អធិការដ្ឋាននគរបាលក្រុងសួង កាលពីថ្ងៃទី១០ ខែមេសា ឆ្នាំ២០២០ ម្សិលមិញ បានកោះហៅស្ត្រីម្នាក់ អ្នកលេងTikTok ដែលកំពុងល្បី មានឈ្មោះថា សុខា មកធ្វើការណែនាំ និងក៏ដូចជាធ្វើកិច្ចសន្យា ក្រោយអ្នកលេងTikTok តែងខ្លួនជាមនុស្សប្រុសរូបនេះ បានបង្ហោះវីដេអូចូលបណ្តាញសង្គម ហើយអះអាងថាខ្លួនជាកូនអ្នកធំមានឪពុកជាផ្កាយ៣ និងសូម្បីថាខ្លួនមានកាំភ្លើងទៀតផងនោះ ប៉ុន្តែ មនុស្សជាច្រើនពុំជឿសោះឡើយ។
តាមរយៈវីដេអូ ទទួលស្គាល់កំហុសរបស់ខ្លួន នៅចំពោះមុខសមត្ថកិច្ច សុខា បានធ្វើការសុំទោសជាសាធារណៈ និងសន្យាលែងបង្ហោះធ្វើរឿងដែលនាំឲ្យប៉ះពាល់ដល់ថ្នាក់ដឹកនាំ ក៏ដូចជាសង្គមជាតិទៀតឡើយ ដោយងាកមកធ្វើវីដេអូល្អៗវិញ៕ ដោយ៖ លឹម ហុង