បាត់ដំបង៖ ផឹកស៊ីទំនាស់ពាក្យសំដីបង្កជាអំពេីហិង្សារហូតដល់ស្លាប់គូរទំនាស់ត្រូវបានសមត្ថកិច្ចនគរបាលឃាត់ខ្លួនយកមកផ្តន្ទាទោសតាមច្បាប់ បន្ទាប់ពីពួកទាំង២នាក់ដើររកឃ្មុំក្នុងព្រៃ។
កាលពីថ្ងៃទី៥ ខែ មេសាឆ្នាំ២០២០ អនុវត្តតាមបទបញ្ជារបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបងនិងដោយបានការសម្របសម្រួលលេីនីតិវិធីពីលោក គឺ ប៊ុណ្ណារ៉ា ព្រះរាជអាជ្ញារងអមសាលាដំបូងខេត្តបាត់ដំបងសមត្ថកិច្ចនគរបាលនៃស្នងការដ្ឋាននគរបាលខេត្តបាត់ដំបង បានធ្វេីការស្រាវជ្រាវនិងឈានទៅធ្វេីការឃាត់ខ្លួនជនសង្ស័យជាជនដៃដលក្នុងករណី(ឃាតកម្ម)មួយកាលពីថ្ងៃទី១ ខែមេសា ឆ្នាំ២០២០ ។
ជនសង្ស័យនោះគឺឈ្មោះ ស៊ីប សុខា ភេទប្រុស អាយុ៤០ឆ្នាំ រស់នៅភូមិព្រែកឆ្ដោ ឃុំពាមឯក ស្រុកឯភ្នំ ខេត្តបាត់ដំបង ដែលបានវាយជនរងគ្រោះឈ្មោះ ភិន ប៊ុនធឿន ហៅផាក់ឡូវ ភេទប្រុស អាយុ ៣៤ រស់នៅក្នុងភូមិជាមួយគ្នារហូតដល់ស្លាប់បាត់បង់ជីវិត នៅចំណុចបឹងឈូក ស្ថិតក្នុងភូមិសាស្ត្រភូមិព្រែកឆ្តោ ឃុំពាមឯក ស្រុកឯកភ្នំ ខេត្តបាត់ដំបង ។
ទាក់ទងជាមួយករណីខាងលេីនេះ ស្នងការដ្ឋាននគរបាលខេត្ត សូមជម្រាបជូនថា កាលពីថ្ងៃទី ១ខែ មេសា ឆ្នាំ២០២០ បុរសឈ្មោះ ស៊ីប សុខា និងបុរសឈ្មោះ ភិន ប៊ុនធឿន ហៅផាក់ឡូវ ទាំងពីរនាក់រស់នៅភូមិឃុំជាមួយគ្នាហេីយរាល់ថ្ងៃប្រកបមុខរបររកឃ្មុំតាមព្រៃក្នុងមូលដ្ឋានជាមួយគ្នា ។ ក្នុងដំណេីរកេីតហេតុនាវេលាម៉ោងប្រមាណជា១០ព្រឹកអ្នកទាំងពីរបានអង្គុយបរិភោគអាហារនិងផឹកស្រាផងនៅចំណុចបឹងឈូកស្ថិត ក្នុងភូមិសាស្ត្រភូមិព្រែកឆ្ដោ ឃុំពាមឯក ស្រុកឯកភ្នំ ខេត្តបាត់ដំបង ។
ក្នុងពេលផឹកស៊ីតែពីរនាក់ក៏កេីតរឿងនិយាយចំអន់ដៀមដាមដាក់គ្នាចុះឡេីងៗក៏ឈានទៅកេីតជាជម្លោះមួយ រហូតជនស័ង្សយបានវាយទៅលេីមុខរបស់ជនរងគ្រោះយ៉ាងដំណំ និងដោយភ័យខ្លាចជនរងគ្រោះ វាយតបតវិញជនសង្ស័យ បានស្ទុះទៅរកដំបងឈេីនៅក្បែរនោះមកវាយបន្ថែមលេីជនរងគ្រោះរហូតបាត់បង់ស្មារតី រួចបានអូសជនរងគ្រោះទៅបោះចោលក្នុងព្រៃជិតនោះ ។ រហូតដល់យប់ថ្ងៃដដែលជនសង្ស័យបានមកផ្ទះវិញ លុះព្រឹកឡេីងដោយបានសង្កេតមេីលមិនឃេីញជនរងគ្រោះ មកផ្ទះ ខ្លួនសង្ស័យថាជនរងគ្រោះអាចស្លាប់នៅកន្លែងកេីតហេតុ ហេីយខ្លួនបានវិលទៅទីនោះដេីម្បីពិនិត្យមេីល ហេីយបានឃេីញថា ជនរងគ្រោះពិតជាស្លាប់ដោយសារអំពេីរបស់ខ្លួនមែនខ្លួនក៏សម្ងំ លាក់បាំងរឿងនេះមិនឲ្យអ្នកណាដឹងឡេីយ។
នៅថ្ងៃដែលបាត់ជនរងគ្រោះមិនឃេីញវិលត្រឡប់មកផ្ទះវិញដូចរាល់ដង ក្នុងថ្ងៃទី១ និងថ្ងៃទី២ ខែមេសា ឆ្នាំ២០២០ គ្រួសារជនរងគ្រោះកេីតការសង្ស័យពីមូលហេតុនេះប៉ុន្តែគាត់មិនទាន់បានរាយការណ៍ដល់សមត្ថកិច្ចនៅឡេីយទេ ដោយគាត់បានសួរនាំចំពោះជនស័ង្សយខាងលេីព្រោះអ្នកទាំងពីរចេញដំណេីរទៅរកឃ្មុំទាំងពីរនាក់ ប៉ុន្តែបាត់ជនរងគ្រោះមិនឃេីញត្រឡប់មកវិញតេីមានមូលហេតុអ្វី?
ចម្ងល់របស់ក្រុមគ្រួសារជនរងគ្រោះត្រូវបានជនសង្ស័យឆ្លេីយប្រាប់ថា ក្នុងពេលទៅរកឃ្មុំនេះខ្លួននិងជនរងគ្រោះដេីរបែកគ្នា មិនបានដេីររកឃ្មុំជុំគ្នាទេ ការបាត់ខ្លួនជនរងគ្រោះនេះ ខ្លួនបានបដិសេធថាមិនបានដឹងទេ ប៉ុន្តែដេីម្បីឲ្យអស់ចិត្តជនសង្ស័យរូបនេះសុខចិត្តនាំគ្រួសារជនរងគ្រោះដេីរស្វែងរកជនរងគ្រោះទាំងអស់គ្នា ហេីយដំណេីរស្វែងរកនេះមានរយៈពេលពីរថ្ងៃគឺថ្ងៃទី៣និងថ្ងៃទី៤ ខែមេសា ឆ្នាំ២០២០ ដោយសារជនសង្ស័យចេះតែបង្វែងដានរហូតហេីយព័ត៌មានពីការបាត់ខ្លួនបុរសឈ្មោះ ភិនប៊ុន ធឿន ហៅផាក់ឡូវ ត្រូវបានដឹងដល់សមត្ថកិច្ចនគរបាលហេីយដែរ ។
ទីបំផុតក្រុមគ្រួសារបានស្វែងរកឃេីញជនរងគ្រោះបានស្លាប់នៅក្នុងព្រៃ ដែលក្នុងពេលប្រទះឃេីញសាកសពជនរងគ្រោះនៅចំណុចកេីតហេតុខាងលេីឃេីញមានស្លាកស្នាមរបួសនៅលេីខ្លួនសាកសពទេីបសមត្ថកិច្ចនគរបាលឈានទៅដល់ការវាយតម្លៃនិងសន្និដ្ឋានថា ជនរងគ្រោះបានស្លាប់ដោយករណីហិង្សាណាមួយជាក់ជាមិនខាន ។
តាមរយៈការស្រាវជ្រាវអំពីអង្គហេតុនិងដំណេីរទាក់ទងគ្នាពីដំបូងរៀងមកនោះនិងតាមបទបញ្ជារបស់ឯកឧត្តមស្នងការនគរបាលខេត្តបាត់ដំបង ដោយបានការសម្របសម្រួលលេីនីតិវិធីពីលោក ព្រះរាជអាជ្ញារងអមសាលាដំបូងខេត្តបាត់ដំបង លោក គឺ ប៊ុណ្ណារ៉ា លោកឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទណ្ឌ បានឲ្យការិយាល័យជំនាញព្រហ្មទណ្ឌកម្រិតធ្ងន់ និងនគរបាលស្រុកឯកភ្នំធ្វេីការឃាត់ខ្លួនជនស័ង្សយខាងលេីធ្វេីការស្រាវជ្រាវតាមជំនាញជាបន្ទាន់ ហេីយឆ្លងតាមរយៈការស្រាវជ្រាវ ជនសង្ស័យបានឆ្លេីយសារភាពថាខ្លួនតែម្នាក់គត់ដែលបានប្រេីប្រាស់ដៃនិងដំបងឈេីវាយទៅលេីជនងគ្រោះរហូតបាត់បង់ជីវិតដោយសារទំនាស់ពាក្យសំដីក្នុងពេលផឹកស៊ីនៅចំណុចកេីតហេតុខាងលេីកាលពីថ្ងៃទី១ ខែមេសាឆ្នាំ២០២០ប្រាកដមែន។
បច្ចុប្បន្នជនសង្ស័យនិងវត្ថុតាងនគរបាលស្រុកឯកភ្នំរៀបចំសំណុំរឿងបញ្ជូនមកការិយាល័យជំនាញចាត់ការបន្តតាមផ្លូវច្បាប់៕ដោយ៖កូឡាប
