ការហាមឃាត់មិនឲ្យមានការជួបជុំសប្បាយ ឬ ការឃ្លាតឆ្ងាយពីសង្គម គឺជាវិធានការសកល ដែលមិនមែនធ្វើឡើងតែនៅក្នុងប្រទេសកម្ពុជាទេ ។ ទោះយ៉ាងណា មនុស្សមួយចំនួនហាក់មិនអើពើនឹងបម្រាមនេះ ដោយនៅតែប្រព្រឹត្ត មិនខ្លាចឆ្លងជំងឺកូវីដ១៩ឡើយ ជាមួយផ្នត់គំនិត “វាគ្មានទៅឆ្លងស្អីនោះទេ”។
ជាក់ស្តែង វីដេអូនេះបានបង្ហាញកម្មការិនីនៅរោងចក្រមួយ នាំគ្នាបង្កើតការជួបជុំផឹកស៊ី និងរាំរែកយ៉ាងសប្បាយ ដើម្បីប្រារព្ធថ្ងៃឈប់សម្រាកពីការងារ មុនពិធីបុណ្យចូលឆ្នាំ ដែលត្រូវបានធ្វើជារៀងរាល់ឆ្នាំ នៅតាមបណ្តារោងចក្រនានា ។
ជាមួយនឹងទង្វើមិនខ្លាចឆ្លងជំងឺនេះ ឃើញថា បងប្អូនអ្នកលេងហ្វេសប៊ុកជាច្រើន បានលើកឡើងដោយដាក់ឲ្យបែបនេះថា៖ “គេកើតទុក្ខម៉ាពិភពលោក អីប្រឹងម្ល៉េះ តិចងាប់អស់ទៅលោកព្រះ ប្រយ័ត្នស្ដាយក្រោយដូចអ៊ីតាលី… ” ៕ ដោយ៖ លឹម ហុង