រតនគិរី : បុរសម្នាក់បានឡើងបេះផ្លែសំរ៉ង នៅក្នុងព្រៃចៃដន្យ ធ្លាក់បាត់បង់ជីវិត។ ហេតុការណ៍បានកើតឡើង នៅចំណុចភ្នំបាងកែកអូរចាស់ ភូមិសាស្ត្រភូមិកោះពាក្យ ឃុំកោះពាក្យ ស្រុកវើនសៃ ខេត្តរតនគិរី កាលពីវេលាម៉ោងជាង១រសៀល ថ្ងៃទី១១ ខែមេសា ឆ្នាំ២០២០។
សមត្ថកិច្ចបានបញ្ជាក់ថា ជនរងគ្រោះឈ្មោះ សាប ឡង អាយុ២១ឆ្នាំ ជនជាតិកាចក់ មុខរបរកសិករ មានទីលំនៅភូមិឃុំកើត
ហេតុខាងលើ។ មូលហេតុជនរងគ្រោះ បានឡើងបេះផ្លែសំរ៉ង ក៏បណ្តាលឲ្យធ្លាក់បាក់ កជើងទាំងពីរ និងបាក់ចង្កេះ
ស្លាប់ភ្លាមៗ នៅកន្លែងកើតហេតុ។
សមត្ថកិច្ចបានធ្វើការពិនិត្យ លើសាកសព រួចសន្និដ្ឋានបានថា ជនរងគ្រោះពិតជាស្លាប់ ដោយសារធ្លាក់លើដើមដើមសំរ៉ង ពិតប្រាកដមែន។ ក្រោយពិនិត្យសព បានប្រគល់ជូនសាច់ញាតិ ក្រុមគ្រួសារយកទៅធ្វើបុណ្យ តាមប្រពៃណី៕ ដោយ ៖ សុខុម