ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ បានចេញសេចក្ដីជូនដំណឹង ស្តីពីការប្រើប្រាស់ប័ណ្ណអនុញ្ញាតដឹកជញ្ជូនកម្មករនិយោជិត និងការធ្វើការងារនៅក្នុងអំឡុងពេលការដាក់កំហិតលើការធ្វើដំណើរក្នុងប្រទេស ក្នុងគោលដៅបង្ការ និងទប់ស្កាត់ការរាតត្បាតនៃជំងឺកូវីដ-១៩។
នៅថ្ងៃស្អែកព្រឹកចាប់ពីម៉ោង 7:30នាទី ព្រឹកតទៅ អធិការការងារនឹងចុះសម្រង់ទិន្នន័យផ្លាកលេខរថយន្ត និងផ្តល់ប័ណ្ណអនុញ្ញាតដឹកជញ្ជូនកម្មករនិយោជិត នៅតាមទីតាំងរោងចក្រ។
ដោយឡែកសហគ្រាសផ្សេងៗ ត្រូវចាត់តំណាងសហគ្រាសរបស់ខ្លួនដោយមានលិខិតឧទ្ទេសនាមភ្ជាប់មកជាមួយ មកទីស្តីការក្រសួង ឬមន្ទីរការងារនិងបណ្តុះបណ្តាលវិជ្ជាជីវៈ ដើម្បីបំពេញតារាងទទឹង និងទទួលយកប័ណ្ណអនុញ្ញាតដឹកជញ្ជូនកម្នករនិយោជិត។
ក្រសួងការងារ និងបណ្តុះបណ្តាលវិជ្ជាជីវៈ សូមជំរាបជូនដល់ម្ចាស់ ឬនាយករោងចក្រ សហគ្រាស គ្រឹះស្ថាន ដែលមិនត្រូវបានកំណត់ឲ្យបិទសកម្មភាពអាជីវកម្ម កម្មករនិយោជិត និងបុគ្គលិក និងអ្នកបើកបរ ឬម្ចាស់មធ្យោបាយដឹកជញ្ជូនកម្មករនិយោជិត និងបុគ្គលិក៕ដោយ៖កូឡាប
