ភ្នំពេញ ៖ មានស្រីវ័យក្មេងស្រស់ស្អាតម្នាក់ បានធ្លាក់ ពីលើអគារបណ្ដាលឲ្យស្លាប់ភ្លាមៗនៅនឹងកន្លែងកើតហេតុ នៅវេលាម៉ោង១១និង ៤៥ នាទី ថ្ងៃ ទី៩ ខែមេសា ឆ្នាំ២០២០ អគារខុនដូ CASA Meridian Condominium វីថីវីរជន ក្នុងទីក្រុងកោះពេជ្រ សង្កាត់ទន្លេ បាសាក់ខណ្ឌ ចំការមន។
តាមប្រភពព័ត៌មានពីអ្នកធ្វើការនៅកន្លែងកើតហេតុ បានប្រាប់ថា គាត់បានឃើញនារីរូបនេះ ដើរចុះឡើងៗ នៅវេរ៉ង់ដាជាន់ទី១៩ ហើយក៏ធ្លាក់ចុះមកក្រោមស្លាប់ភ្លាម។
បើតាមគណនីហ្វេសប៊ុក JeJe Ry បានសរសេរថា “RIP ប្អូនសម្លាញ់អើយ! ហេតុអីក៏គិតខ្លីយ៉ាងនេះអូន មានរឿងក៏អត់ប្រាប់បងម៉ាម៉ាត់ ខលឆាតសួររហូត ថ្ងៃណឹងបានម្ហូបអីបងខ្ញុំទៅញាំបាយដែរ គេងឱបបងនិយាយគ្នារាល់យប់ ហឺមៗ ទទួលយកមិនបានទេ ស្រស់ៗពេក បែកគ្នាតែមួយថ្ងៃសោះអូនទៅចោលបងរហូត លែងបានឮសម្លេង ដ៏ពិរោះ ទាំងស្អាត ឆ្លាត ពូកែ … ទៅឲ្យបានសុគតិភពណាប្អូនស្រី ជាតិណាៗកុំអភ័ព្វដូចជាតិនេះទៀត”។
ចំណែកគណនីហ្វេសប៊ុក Suikheng Kong ក៏បានសរសេររៀបរាប់ផងដែរថា “ឆ្កួតមែនសុខៗមិចបានទៅចោលគ្នា អត់ប្រាប់ម៉ាមាត់ចឹង ឃើញថាចង់រៀនធ្វើ video ចង់ដើរលេង ធ្វើ vlog ឲ្យថតរូបឲ្យហ្អី បបួលញ៊ាំអីជុំគ្នា មិនទាន់បានជួបផង មិចបានទៅចោលគ្នា មានរឿងអី? ឃើញ you ធ្វើឡប់ៗ សប្បាយៗ រាល់ដងសោះ មិចបានទៅគិតខ្លីចឹង Esther Kanha
អាណាទទួលយកបានហាហ “។
សាកសព ជនរងគ្រោះ ត្រូវបាន រថយន្ដសាមុយដឹកយកទៅ តម្កល់ទុកនៅវត្តស្ទឹងមានជ័យ ។ នារីរងគ្រោះមានឈ្មោះ សួស កញ្ញា អាយុប្រហែល២១ឆ្នាំ ជាជនជាតិខ្មែរមានមុខរបរលក់ផលិតផល។
នារីរងគ្រោះដើរទៅមកៗ នៅតាមវេរ៉ង់ដា ជាន់ទី១៩ ដោយមុនពេលស្រី្ដរងគ្រោះ ធា្លក់ចុះមក ហើយបានឮ នូវសំឡេងស្រែកខ្លាំងៗ រួចក៏ធ្លាក់ចុះមកតែម្ដង ។
ក្រោយពេលកើតហេតុ សមត្ថកិច្ចនគរបាលមូលដ្ឋាន និងសមត្ថកិច្ចជំនាញ បានចុះមកដល់ កន្លែងកើតហេតុ ដើម្បីពិនិត្យ និងស្រាវជ្រាវ ៕ ដោយ៖បញ្ញាស័ក្តិ
