ជាការពិតណាស់ហើយ បើទោះជាស្ថិតនៅតំបន់ដាច់ស្រយាលយ៉ាងណា នោះការដឹកសាកសពទៅកាន់កន្លែងណាមួយ គឺគេតែងឃើញត្រូវបានធ្វើឡើងតាមរយៈរថយន្ត ឬ ក៏មធ្យោបាយផ្សេងៗទៀត តាមដែលអាចធ្វើទៅបាន ដោយមានការបិទបាំងត្រឹមត្រូវ ។ ប៉ុន្តែ ផ្ទុយទៅវិញ សម្រាប់ប្រជាជននៅក្នុងសហគមន៍សាធារណរដ្ឋកុងហ្គោ បែរជាដឹកសាកសពតាមម៉ូតូ ដោយរុំក្រណាត់សាកសពចងភ្ជាប់នឹងអ្នកឌុបដ៏ស្លុតរន្ធត់ ត្រូវបានគេបញ្ចេញឲ្យដឹង ។
យ៉ាងណាមិញ រូបភាពដ៏ព្រឺឆ្អឹងខ្នងនេះ ត្រូវបានចែករំលែកនៅលើអ៊ីនធឺណិតដោយអ្នកលេងបណ្តាញសង្គមម្នាក់ឈ្មោះ PK Ksirim ។ Kasirim បានពន្យល់ថា ពួកអ្នកជិះម៉ូតូដឹកទំនិញ “boda boda” ត្រូវបានគេជួលឲ្យដឹកសាកសពទាំងនោះ ទៅកាន់ទីបញ្ចុះសព ដោយចងភ្ជាប់សាកសពនៅពីខាងក្រោយពួកគេនៅលើម៉ូតូ ។ ពួកគេបន្ទាប់មក បានដឹកតាមដងផ្លូវដើម្បីបំពេញភារកិច្ចដ៏ញាក់សាច់មួយនេះ។
ការបង្ហោះរបស់នាង Kasirim បានធ្វើឱ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គម ខណៈដែលមនុស្សយ៉ាងច្រើននៅលើអ៊ីនធឺណិត បានបង្ហាញពីការភ្ញាក់ផ្អើលរបស់ពួកគេ ចំពោះហេតុការណ៍នេះ។
ទោះយ៉ាងណា នាង Kasirim ពុំបានបញ្ជាក់ប្រាប់ឲ្យដឹង អំពីតម្លៃសេវាដឹកជញ្ជូនសាកសពនេះ ក្នុងមួយជើងប៉ុន្មាននោះទេ ៕
ប្រែសម្រួល៖ លឹម ហុង (ប្រភព៖ tori.ng)
