ភ្នំពេញ៖ លោកស្រី អ៊ឹង គឹមប៉ូ អតីតប្រធាននារីមជ្ឈិម និងក្រុមគ្រួសារ តំណាងឲ្យលោកឧញ៉ា ទៀង ថៃ និងលោកជំទាវ វណ្ណ លុយ បាននាំយកអំណោយជាទឹកសុទ្ធចំនួន ៩៦០ដប និងម៉ាស ២០០០ម៉ាស បន្ថែមទៀត ជូនលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ដើម្បីចូលរួមទប់ស្កាត់ជំងឺកូវីដ១៩ នាថ្ងៃទី១០ ខែមេសា ឆ្នាំ២០២០នៅគេហដ្ឋានលោកជំទាវ ម៉ែន សំអន។
លោកជំទាវក៏បានថ្លែងអំណរគុណដល់លោកស្រី អ៊ឹង គឹមប៉ូ អតីតប្រធាននារីមជ្ឈិម និងក្រុមគ្រួសារ ដែលតែងតែធ្វើសកម្មភាព ផ្តល់ជំនួយមនុស្សធម៌ ដើម្បីប្រយុទ្ធប្រឆាំងនឹងមេរោគ COVID-19 ។
លោកជំទាវក៏បានជូនពរឲ្យបងប្អូនជនរួមជាតិជៀសផុតពីជំងឺឆ្លងទាំងឡាយ និងបានសប្បាយរីករាយ ជួបជុំជាមួយក្រុមគ្រួសារ និងមានលាភសំណាងល្អៗ គ្រប់ៗគ្នា។ កុំភ្លេចដុសលាងសម្អាតដៃជាប្រចាំ ដើម្បីទប់ស្កាត់បាក់តេរី និងមេរោគឆ្លងផ្សេងៗរួមទាំងមេរោគ COVID-19 ។
លោកជំទាវក៏បានថ្លែងអំណរគុណយ៉ាងជ្រាលជ្រៅជូនដល់លោកជំទាវ វណ្ណ លុយ ដែលជាវិស័យឯកជន បានចូលរួមចំណែកយ៉ាងសកម្ម ជាមួយរាជរដ្ឋាភិបាល ក្នុងការបង្ការ និងទប់ស្កាត់ការរីករាលដាលនៃជំងឺ COVID-19 នេះ ៕ដោយ៖កូឡាប
