ប្រទេសថៃ៖ ជនសង្ស័យជនជាតិចិន២នាក់ ត្រូវបានចាប់ខ្លួននៅក្នុងផ្ទះមួយ ស្ថិតក្នុងសង្កាត់ Phra Khanong ទីក្រុងបាងកក ក្នុងករណីនាំចូលឧបករណ៍តេស្ត Covid-19 ក្លែងក្លាយចំនួន ៤៥.០០០ ។ ដែលជនសង្ស័យទាំងពីមានឈ្មោះ មានឈ្មោះ Chen Lei និង Wein Pinpin ។
ក្រុមមន្ត្រីបានទទួលព័ត៌មានថា មានឧបករណ៍ធ្វើតេស្តក្លែងក្លាយ Covid-19 ត្រូវបានរត់ពន្ធចូលក្នុងប្រទេស។ ក្នុងករណីនេះ ភស្តុតាងប្រឆាំងនឹងជនជាតិចិនទាំងពីរ គឺរួមមាន៖ ១- ឧបករណ៍តេស្តក្លែងក្លាយចំនួន ៤៥.០០០ ២-ម៉ាសពេទ្យ ២.៣៥០.០០០ ដុំ និងប្រដាប់វាស់កម្តៅ ដែលភស្តុតាងក្លែងក្លាយទាំងនេះមានតម្លៃ ៣៣.៧៥០.០០០ បាត (ប្រមាណ ១លានដុល្លារអាមេរិក) ។
រដ្ឋបាលចំណីអាហារនិងឱសថ (FDA) នឹងធ្វើការស៊ើបអង្កេតដើម្បីរកមើលថាតើឧបករណ៍ធ្វើតេស្តក្លែងក្លាយសម្រាប់ Covid-19 ត្រូវបានផលិតនៅកន្លែងណា ហើយនរណាខ្លះទៀត ដែលពាក់ព័ន្ធជាមួយការនាំចូលឧបករណ៍ទាំងនេះមកក្នុងប្រទេសថៃ។
តាមការផ្តន្ទាទោសពីបទរត់ពន្ធគ្រឿងបរិក្ខារពេទ្យ តាមច្បាប់នៅក្នុងប្រទេសថៃ គឺត្រូវជាប់ពន្ធនាគាររហូតដល់១ឆ្នាំ និងជាការពិន័យជាប្រាក់មិនលើសពី ១០០.០០០ បាត ឬទាំងពីរ ៕
ប្រែសម្រួល៖ លឹម ហុង (ប្រភព៖ INN News)
