ជូត
ដួងជតារាសី ៖ រាសីល្អជាមធ្យម។ ក្នុងថ្ងៃនេះបើទោះធ្វើអ្វីមួយចូរប្រយ័ត្នធ្លាក់ចូលក្នុងឧបាយកលរបស់ក្រុមមនុស្សអមិត្តហើយដាច់ខាតមិនត្រូវខឹងច្រឡោតឡើយត្រូវដោះស្រាយតាមសន្តិវិធីទើបប្រសើរ។
ការងារ ៖ ការងារអ្វីក៏ឃើញថាមានការចម្រើនលូតលាស់សន្សឹមៗទៅមុខតិចៗ ។
ជំនួញ ៖ អ្នកប្រកបរបររកស៊ីជួញដូរជួបផលលំបាកក្នុងការរកផលចំណូលបន្តិច ហើយបើមានការជួញឆ្ងាយទៀតសោតចូរប្រយ័ត្នជួបគ្រោះចាញ់បោកគេ ។
ស្នេហា ៖ ស្នេហាកំលោះក្រមុំមានការប្រែប្រួលប្តូរផ្លាស់ពីព្រោះជួនផ្អែមល្ហែមជួនពាក់មុខយក្សដាក់គ្នា៕
ឆ្នាំឆ្លូវ
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីតែងមិនឆ្លើយតបផ្លែផ្កាដូចគាប់បំណងឡើង ហើយបញ្ហាខ្លះមានរឿងរាវត្រូវឈឺក្បាលថែមទៀត។
ជំនួញ ៖ លោកអ្នកដែលចង់ពង្រីកមុខជំនួញដោយសារទ្រព្យដែលជាលាភហេងមានការខ្សត់ខ្សោយ ដូចនេះមិនត្រូវហ៊ានបោះទុនរកស៊ីដោយចំណាយទុនធំដុំឡើយប្រយ័ត្នចំណាយប្រាក់ទុនទៅ ហើយរកតែដកដើមមកវិញមិនឃើញ។
ស្នេហា ៖ ស្នេហាកំលោះក្រមុំ ឬ ពោះម៉ាយមេម៉ាយក្តីកុំឃើញភ្លាមស្រឡាញ់ភ្លែត ឬ ចង់យកល្បែងនេះលេងសើចប្រយ័ត្ននាំកើតរឿងរាវដំបៅទ្រូងនៅថ្ងៃខាងមុខ៕
ឆ្នាំខាល
ដួងជតារាសី ៖ រាសីខ្ពស់ត្រដែត។
ការងារ ៖នៅថ្ងៃនេះលោកអ្នកអាចមានរឿងរាវល្អ និង ដំណឹងល្អឱ្យសប្បាយចិត្តផង។
ជំនួញ ៖ អ្នកប្រកបរបររកស៊ីជួញដូរលោកអ្នកជួបប្រទះនូវរឿងរ៉ាវប្រទាំងប្រទើសច្រើន ហើយបើចេះធ្វើគធ្វើថ្លង់ដោយមិនតបតជាមួយក្រុមមនុស្សបាបមិត្តខ្លះទើបមានភាពសុខដុមទៅរួច។
ស្នេហា ៖ ស្នេហាប្រុសស្រីបើលោកអ្នកចង់ធ្វើការជ្រើ់សរើសគូស្រករតែងជួបគូព្រេងពិតដូចសេចក្តីប្រាថា្ន ៕
ឆ្នាំថោះ
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះដួងរាសីរបស់លោកអ្នក ល្អប្រសើរ ហើយបើចង់ធ្វើអ្វីអាចសម្រុកពេញទេបានហើយពីព្រោះថាផលល្អៗតែឆ្លើយតបមកវិញគ្រាន់ជាទីពេញចិត្តផង។
ជំនួញ ៖ អ្នកប្រកបរបររកស៊ីជួញដូរថ្ងៃនេះដែរជាឱកាសល្អក្នុងការផ្លាស់ប្តូរមុខរបរឬរើទីកន្លែងលក់ដូរដោយអាចជួបនូវក្តីចម្រុងចម្រើនលូតលាស់ទៅមុខសន្សឹមៗទៅមុខជានិច្ច។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ ស្នេហាកំលោះក្រមុំបើចង់ណែនាំឱ្យចាស់ទុំបានស្គាល់ឬចូលចែវចូវជាឱកាសល្អប្រពៃបំផុត៕
ឆ្នាំរោង
ដួងជតារាសី ៖ រាសីល្អជាមធ្យម។
ការងារ ៖ ដំណើរជីវិតរបស់លោកអ្នកក្នុងថ្ងៃនេះពុំសូវល្អប្រសើរទេ ដូចនេះធ្វើអ្វីក៏ដោយតោងតែមានការប្រយ័ត្នប្រយែងបន្តិចទើបប្រសើរ។បើមានការប្រកបការងារងាយជួបបញ្ហាប្រទាំងប្រទើសជាមួយក្រុមមនុស្សនៅក្បែរគ្នាផង ដូចនេះគប្បីមានការប្រយ័ត្នប្រយែងវាចាថ្លាថ្លែងទៅរកគ្នាបន្តិចទើបគ្មានបញ្ហាប៉ះទង្គិចណាមួយឡើង។
ជំនួញ ៖ អ្នកប្រកបរបររកស៊ីជួញដូរដែរលោកអ្នកមិនត្រូវចេះដឹងឮរឿងអ្នកដទៃច្រើនឡើយប្រយ័ត្នឥតការអ្វីសោះនាំរឿងរាវអាក្រក់មកដាក់ខ្លួន ហើយខាតពេលទាំងរកស៊ីថែមទៀត។
ស្នេហា ៖ ស្នេហាប្រុសស្រីជួបរឿងប្រទាំងប្រទើសនិងចាប់កំហុសគ្នាច្រើន៕
ឆ្នាំម្សាញ់
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នកឃើញថា មានភាពសុខដុមវិញគួរសម ដូចនេះបើចង់ធ្វើអ្វីក៏តែងមានការចម្រើនលូតលាស់ជាសន្សឹមៗជានិច្ច។
ជំនួញ ៖ អ្នកប្រកបរបររកស៊ីជួញដូរមិនគប្បីលូកដៃចូលក្នុងល្បែងស៊ីសងឡើយ ពីព្រោះនាំកើតឧបទ្រពចង្រៃនាំការលក់ដូរកាន់តែមិនដាច់ថែមទៀត។ការធ្វើដំណើរទីជិតឆ្ងាយពុំសូវមានសុវត្តិភាពទេគួរបន្ថែមការប្រុងប្រយ័ត្ន។
ស្នេហា ៖ ស្នេហាកំលោះក្រមុំ មានភាពស្រស់ស្រាយព្រោះតែម្នាក់ៗ មានការយកចិត្តទុកដាក់ចំពោះគ្នាគ្រាន់បើជាងមុន៕
ឆ្នាំមមី
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកដំណើរការងារនិងធ្វើជំនួញអ្វីមួយផង។ក្នុងរង្វង់គ្រួសារបើលោកអ្នកមានជម្លោះវិវាទជាឱកាសល្អក្នុងការផ្សះផ្សាហើយ។
ជំនួញ ៖ អ្នកប្រកបរបររកស៊ីជួញដូរវិញមានការចម្រើនលូតលាស់ទៅមុខ ដូច្នេះជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំបំផុត។
ស្នេហា ៖ ស្នេហាកំលោះក្រមុំឬពោះម៉ាយមេម៉ាយក្តីមានការយកចិត្តទុកដាក់និងផ្អែមល្ហែមល្អចំពោះគ្នាគ្រាន់បើ៕
ឆ្នាំមមែ
ដួងជតារាសី ៖ រាសីស្រុតចុះ។ ថ្ងៃនេះលោកអ្នកត្រូវប្រយ័ត្នប្រយែងបញ្ហាឈឺខ្លួនឈឺប្រាណឬឧប្បត្តិហេតុអ្វីមួយយាយី។
ការងារ ៖ នៅថ្ងៃនេះបើលោកអ្នកសម្រេចចិត្តអ្វីមួយមិនងាយឆ្លើយតបផ្លែផ្កាដូចគាប់បំណងឡើយពោលគឺមានបញ្ហាមិនល្អច្រើនជាងល្អ។
ជំនួញ ៖ អ្នកប្រកបរបររកស៊ីជួញដូរវិញក៏ដូច្នេះដែរបើមានក្រុមមនុស្សគេបង្កបញ្ហាល្អក់កករឬបង្កើតបញ្ហាអ្វីមួយមកទុកឱ្យគប្បីមានការអត់ធ្មត់ធ្វើគធ្វើថ្លង់ខ្លះទើបប្រសើរ។
ស្នេហា ៖ ស្នេហាកំលោះក្រមុំមានដំណើរងាយថយក្រោយហើយងាយទាំងកើតជម្លោះវិវាទនិងឈានដល់ទាំងការបែកបាក់៕
ឆ្នាំវក
ដួងជតារាសី ៖ រាសីល្អជាមធ្យម។
ការងារ ៖ ក្នុងពេលនេះទោះប្រកបការងារអ្វីក៏ដោយលោកអ្នកគួរធ្វើសន្សឹមៗកុំបំបោលប្រយ័ត្នដូចពាក្យចាស់ថា”កាន់តែលឿនកាន់តែខុសហើយក្រែងមិនបានដូចសេចក្តីប្រាថ្នា”។
ជំនួញ ៖ អ្នកប្រកបរបររកស៊ីជួញដូរទោះជួញទីជិតឆ្ងាយត្រូវរត់ទៅរកអតិថិជនហើយត្រូវស្វះស្វែងបន្តិចទើបរកប្រាក់ចំណូលគ្រាន់ចិញ្ចឹមជីវិតរស់ងាយស្រួលជាងនេះ។ទាំងស្ត្រីបុរសបើលោកអ្នកធ្វើដំណើរទៅណាមកណាគប្បីមានការប្រយ័ត្នប្រយែងបន្តិចពីព្រោះក្រុមមនុស្សតាមព្យាបាទយាយីច្រើន។
ស្នេហា ៖ ស្នេហាកំលោះក្រមុំឱ្យប្រយ័ត្នភាពផ្អែមល្ហែមប្រែជាជូរចត់វិញព្រោះតែការប្រចែប្រច័ណ្ឌកំពុងមានការលុកលុយ ៕
ឆ្នាំរកា
ដួងជតារាសី ៖ រាសីស្រុតចុះ។ នៅថ្ងៃនេះដំណើរជីវិតរបស់លោកអ្នកស្រុតចុះ ហេតុនេះទោះធ្វើអ្វីក៏ដោយតោងតែប្រយ័ត្នប្រយែងផងដែរទើបមិនមានបញ្ហាមិនល្អណាមួយចោទឡើង។
ការងារ ៖ អ្នកប្រកបការងាររាជការឬក្រុមហ៊ុនឯកជនក្តីមានភាពប្រទាំងប្រទើសច្រើនព្រោះក្រុមមនុស្សចាំចាប់កំហុសនិងព្យាបាទយាយី។
ជំនួញ ៖ អ្នកប្រកបរបររកស៊ីជួញដូរវិញ ក្នុងថ្ងៃនេះដែរមុជមិនជ្រៅទៅមិនឆ្ងាយប៉ុន្មានទេគួរអត់ធ្មត់ក្នុងមុខរបរ។
ស្នេហា ៖ បញ្ហាគូគ្រងប្តីប្រពន្ធកុំគប្បីយកភាពប្រកែប្រកាន់ដាក់ខ្លួនច្រើននាំកើតតែជម្លោះវិវាទគ្មានអ្វីជឿនលឿនទៅមុខ៕
ឆ្នាំច
ដួងជតារាសី ៖ រាសីខ្ពស់ត្រដែត។
ការងារ ៖ ក្នុងថ្ងៃនេះដោយសារដួងរាសីឡើងខ្ពស់ ម្ល៉ោះហើយផ្តល់ផលល្អក្នុងការសម្រេចចិត្តអ្វីមួយឬប្រកបការងារអ្វីមួយផង។
ជំនួញ ៖ អ្នកប្រកបរបររកស៊ីជួញដូរការចង់ចេញធ្វើជំនួញទីជិតឆ្ងាយតែងហុចផ្លែផ្កាគួរជាទីកក់ក្តៅតែយ៉ាងណាមិនត្រូវឈ្លក់វង្វេងនឹងល្បែងស៊ីសងឡើយប្រយ័ត្នឧបទ្រពចង្រៃយាយីកើតតែបញ្ហាមិនចេះចប់។ការធ្វើដំណើរទីជិតឆ្ងាយមិនថាតាមផ្លូវគោកផ្លូវទឹកឬផ្លូវអាកាសក្តីតែងជួបសេចក្តីសុខក្សេមក្សាន្តដូចសព្វមូយដង។
ស្នេហា ៖ ស្នេហាប្រុសស្រីបើចង់ធ្វើការជ្រើសរើសគូស្រករតែងជួបគូព្រេងពិតដូចគាប់បំណង៕
ឆ្នាំកុរ
ដួងជតារាសី ៖ រាសីល្អជាមធ្យម។ ថ្ងៃនេះដំណើរជីវិតរបស់លោកអ្នកមានការជឿនលឿនទៅមុខយឺតបន្តិច។
ការងារ ៖ ការងាររាជការឬក្រុមហ៊ុនឯកជនមានការប្រទាំងប្រទើសជាមួយមិត្តភក្តិបន្តិចចូរប្រយ័ត្នកើតជម្លោះវិវាទ។
ជំនួញ ៖ អ្នកប្រកបរបររកស៊ីជួញដូរកុំសម្លឹងលាភធំដុំភ្លេចលាភតូចតាចព្រោះចំណូលភាគច្រើនបានតែតូចតាចប៉ុណ្ណោះ។
ស្នេហា ៖ ស្នេហាប្រុសស្រីចូរកុំយកភាពមានះចង់ចាញ់ឈ្នះគ្នាច្រើនដាក់ខ្លួនប្រយ័ត្នកកើតមានជម្លោះវិវាទឈានដល់ការបែកបាក់៕