសីខ្ពស់ត្រដែត។ នៅថ្ងៃនេះដំណើរជីវិតរបស់លោកអ្នកត្រឡប់មកជាល្អប្រសើរឡើងវិញ ។
ការងារ ៖ រាល់ការទំនាក់ទំនងឬចរចាការងារអ្វីមួយនឹងហុចផ្លែផ្កាល្អៗ ហើយតែងឆ្លើយតបមកវិញគ្រាន់ជាទីពេញចិត្ត។
ជំនួញ ៖ អ្នកប្រកបរបររកស៊ីជួញដូរក្នុងថ្ងៃនេះដែរបើលោកអ្នកចង់បោះទុនតូចធំឃើញថាមិនទាស់ខុសអ្វីដែរព្រោះផ្លែផ្កាទទួលបានក៏ឆ្លើយតបគ្រាន់កក់ក្តៅ។ ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ ស្នេហាកំលោះក្រមុំមានការជឿនលឿនទៅមុខនិងស្រស់ស្រាយប្រពៃ៕
ឆ្នាំមមែ
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះដួងរាសីរបស់លោកអ្នកធ្វើអ្វីក៏តែងមានការជឿនលឿនទៅមុខសន្សឹមៗជានិច្ច។ទោះបីយ៉ាងណាការរស់នៅតែងមានរឿងរាវនិងដំណឹងមិនល្អឈានចូលមកច្រើនផង។
ជំនួញ ៖ អ្នកប្រកបរបររកស៊ីជួញដូរវិញទោះការជួញទីជិតឆ្ងាយលាភប្រាក់កាសពុំមានសម្បូរទេដូច្នេះទាល់តែលោកអ្នកខិតខំខ្លាំងទើបរកប្រាក់ចំណូលគ្រប់គ្រាន់ចិញ្ចឹមឆ្នាំងបាយគ្រាន់រស់ស្រួលខ្លួន ។
ស្នេហា ៖ មនោសញ្ចេតនាស្នេហាកំលោះក្រមុំមានការប្រឆាំងនិងចង់ចាញ់ឈ្នះគ្នាមិនតិចសោះឡើយ៕
ឆ្នាំវក
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះដំណើរជីវិតរបស់លោកអ្នកមិនល្អប្រសើរទេពីព្រោះថាធ្វើអ្វីងាយអូសបន្លាយពេលនិងពិសេសនៅបង្កជះឥទ្ធិពលមិនល្អនៅពេលក្រោយថែមទៀតគប្បីមានការប្រយ័ត្នប្រយែង។
ជំនួញ ៖ អ្នកប្រកបរបររកស៊ីជួញដូរវិញទោះជួញទីជិតឆ្ងាយមិនថាផ្លូវគោក ផ្លូវទឹក ឬផ្លូវអាកាសក្តីមិនសូវសមដូចប្រកបទេឬអាចនិយាយបានថាគ្រាន់មួយទប់ទល់។ការធ្វើដំណើរក្នុងពេលព្រឹកពុំមានអ្វីជាឧបសគ្គទេតែពេលថ្ងៃបន្តិចឱ្យប្រយ័ត្នឧប្បត្តិហេតុយាយី។
ស្នេហា ៖ ស្នេហាកំលោះក្រមុំមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំរកា
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នកងាយជួបគ្រោះមិនល្អយាយីផងដែរ ម្ល៉ោះហើយទោះធ្វើអ្វីមិនអាចធ្វេសប្រហែសបានឡើយដើម្បីចៀសវាងដូចពាក្យចាស់ថា”លិចទូកកណ្តាលទន្លេ”។ទាំងស្ត្រីបុរសក្នុងពេលនេះត្រូវតាំងចិត្តបំពេញកិច្ចការងារបើពុំនោះទេនឹងជួបស្ថានភាពលំបាកជាក់ជាពុំខាន។
ជំនួញ ៖ អ្នកប្រកបរបររកស៊ីជួញដូរជួបការលំបាកក្នុងការរកផលចំណូល ឯការចាយវាយខ្ពស់កំពុងឈានមកដល់ទៀតហើយ។
ស្នេហា ៖ មនោសញ្ចេតនាស្នេហាប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំច
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះដំណើរជីវិតរបស់លោកអ្នកល្អប្រសើរ ម្ល៉ោះហើយមិនថាជាការងារឬការធ្វើអ្វីមួយតែងហុចផលល្អៗមកវិញជានិច្ច។
ជំនួញ ៖ ការប្រកបរបររកស៊ីជួញដូរលោកអ្នកអាចបោះទុនរកស៊ីចូលហ៊ុនជាមួយអ្នកដទៃដោយអាចទទួលផ្លែផ្កាមកវិញគួរជាទីពេញចិត្ត ហើយបើលោកអ្នកចង់ជួញដូរផ្លូវឆ្ងាយក៏តែងហុចផ្លែផ្កាដូចការគ្រោងទុក។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ មនោសញ្ចេតនាស្នេហាកំលោះក្រមុំបើមានការទុំជោរហើយជាឱកាសល្អក្នុងការរៀបអាពាហ៍ពិពាហ៍បំផុត៕
ឆ្នាំកុរ
ដួងជតារាសី ៖ រាសីខ្ពស់ត្រដែត។ នៅថ្ងៃនេះដំណើរជីវិតរបស់លោកអ្នកល្អប្រសើរ ម្ល៉ោះហើយផ្តល់ផលល្អក្នុងការទំនាក់ទំនងការងារ ការចរចា ការចុះហត្ថលេខាអ្វីមួយពីព្រោះថាផ្លែផ្កាល្អៗតែងផ្តល់ច្រើនជាងអាក្រក់។
ការងារ ៖ អ្នកប្រកបការងាររាជការឬក្រុមហ៊ុនឯកជនបើលោកអ្នកមានគម្រោងឬចង់ធ្វើអ្វីមួយគួររួសរាន់ពីព្រោះផ្លែផ្កាដែលទទួលបានមកវិញគួរជាទីកក់ក្តៅ។
ជំនួញ ៖ អ្នកអាជីវករមានការលូតលាស់ទៅមុខគួរសម ហើយការរកផលកម្រៃទៀតសោតគ្រាន់បានគ្រាន់កក់ក្តៅ។
ស្នេហា ៖ មនោសញ្ចេតនាស្នេហាប្រុសស្រីបើមានរៀបអាពាហ៍ពិពាហ៍ឬចូលស្តីដណ្តឹងជាឱកាសល្អប្រពៃបំផុត៕