នៅក្នុងសន្និសីទកាសែតកាលពីថ្ងៃទី៥ ខែមេសា ឆ្នាំ២០២០ អ្នកស្រី Wu Shou-mei អគ្គនាយករដ្ឋបាលចំណីអាហារនិងឱសថតៃវ៉ាន់ និងប្រធានមជ្ឈមណ្ឌល លោក Chen Shih-chung បានបង្ហាញពីរបៀបសម្ងួតម៉ាស ដើម្បីសម្លាប់បាក់តេរី ឬវីរុសដែលមានសក្តានុពលបន្ទាប់ពីប្រើរួច។ ពួកគេដាក់រនាំងដែកនៅបាតឆ្នាំងចង្ក្រាន ហើយដាក់ម៉ាសដែលបានប្រើរួចចូល មុនពេល “ចម្អិន” វារយៈពេល៣នាទី។
បន្ទាប់មក អ្នកស្រី Wu បានប្រាប់ទស្សនិកជនឱ្យទុកម៉ាស នៅក្នុងនោះរយៈពេល ៥ នាទីទៀត មុនពេលយកវាចេញ ដើម្បីបញ្ចប់ដំណើរកម្ចាត់មេរោគ។
អ្នកស្រី Wu បានព្រមានថាមិនគួរប្រើទឹកនៅខាងក្នុងចង្ក្រានទេ ព្រោះវានឹងធ្វើឱ្យខូចម៉ាស។ អ្នកស្រីក៏បានកត់សម្គាល់ផងដែរថា ការប្រើប្រាស់ចង្ក្រានដាំបាយ គឺល្អជាងការបាញ់ថ្នាំកម្ចាត់មេរោគ ព្រោះវត្ថុរាវអាចបំផ្លាញស្រទាប់អេឡិចត្រុងរបស់ម៉ាស។
បន្ទាប់មក អ្នកស្រី Wu បានអះអាងទៀតថា ការលាងសម្អាតម៉ាសជាមួយចង្ក្រាន ធ្វើឱ្យម៉ាសអាចត្រូវបានប្រើឡើងវិញរហូតដល់ទៅ ៤ ទៅ ៥ ដង ដោយផ្អែកលើការស្រាវជ្រាវដែលធ្វើឡើងដោយ FDA ។ ប្រសិទ្ធភាពនៃការច្រោះបាក់តេរី (ម៉ាសអេហ្វអេហ្វ) នៃម៉ាស ក៏អាចត្រូវបានរក្សាក្នុងកម្រិត ៩៩% សូម្បីតែបន្ទាប់ពីកំដៅស្ងួត ៥ ដង ក៏ដោយ។
ទោះយ៉ាងណា គំនិតអស្ចារ្យរបស់ Wu ហាក់ដូចជាមិនមែនជាវិធីល្អបំផុតនៃ “ការកម្ចាត់មេរោគម៉ាស” ដូចដែលអ្នកស្រីបានអះអាងនោះទេ។ ហេតុនេះ សូមសិក្សាស្រាវជ្រាវស្វែងយល់ទាំងអស់គ្នា ៕
ប្រែសម្រួល៖ លឹម ហុង (ប្រភព៖ worldofbuzz)