ភ្នំពេញ៖ នៅក្នុងដំណាក់កាលដែលកម្ពុជា កំពុងប្រយុទ្ធប្រឆាំងនឹងជំងឺកូវីដ-១៩ ពេលនេះ រាជរដ្ឋាភិបាលបានផ្អាកការនាំចេញអង្ករ និង ត្រី ទៅក្រៅប្រទេស ដើម្បីឲ្យផលិតផលទាំងនេះ កាន់តែសម្បូរ និងងាយស្រួលរកទិញ ជាមួយតម្លៃធម្មតានៅទូទាំងប្រទេស ។ ប៉ុន្តែចំពោះអង្ករក្រអូប ដែលមានកុងត្រានាំចេញទៅប្រទេសចិន ជាមិត្ត គឺនៅដំណើរការធម្មតា។ នេះបើតាមការបញ្ជាក់របស់សម្តេចប្រមុខរាជរដ្ឋាភិបាល តាមរយៈហ្វេសប៊ុក នៅថ្ងៃទី៨ខែមេសាឆ្នាំ២០២០នេះ។
សម្តេចតេជោ នាយករដ្ឋមន្ត្រី បានលើកឡើងថា ក្រៅពីអង្ករ និងត្រី គឺ សម្តេចតេជោនាយករដ្ឋមន្ត្រី បានឲ្យត្រៀមអំបិល និងត្រៀមរោងចក្រផលិតមី និផលិតទឹកសុទ្ធដប សម្រាប់ជួយប្រជាពលរដ្ឋផងដែរ។
ដូច្នេះទោះបីកម្ពុជា ស្ថិតក្នុងស្ថានភាពបែបណាក៏ដោយ ក៏ប្រជាពលរដ្ឋខ្មែរ ត្រូវតែមានស្បៀងអាហារទទួលទានដែរ៕ដោយ៖កូឡាប
