ប្រទេសថៃ៖ ឈៀងម៉ៃ ហាមឃាត់ការលក់គ្រឿងស្រវឹង ចាប់ពីថ្ងៃទី ១០-២០ ខែមេសា ឆ្នាំ២០២០ ដែលជាផ្នែកមួយនៃកិច្ចខិតខំប្រឹងប្រែង កាន់តែខ្លាំងរបស់ខ្លួន ដើម្បីបញ្ឈប់ការរីករាលដាលនៃ COVID-19 ។
សហគ្រាសលក់រាយ និងលក់ដុំទាំងអស់ នៅឈៀងម៉ៃ ត្រូវបានបញ្ជាឱ្យបិទ ឬលាក់បិទបាំងផ្នែកភេសជ្ជៈ ដែលមានជាតិអាល់កុលរបស់ពួកគេ ។ នេះបើយោងតាមបទបញ្ជា ដែលចេញផ្សាយនៅថ្ងៃទី៧ ខែមេសា ឆ្នាំ២០២០ ដោយគណៈកម្មាធិការត្រួតពិនិត្យជំងឺឆ្លងខេត្ត។
បទបញ្ជាចុងក្រោយនេះ របស់ឈៀងម៉ៃ គឺបន្ថែមលើបទបញ្ជាមុនៗរបស់ខ្លួន សម្រាប់ការបិទកន្លែងជួបជុំគ្នា បណ្តាកន្លែងអាជីវកម្ម និងសកម្មភាព ដែលត្រូវបានគេចាត់ទុកថា ជាហានិភ័យនៃការឆ្លងជំងឺឆ្លង៕
ប្រែសម្រួល៖ លឹម ហុង (ប្រភព៖ Tourism Authority of Thailand)
