កាលពីថ្ងៃទី៩ ខែមេសា ឆ្នាំ២០២០ វេលាម៉ោងប្រមាណ១១ និង ៤៥ នាទី មានករណីនារីវ័យក្មេងស្រស់ស្អាតម្នាក់ បានធ្លាក់ពីលើអគារខន់ដូរមួយកន្លែង បណ្តាលឲ្យស្លាប់ភ្លាមៗនៅនឹងកន្លែង ដែលហេតុការណ៍នេះបានកើតឡើងនៅអគារ Casa វិថីវីរៈជន កោះពេជ្រ សង្កាត់ទន្លេ បាសាក់ខណ្ឌ ចំការមន។
បើតាមប្រភពពីសាក្សីនៅកន្លែងហេតុ បានប្រាប់ឲ្យដឹងថា មុនហេតុការណ៍ដ៏រន្ធត់នេះបានកើតឡើង គាត់បានឃើញនារីរូបនេះបានដើរចុះៗនៅវេរ៉ង់ដាជាន់ទី១៩ និងបានលឺសម្លេងស្រែកខ្លាំងៗតែម្តង ។ ប៉ុន្តែ មូលហេតុនៃការស្លាប់របស់នារីរូបនេះ គឺពុំទាន់មានប្រភពណាមួយបញ្ជាក់ថា ជាករណីលោតសម្លាប់ខ្លួនឯង ឬជាករណីឃាតកម្មនៅឡើយទេ ។
នារីរងគ្រោះឈ្មោះថា សួស កញ្ញា អាយុប្រហែល២១ឆ្នាំ ជាជនជាតិខ្មែរ មានមុខរបរ លក់ផលិតផល ។ សាកសពរបស់នាង ត្រូវបានរថយន្តសាមុយដឹកយកទៅតម្កល់នៅវត្តស្ទឹងមានជ័យ។
ជាមួយនឹងការស្លាប់របស់នាង បើតាមគណនីហ្វេសប៊ុកឈ្មោះថា JeJe Ry ដែលជាអ្នកស្គាល់គ្នាបានបង្ហោះរូបនាង ដោយអមនឹងសារដ៏សោកសង្វេកយ៉ាងដូច្នេះថា៖ “RIP ប្អូនសម្លាញ់អើយ! ហេតុអីក៏គិតខ្លីយ៉ាងនេះអូន មានរឿងក៏អត់ប្រាប់បងម៉ាម៉ាត់ ខលឆាតសួររហូត ងៃណឹងបានម្ហូបអីបងខ្ញុំទៅញាំបាយដែរ គេងឱបបងនិយាយគ្នារាល់យប់ ហឺមៗ ទទួលយកមិនបានទេ ស្រស់ៗពេក បែកគ្នាតែមួយថ្ងៃសោះអូនទៅចោលបងរហូត លែងបានឮសម្លេង ដ៏ពីរោះ ទាំងស្អាត ឆ្លាត ពូកែ ទៅឲ្យបានសុគតិភពណាប្អូនស្រី ជាតិណាៗកុំអភ័ព្វដូចជាតិនេះទៀត ៕ដោយ៖លឹម ហុង
ទាក់ទងនឹងការស្លាប់កូនស្រីរបស់ខ្លួន នៅថ្ងៃទី១១មេសានេះផងដែរ ឪពុកម្ដាយប្អូនស្រីជនរងគ្រោះសុំឲ្យសមត្ថកិច្ចជួយរកយុត្តិធម៌ផង ព្រោះគាត់អត់ជឿថា កូនគាត់សម្លាប់ខ្លួនទេ។ តោះទស្សនាវីដេអូដូចខាងក្រោម៖
