ភ្នំពេញ៖ ទីតាំងអិនធើណេត មួយកន្លែង និង ហ្គេមបាញ់ត្រី មួយកន្លែងទៀតដែលលួច បង្កប់ល្បែងស៊ីសងត្រូវ កម្លាំង គណៈបញ្ជាការឯកភាពខណ្ឌចំកាមន ដឹកនាំបញ្ជាផ្ទាល់ ពីសំណាក់លោក ថេង សុថុល អភិបាល ខណ្ឌចំកាមនចុះបង្ក្រាបនិងដកហូតបានម៉ាស៊ីនល្បែងស៊ីសង ជាច្រើនរួមនិងម៉ូតូអ្នកលេង និងមនុស្ស១៤នាក់ និងបុរស២នាក់ មានថ្នាំញៀនចំនួន២បញ្ចប់តូច នៅខ្លួនផងដែរ កាលវេលាម៉ោង៤ល្ងាច ថ្ងៃទី១១ ខែ មេសា ឆ្នាំ ២០២០នៅចំណុចគល់ស្ពានកោះពេជ្រ ផ្លូវសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ជនសង្ស័យទី១ ឈ្មោះ ស្រី ពិនរ៉ា ហៅកាក់ ភេទប្រុស អាយុ២៧ឆ្នាំ មុខរបរមិនពិតប្រាកដ មានទីលំនៅ សង្កាត់ទន្លេបាសាក់ ខណ្ឌចំការមន រាជធានីភ្នំពេញ (ប្រើប្រាស់សារធាតុញៀន)។ ជនសង្ស័យទី២ ឈ្មោះ ហ៊ុយ វ៉ាន់គីម ភេទប្រុស អាយុ២១ឆ្នាំ មុខរបរមិនពិតប្រាកដ មានទីលំនៅផ្ទះនៅកៀនស្វាយ ខេត្តកណ្ដាល (ប្រើប្រាស់សារធាតុញៀន)។
បើតាមប្រភពព័ត៌មាន បានប្រាប់ឲ្យដឹងថា ដោយនៅក្នុងប្រតិបត្តិការណ៍នេះ គឺគណៈបញ្ជាការឯកភាពខណ្ឌ បានចុះមកត្រួតពិនិត្យមើលនៅទីតាំងខាងលើ និងបានចុះណែនាំឲ្យ ទីតាំងអិនធើណេត ឲ្យបិទទាំងអស់ ស្រាប់តែបានប្រទះឃើញ បុរស២នាក់មានថ្នាំញៀនចំនួន២បញ្ចប់តូច នៅខ្លួនផងដែរ រួមនឹង ប្រភេទម៉ាស៊ីនល្បែងស៊ីសងជាច្រើនគ្រឿង ដែលជាប្រភេទល្បែងស៊ីសងខុសច្បាប់ ដែលត្រូវបានអាជ្ញាធរហាមឃាត់។
គួរបញ្ជាក់ថា ទីតាំងខាងលើនេះ មានច្បាប់អនុញ្ញាតប្រកបអាជីវកម្មត្រឹមត្រូវ តែបានលួចលាក់បើកដាក់នូវប្រភេទ ម៉ាស៊ីនល្បែងស៊ីងសង ជាច្រើន ទើបបង្ក្រាបចាប់យក រួមនឹងម៉ូតូអ្នកលេងនិងមនុស្ស១៤នាក់ ហើយបុរស២នាក់ មានថ្នាំញៀនចំនួន២បញ្ចប់តូច នៅខ្លួនផងដែរ ត្រូវបានអាជ្ញាធរខណ្ឌ ដកហូតយកទៅរក្សាទុក នៅសាលាខណ្ឌចំការមន ដើម្បីរង់ចាំធ្វើការ ចាត់ការតាមច្បាប់៕ដោយ៖បញ្ញាស័ក្តិ
