ភ្នំពេញ៖លោកគ្រួច ចន្ថារិទ្ធដែលជាគ្រូអុកចត្រង្គដ៏ធំប្រចាំសហព័ន្ធកីឡាអុកចត្រង្គកម្ពុជានោះបានឲ្យ ដឹងថាចាប់តាំងពីជំងឺកូវីដ ១៩លេចចេញមកនោះការហ្វឹកហាត់ទ្រង់ទ្រាយធំសម្រាប់កីឡាអុកចត្រង្គកម្ពុជាបានកាត់បន្ថយ ។
ជាមួយនឹងការកាត់បន្ថយនោះគម្រោងនៃការប្រកួតនានាក្នុងពិធីបុណ្យចូលឆ្នាំខ្មែរនេះក៏ត្រូវលុបចោល
ដែរដើម្បីចូលរួមចំណែកទប់ស្កាត់ការរីករាលដាលនៃជំងឺកូវីដ ១៩ ។ ប្រសិនបើមិនមានកកើតនៃជំងឺកូវីដ ១៩នេះទេសម្រាប់កីឡាអុកចត្រង្គកម្ពុជាមានការប្រកួតច្រើន ។
អុកចត្រង្គគឺជាប្រភេទកីឡាមួយដែលរាល់ការលេងត្រូវការផ្ចង់ស្មារតីភាពស្ងប់ស្ងាត់ដោយមិនមានការរំខានពីមជនឈដ្ឋានជុំវិញខ្លួន ។សព្វថ្ងៃនេះការហ្វឹកហាត់គ្រាន់តែជាការជួបជុំទ្រង់ទ្រាយតូចៗហើយធ្វើការប្រ
កួតតាមរបៀបបង្ហាញប្រាប់គ្នាទៅវិញទៅមកនូវអ្វីដែលម្នាក់ៗរកឃើញតែប៉ុណ្ណោះ ។
ទោះជាយ៉ាងណាក្នុងស្ថានភាពនេះសហព័ន្ធនៅតែបន្តរៀបចំនូវបទបញ្ជាប្រកួត រូបមន្ដនៃការប្រកួត
របៀបនៃការលេងដើម្បីបញ្ជូនគ្រូទៅផ្សព្វផ្សាយពីកីឡាអុកចត្រង្គនេះនៅក្នុងបណ្ដាប្រទេសអាស៊ានព្រោះស៊ី
ហ្គេមឆ្នាំ២០២៣ដែលកម្ពុជាធ្វើជាម្ចាស់ផ្ទះនោះកម្ពុជា ។
លោកវ៉ាត់ ចំរើនអគ្គលេខាធិការគណៈកម្មាធិការជាតិអូឡាំពិកកម្ពុជាបានឲ្យដឹងដែរថា ពេលនេះប្រទេស
មីយ៉ាន់ម៉ា ឡាវ វៀតណាម និងប្រទេសមួយចំនួនទៀតកំពុងតែគាំទ្រកម្ពុជាក្នុងការដាក់បញ្ចូលកីឡាអុកចត្រង្ក ទៅក្នុងការប្រកួតកីឡាស៊ីហ្គេមឆ្នាំ២០២៣ ។
កម្ពុជាដែលជាម្ចាស់នៃប្រភេទកីឡានេះត្រូវតែចេញទៅបង្រៀនគេពីវីធីសាស្ត្រនៃការលេង ច្បាប់ល្បែង
ចៅក្រម អាជ្ញាកណ្ដាលនិងតួនាទីរបស់ពួកគាត់ កំហុសនៃការប្រកួត និងការដាក់ទណ្ឌកម្មចំបោះកីឡាករ ព្រម ទាំងនីតិវិធីនៃការតវ៉ាជាដើម ៕ ដោយ៖បញ្ញាស័ក្តិ