បរទេស៖ បងប្អូនប្រិយមិត្តដែលមានវ័យចាប់ពី៣០ឡើង នោះប្រាកដណាស់ស្គាល់អតីតម្ចាស់បទ «ស្រះអួយ» គឺអ្នកស្រី សុង សេងហ៊ន ជាតារាចម្រៀងជើងចាស់មួយរូបប្រចាំផលិតកម្មសាយ័ណារា ដែលមានកេរ្តិ៍ឈ្មោះបោះសម្លេងល្បីល្បាញទូទាំងប្រទេសកម្ពុជា កាលពីអំឡុងទសវត្សរ៍ទី៩០។
បើទោះជាអ្នកស្រីពុំត្រូវបានធ្លាប់ឃើញឡើងបង្ហើរបទចម្រៀងនៅលើឆាកតន្ត្រី ដូចតារាជើងចាស់ដទៃទៀត ហើយសូម្បីអ្នកស្រីក៏បានដកខ្លួនចេញពីសិល្បៈអស់រយៈពេលជាច្រើនឆ្នាំមកហើយក្តី ក៏ឈ្មោះអ្នកស្រីនៅតែដក់ជាប់ក្នុងចិត្តរបស់មហាជនជានិច្ច ព្រោះស្រលាញ់ចូលចិត្តចំពោះទឹកដមសម្លេងដ៏ពីរោះរណ្តំមួយបែបផ្សេងរបស់អ្នកស្រី ។ លើសពីនេះ រាល់បទចម្រៀងរបស់អ្នកស្រី ក៏ត្រូវបានគេចងក្រងជាអាល់ប៊ុមទុកតៗគ្នានៅលើបណ្តាញសង្គម Youtube ដែលមានអ្នកចូលស្តាប់យ៉ាងច្រើនផងដែរ ។
និយាយពីជីវិតបច្ចុប្បន្នវិញ អ្នកស្រី សុង សេងហ៊ន គឺកំពុងរស់នៅរដ្ឋ New Jersey (សហរដ្ឋអាមេរិក) ហើយពេលនេះអ្នកស្រីក៏ជា Marketing Manager ក្នុងក្រុមហ៊ុនមួយរូបផងដែរនៅទីនោះ៕ ដោយ៖ លឹម ហុង