ភ្នំពេញ៖ ឯកអគ្គរដ្ឋទូតសហរដ្ឋអាមេរិកប្រចាំ នៅព្រះរាជាណាចក្រកម្ពុជា បានអញ្ជេីញមកទស្សនកិច្ចនៅនាយកដ្ឋានប្រយុទ្ធនឹងជំងឺឆ្លងនិងបន្ទប់មជ្ឈមណ្ឌលប្រតិបត្តិការជំងឺឆ្លង ព្រមទាំងបានកោតសរសេីរដល់ការខិតខំរបស់ក្រុមការងារប្រយុទ្ធនឹងជំងឺកូវីដ១៩ ទទួលបានលទ្ធផលល្អប្រសេី និងឃេីញការសហការគ្នាល្អប្រសេីរវាងភាគីពាក់ព័ន្ធទាំងអស់ទាំងជាតិនិងអន្តរជាតិប្រកបដោយជំនាញនិងតម្លាភាព ។
ទូតសហរដ្ឋអាមេរិកប្រចាំកម្ពុជា បានឲ្យដឹងថា ថ្ងៃនេះ(៦មេសា) លោកឯអគ្គរដ្ឋទូត W.Patrick Murphy បានទៅនាយកដ្ឋានប្រយុទ្ធជំងឺឆ្លង (CDC) នៃក្រសួងសុខាភិបាលកម្ពុជា ដើម្បីអរគុណអ្នកធ្វើការផ្នែកសុខភាពសាធារណៈ និងក្រុមគ្រូពេទ្យដែលកំពុងខិតខំបំពេញកាងារដើម្បីធ្វើឲ្យប្រជាជនកម្ពុជាមានសុខភាពល្អ និង សុវត្ថិភាព។
លោកឯអគ្គរដ្ឋទូតបានមានប្រសាសន៍ថា ៖ “ជាមួយនឹងការជួយ និងភាពជាដៃគូយ៉ាងជ្រាលជ្រៅនៃអ្នកឯកទេសមកពីទីភ្នាក់ងារ CDC របស់ស្ថានទូតអាមេរិក អ្នកឯកទេសទាំងនេះកំពុងរកមើលអ្នកមានមេរោគ COVID-19 រកមើលមនុស្សដែលមានទំនាក់ទំនងជាមួយ អ្នកមានមេរោគ ហើយឆ្លើយការហៅទូរស័ព្ទរហូតដល់ចំនួន ១០ ០០០ ដងក្នុងមួយថ្ងៃ ទាក់ទងនឹងរោគរាតត្បាតនេះ តាមខ្សែទូរស័ព្ទពិសេស ១១៥”៕ ដោយ៖កូឡាប