មនុស្សចំនួន ៤០១នាក់ នៅក្នុងពន្ធនាគារ ស្ថិតក្នុងតំបន់ Cook County នៃទីក្រុង Chicago ត្រូវបានគេរកឃើញថា មានផ្ទុកវីរុសកូរ៉ូណា។
មន្ត្រីពន្ធនាគារនិយាយថា អ្នកទោសចំនួន ២៥១នាក់ និងបុគ្គលិកគុកចំនួន ១៥០នាក់បានឆ្លងវីរុសកូរ៉ូណា។ គុកនោះមានអ្នកទោសសរុប ៤.៧០០នាក់។
ក្នុងចំណោមអ្នកឆ្លង មាន ២២នាក់ត្រូវបានបញ្ជូនទៅកាន់មន្ទីរពេទ្យ និង៣៣នាក់ ត្រូវបានគេយកទៅដាក់កន្លែងស្ថារនិតិសម្បទាន។
អ្នកទោសម្នាក់ បានស្លាប់ដោយសារវីរុសកូរ៉ូណា។ នេះបើតាមការបញ្ជាក់ពីខាងពន្ធនាគារ។
សូមបញ្ជាក់ថា នៅថ្ងៃពុធនេះ (ថ្ងៃព្រហស្បតិ៍នៅកម្ពុជា) អាមេរិចមានអ្នកស្លាប់ដោយសារវីរុសកូរ៉ូណា ឬ COVID-19 ជិត ២.០០០នាក់ ធ្វើឲ្យចំនួនអ្នកស្លាប់សរុបកើនលើស ១៤.៦០០នាក់ ខណៈអ្នកឆ្លងកើនលើស ៣៣០.០០០នាក់។
អាមេរិចឈរនៅតំណែងលេខមួយ និងលេខ ២ ជាប្រទេសដែលមានអ្នកឆ្លង និងស្លាប់ច្រើនបំផុត៕
អត្ថបទប្រែសម្រួលដោយ៖ សុភ័ក្រ
ប្រភព៖ CGTN
