ចំនួនអ្នកស្លាប់ដោយសារវីរុសកូរ៉ូណា នៅក្នុងប្រទេសបារាំងបានកើនលើស ១០.០០០នាក់ នៅថ្ងៃពុធនេះ ធ្វើឲ្យបារាំងក្លាយជាប្រទេសទី ៤ ដែលមានអ្នកស្លាប់ច្រើនបន្ទាប់ពីអ៊ីតាលី អេស្ប៉ាញ និងអាមេរិច។
បើតាមតួលេខ អ្នកស្លាប់សរុបនៅបារាំងកើនដល់ ១០.៣២៨នាក់ ខណៈអ្នកឆ្លងមានចំនួន ១១០.០៧០នាក់។
ចំនួនអ្នកស្លាប់នៅបារាំងមានការកើនឡើងក្នុងរយៈពេល ២ថ្ងៃជាប់គ្នា។
សូមបញ្ជាក់ថា ស្ថានភាពវីរុសកូរ៉ូណានៅក្នុងប្រទេសបារាំង ហាក់មិនទាន់ស្រាកស្រាន្តឡើយ បើទោះបីជាមានការបិទប្រទេស អស់រយៈពេល ៤ សប្តាហ៍ ដើម្បីទប់ស្កាត់ការរីករាលដាលវីរុសក្តី៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia