បាត់ដំបងៈ មន្ទីរអភិវឌ្ឍន៍ជនបទខេត្តបាត់ដំបង និងមន្ត្រីជំនាញពាក់ព័ន្ធ បានបន្តចុះធ្វើយុទ្ធនាការផ្សព្វផ្សាយ ពីការរាតត្បាតជាសកល នៃជំងឺផ្លូវដង្ហើមធ្ងន់ធ្ងរថ្មីកូវីដ-១៩ ជូនដល់ប្រជាពលរដ្ឋ រស់នៅក្នុងមូលដ្ឋានឃុំគោលដៅ ចំនួន២ឃុំ ក្នុងស្រុកមោងឫស្សី ក្នុងគោលបំណងផ្តោតសំខាន់ ពីការបញ្ជ្រាបនូវការយល់ដឹងពីសារសំខាន់ នៃសុខភាពសាធារណៈ និង អនាម័យ នៅតាមជនបទ កាលពីថ្ងៃទី១០ ខែមេសា២០២០។
លោក វ៉ាន់ ថុល ប្រធានមន្ទីរអភិវឌ្ឍន៍ជនបទខេត្តបាត់ដំបង បានមានប្រសាសន៍ថា យុទ្ធនាការផ្សព្វផ្សាយនេះ ក្នុងគោលបំ
ណងផ្តោតសំខាន់ ពីការបញ្ជ្រាបនូវការយល់ដឹង ពីសារសំខាន់ នៃសុខភាពសាធារណៈ និង អនាម័យ នៅតាមជនបទ ដើម្បីរួមគ្នាក្នុង
ការទប់ស្កាត់កូវីដ-១៩ ដែលកន្លងមក បានធ្វើឲ្យពិភពលោក មានការភ័យខ្លាច ដោយសារតែការរាតត្បាតយ៉ាងឆាប់រហ័ស និងឆ្លងពីមនុ
ស្សម្នាក់ៗ ទៅមនុស្សម្នាក់ទៀត បានយ៉ាងឆាប់រហ័ស ប្រសិនបើបងប្អូនប្រជាពលរដ្ឋយើង ខ្វះការប្រុងប្រយ័ត្ន និងមានការធ្វេសប្រហែស អាចធ្វើឲ្យជំងឺកូវីដ-១៩ ងាយចម្លងពីមនុស្សម្នាក់ទៅមនុស្សដទៃទៀត ទៅគ្រួសារ និងអាចបង្កការរាលដាលដល់សហគមន៍បាន។ ការចុះធ្វើការអប់រំប្រជាពលរដ្ឋ ក្នុងមូលដ្ឋានឃុំគោលដៅទាំង២ ក្នុងស្រុកមោងឫស្សី មានឃុំកកោះ និងឃុំជ្រៃ។ ប្រសិនបើយើងខ្វះការអប់រំ ដល់បងប្អូនទាំងនោះ ឲ្យបានយល់ដឹងពីសារសំខាន់ នៃសារអប់រំណែនាំ និងអំពីប្រការសំខាន់ដែលត្រូវអនុវត្តន៍ប្រចាំថ្ងៃ ដល់បុគ្គលម្នាក់ៗ និងគ្រប់ក្រុមគ្រួសារ តាមរយៈការណែរនាំលម្អិត ពីប្រការក្នុងការឆ្លង និងចម្លងទៅមនុស្សម្នាក់ ពីការធ្វើអនាម័យជាប្រចាំ និងស្អាតជានិច្ច តាមរយៈការចុះផ្សព្ធផ្សាយផ្ទាល់ ដល់ខ្នងផ្ទះនិងអប់រំដល់ក្រុមគ្រួសារ ដែលទើបវិលត្រឡប់ពីប្រទេសថៃ និងបានណែនាំបងប្អូន ឲ្យចេះរស់នៅ ដាច់ដោយឡែកមួយរយៈចំនួន១៤ ថ្ងៃសិន ដើម្បីចៀសវាងនូវការចម្លងកូវីដ-១៩ ទៅក្រុមគ្រួសារ និងសហគមន៍។
លោក វ៉ាន់ ថុល បានជំរុញ និងលើកទឹកចិត្តដល់បងប្អូន ទើបវិលត្រឡប់ពីប្រទេសថៃ និងមកពីប្រទេសផ្សេងៗ ប្រសិនបើមានបញ្ហាពីសុខភាព ត្រូវប្រញាប់ប្រញាល់ ទៅកាន់មន្ទីរពេទ្យ ឬមណ្ឌលសុខភាព ដែលនៅជិតផ្ទះបំផុត ដើម្បីពិនិត្យពិគ្រោះអាការជំងឺ ជាមួយនឹងគ្រូពេទ្យជាបន្ទាន់ ឬតាមរយៈការទាក់ទងតាមប្រព័ន្ធទូរស័ព្ទ ទៅកាន់លេខ១១៥ ។ សកម្មភាពចុះយុទ្ធនាការអប់រំ ពីកូវីដ-
១៩នេះ ក្រុមការងារ បានប្រើប្រាស់នូវមធ្យោបាយ ក្នុងការចាក់ផ្សព្វផ្សាយ តាមគ្រឿងបំពងសំឡេងក្បាលមីក្រូ ដើម្បីចាក់សារ និងសេចក្តីណែរនាំ ពីវិធានក្នុងការទប់ស្កាត់ ពីការឆ្លងរាលដាលពីមេរោគរាតត្បាត ពីការចូលរួមរបស់ប្រជាពលរដ្ឋ នៅក្នុងសហគមន៍ និងពីការលើកកម្ពស់អនាម័យជាប្រចាំ របស់ក្រសួងសុខាភិបាល និងចំណុចសំខាន់ ពីការធ្វើអនាម័យ លាងសម្អាតដៃ និងសាប៊ូឲ្យបានញឹកញាប់ជាប្រចាំ។ ភាពចាំបាច់តបតាមការអំពាវ និងការណែរនាំជាប្រចាំ ពីប្រមុរាជរដ្ឋាភិបាលកម្ពុជា ពីថ្នាក់ដឹកនាំខេត្ត និងក្នុងមូលដ្ឋាន ដើម្បីធ្វើយ៉ាងណាឲ្យបងប្អូន បានយល់ដឹង និងត្រូវតែចូលរួមអនុវត្តន៍ជាប្រចាំ តាមរយៈរូបភាពនៅក្នុងខិត្តប័ណ្ណដែលបានធ្វើការបិទ ដល់ខ្នងផ្ទះ និងនៅតាមផ្ទះសម្បែងរបស់បងប្អូនតែម្តង ដើម្បីរួមគ្នាប្រយុទ្ធប្រឆាំងទប់ស្កាត់ និងការរាតត្បាតរាលដាលជាសកល៕ ដោយៈអ៊ុងសារុំ
