ឆ្នាំជូត
ដួងជតារាសី ៖ រាសីល្អជាមធ្យម។ ថ្ងៃនេះដំណើរជីវិតរបស់លោកអ្នកមិនថាស្ថិតនៅទីណាទេគឺមិនត្រូវយកភាពប្រកែប្រកាន់ឬចិត្តស្រាលដាក់ខ្លួនឡើយបើពុំនោះប្រយ័ត្នបានតែរឿងរាវត្រឡប់មកវិញ។
ការងារ ៖ ការងារតែងមានដំណើរការទៅមុខជាបន្តបន្ទាប់ ហើយបើមានការសម្រុកតិចច្រើនក្តីក៏តែងហុចផលល្អៗមកជាមួយជានិច្ច។
ជំនួញ ៖ របររកស៊ីជួញដូរវិញជួបការលំបាកក្នុងការរកផលចំណូលបន្តិចព្រោះតែមានការប្រជែងគ្នាច្រើន ហើយពិសេសប្រយ័ត្នមានជម្លោះវិវាទថែមទៀត។
ស្នេហា ៖ មនោសញ្ចេតនាស្នេហាប្រុសស្រីកុំជ្រួលជ្រើមខុសបែបបទប្រយ័ត្ននាំក្តីទុក្ខលំបាកមកវិញហើយត្រូវដេកសោកកាអាត្មាខ្លួន៕
ឆ្នាំឆ្លូវ
ដួងជតារាសី ៖ រាសីខ្ពស់ត្រដែត។ នៅថ្ងៃនេះបើទោះបីដំណើរជីវិតល្អប្រសើរក្តី ប៉ុន្តែសម្រាប់បុរសទោះធ្វើអ្វីក៏ដោយត្រូវមានការប្រយ័ត្នប្រយែងពីព្រោះថាងាយកើតបញ្ហាដោយមិនដឹងខ្លួនមុនផងដែរ។
ការងារ ៖ ការងាររីកចំរើនទៅមុខជាលំដាប់ ទទួលបានការកោតសរសើរពីចៅហ្វាយនាយ ។
ជំនួញ ៖ របររកស៊ីជួញដូរមានការទិញចូលលក់ចេញគួរសម ហើយទោះជួញទីជិតឆ្ងាយអាចរកផលកម្រៃចូលផ្ទះគ្រាន់ជាទីកក់ក្តៅ។ការធ្វើដំណើរទីជិតឆ្ងាយជួបសេចក្តីសុខដុមទាំងពេលទៅ និង ត្រឡប់មកវិញ។
ស្នេហា ៖ ស្នេហាកំលោះក្រមុំមានការរីកលូតលាស់និងផ្អែមល្ហែមប្រពៃណាស់៕
ឆ្នាំខាល
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះឃើញថាដំណើរជីវិតរបស់លោកអ្នកល្អប្រសើរ ម្ល៉ោះហើយផ្តល់ផលល្អសម្រាប់ដំណើរកិច្ចការងារ ហេតុនេះគប្បីញាប់ដៃញាប់ជើងទើបប្រសើរ។
ជំនួញ ៖ របររកស៊ីជួញដូរទាំងការជួញទីជិតឆ្ងាយលោកអ្នកអាចរកផលកម្រៃហូរចូលមួយៗគ្រាន់ផ្សើមបំពង់កអញ្ចឹងដែរ។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ ស្នេហាកំលោះក្រមុំបើលោកអ្នកមិនទាន់មានគូគាប់ពេលនេះជាឱកាសល្អក្នុងការស្វែងរកផង៕
ឆ្នាំថោះ
ដួងជតារាសី ៖ រាសីស្រុតចុះ។ ការរស់នៅលោកអ្នកត្រូវចេះគ្រប់គ្រងអារម្មណ៍ឱ្យបានល្អទើបមិនមានបញ្ហាណាមួយចោទឡើង។
ការងារ ៖ នៅថ្ងៃនេះធ្វើអ្វីក៏មិនសម្រេចដល់គោលដៅ និង បើធ្វើអ្វីក៏មិនសូវជឿនលឿនទៅមុខតាមការគិតទុកនោះដែរ។
ជំនួញ ៖ របររកស៊ីជួញដូរការរកផលកម្រៃមិនមានច្រើនដូចជាទីគាប់ចិត្តទេគឺចំណូលខ្សត់ខ្សោយហើយភាពរកាំរកូសក៏កើតមានច្រើនដែរ។ការធ្វើដំណើរឆ្ងាយជិតមិនសូវផ្តល់ផលល្អទេ ម្ល៉ោះហើយគប្បីប្រយ័ត្នជម្លោះវិវាទណាមួយកើតឡើង រកស្មានមិនត្រូវ។
ស្នេហា ៖ ស្នេហាកំលោះក្រមុំបើទោះបីមានភាពរឹងមាំបែបណាក្តីកុំគប្បីឈ្លក់វង្វេងតែការដើរហើរប្រយ័ត្នត្រូវជួបរឿងស៊យហើយមកសោកស្តាយនៅគ្រាខាងមុខ ៕
ឆ្នាំរោង
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់ទំនាក់ទំនងការងារឬទំនាក់ទំនងបញ្ហាប្រាក់កាសអ្វីមួយពីព្រោះថាផលល្អៗតែងឆ្លើយតបមកវិញជានិច្ច។
ជំនួញ ៖ របររកស៊ីជួញដូរមានភាពសម្បូរបែបណាស់ម្ល៉ោះហើយបើលោកអ្នកបោះទុនតូចធំអាចទទួលផលប្រយោជន៍ច្រើន ហើយបើចង់រកស៊ីចូលហ៊ុនជាមួយអ្នកដទៃក៏តែងអាចជឿនលឿនទៅមុខប៉ុន្តែយ៉ាងណាត្រូវចេះត្រួតពិនិត្យដៃគូម្ខាងទៀតឱ្យបានត្រឹមត្រូវបើពុំនោះនឹងជួបផលលំបាកធំនៅពេលក្រោយជាក់ជាពុំខាន។
ស្នេហា ៖ ស្នេហាកំលោះក្រមុំមានភាពផ្អែមល្ហែមនិងកំពុងមានភាពស្រស់ស្រាយប្រពៃ៕
ឆ្នាំម្សាញ់
ដួងជតារាសី ៖ រាសីខ្ពស់ត្រដែត។ក្នុងថ្ងៃនេះដំណើរជីវិតរបស់លោកអ្នកបានឡើងខ្ពស់ ដូចនេះធ្វើឱ្យដំណើរជីវិតមានការចម្រើនលូតលាស់ ហើយទោះធ្វើអ្វីក៏តែងមានជោគមានជ័យឆ្លើយតបមកវិញគ្រាន់ជាទីកក់ក្តៅជានិច្ច។
ការងារ ៖ ការងារមានភាពសុខដុមគួរសមតែយ៉ាងណាផ្លូវចិត្តមិនសូវសប្បាយប៉ុន្មានទេ ព្រោះតែអារម្មណ៍មានការខ្វាយខ្វល់ច្រើន។
ជំនួញ ៖ របររកស៊ីជួញដូរការជួញទីជិតឆ្ងាយក្នុងថ្ងៃនេះមានភាពកាក់កបល្អ ហើយបើចង់ជួញផ្លូវឆ្ងាយទៀតសោតក៏ផ្តល់ផ្លែផ្កាគួរជាទីពេញចិត្ត។
ស្នេហា ៖ ស្នេហាកំលោះក្រមុំឬពោះម៉ាយមេម៉ាយក្តីមានភាពស្រស់ស្រាយប្រៀបដូចត្រីក្នុងទឹក៕
ឆ្នាំមមី
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះលោកអ្នកឱ្យប្រយ័ត្នត្រូវចៅហា្វយនាយថាស្តីបន្ទោស ឬត្រូវមានរឿងរាវនាំអំពល់ទុក្ខដោយប្រការណាមួយកើតឡើង។
ជំនួញ ៖ ររបររកស៊ីជួញដូរឃើញថាតែងមិនសម្រេចដល់គោលដៅដូចបំណងប៉ុន្មាននោះដែរ។ចំពោះអ្នកប្រកបរបររកស៊ីជួញដូរការចេញធ្វើជំនួញទីជិតឆ្ងាយមិនថាផ្លូវគោកផ្លូវទឹកឬផ្លូវអាកាសក្តីលោកអ្នកទាល់តែខិតខំខ្លាំងទើបអាចរកផលកម្រៃគ្រាន់ចិញ្ចឹមគ្រួសារគ្រាន់រស់។ការធ្វើដំណើរទៅទិស ពាយ័ព្យ ចូរប្រយ័ត្នក្រុមរោគជំងឺបៀតបៀនយាយីដោយប្រការណាមួយ។
ស្នេហា ៖ ស្នេហាកំលោះក្រមុំមានដំណើរការទៅមុខយឺតតែបើថយក្រោយវិញឃើញថាលឿនណាស់ផង៕
ឆ្នាំមមែ
ដួងជតារាសី ៖ រាសីល្អមធ្យម។
ការងារ ៖ នាពេលនេះដំណើរជីវិតរបស់លោកអ្នកល្អប្រសើរ ហេតុនេះទោះធ្វើអ្វីតែងជឿនលឿនទៅមុខនិងមានភាពសុខដុមគួរសម។
ជំនួញ ៖ របររកស៊ីជួញដូរវិញជួបការលំបាកក្នុងការរកផលចំណូលបន្តិចតែយ៉ាងណាការជួញទីជិតឆ្ងាយការរកផលកម្រៃឃើញថាមិនមានអ្វីលេចធ្លោទេគឺដូចសព្វមួយដង។ការធ្វើដំណើរឆ្ងាយជិតមានភាពសុខដុមទាំងពេលទៅនិងត្រឡប់មកវិញ។
ស្នេហា ៖ ស្នេហាប្រុសស្រីមានការរកាំចិត្តព្រោះតែម្នាក់ៗមានចិត្តខ្លាំងតែរៀងៗខ្លួន៕
ឆ្នាំវក
ដួងជតារាសី ៖ រាសីល្អជាមធ្យម។ នៅថ្ងៃនេះលោកអ្នកមានការសុខកាយសប្បាយចិត្តខ្លះ ហើយធ្វើអ្វីក៏ហុចជាលទ្ធផលគួរសម។
ការងារ ៖ ការប្រកបការងារក៏អាចចាប់ផ្តើមកិច្ចការធនមធ្យមបានផងដែរ ។
ជំនួញ ៖ ររបររកស៊ីជួញដូរបើទោះបីលោកអ្នកជួញទីជិតឆ្ងាយមិនថាផ្លូវគោក,ផ្លូវទឹកក្តីតែងហុចភោគផលគ្រាន់ជាទីកក់ក្តៅតែយ៉ាងណាមិនគប្បីយកខ្លួនបៀតល្បែងស៊ីសងឡើយព្រោះនាំកើតឧបទ្រពចង្រៃការលក់ដូរមិនជឿនលឿនទៅមុខ។
ស្នេហា ៖ ស្នេហាប្រុសស្រីកើតមានភាពប្រទាំងប្រទើសនិងប្រឆាំងគ្នាច្រើន៕
ឆ្នាំរកា
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះលោកអ្នកទោះធ្វើអ្វីក៏តែងមានការចម្រើនលូតលាស់ឈានទៅមុខមួយកម្រិតដែរ។
ជំនួញ ៖ របររកស៊ីជួញដូរក្នុងថ្ងៃនេះដែរមានការរីកលូតលាស់ទៅមុខគួរសម ហើយបើលោកអ្នកចង់បើករបរថ្មីឬចេញធ្វើជំនួញទីជិតឆ្ងាយតែងហុចផ្លែផ្កាគួរជាទីពេញចិត្តផងដែរ។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ ស្នេហាកំលោះក្រមុំមានភាពលូតលាស់ប្រពៃប៉ុន្តែយ៉ាងណាភាពប្រចែប្រច័ណ្ឌនៅតែលុកលុយនៅឡើយទេ៕
ឆ្នាំច
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះដោយសារដួងរាសីស្រុតចុះ ម្ល៉ោះហើយងាយមានរឿងរាវមិនល្អឈានចូលកើតជាងសព្វមួយដង។ក្រៅពីនេះឱកាសភ្លាត់ស្នៀតក្នុងរឿងអ្វីមួយងាយផងដែរ។
ជំនួញ ៖ របររកស៊ីជួញដូរបើទោះបីលោកអ្នកចង់ធ្វើជំនួញទីជិតឆ្ងាយឬចង់ចំណាយទុនធ្វើអ្វីមួយមិនទាស់ខុសអ្វីដែរព្រោះថាផ្លែផ្កាដែលហុចមកវិញឃើញថាមានចូលមួយៗគ្រាន់បំពេញបំពង់អញ្ចឹងដែរ។
ស្នេហា ៖ គូគ្រងប្តីប្រពន្ធឬគូស្នេហ៍កំលោះក្រមុំជួបបញ្ហាប្រទាំងប្រទើសនិងមានរឿងរាវរកាំចិត្តចំពោះគ្នាច្រើន៕
ឆ្នាំកុរ
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះមិនមានអ្វីប៉ះពាល់ទេ ប៉ុន្តែអ្វីដែលលោកអ្នកជួបបញ្ហាលំបាកយាយីច្រើននោះក៏តែងអាចឆ្លងផុតផង។
ជំនួញ ៖ របររកស៊ីជួញដូរក្នុងថ្ងៃនេះដែរលោកអ្នកមិនគប្បីមានចិត្តឆាប់ប្រកែប្រកាន់ឬចិត្តច្រណែនឈ្នានីសលោភលន់ច្រើនប្រយ័ត្នឥតការអ្វីសោះយករឿងរាវក្តៅក្រហាយដាក់ខ្លួន។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ ស្នេហាកំលោះក្រមុំឬពោះម៉ាយមេម៉ាយក្តីមានការជឿនលឿនទៅមុខតិចតួចណាស់ហើយមានភាពរកាំចិត្តគ្នាច្រើនទៀតផង៕
