វីដេអូមួយបានកំពុងទទួលការចាប់អារម្មណ៍ និងស៊ែតៗគ្នាយ៉ាងព្រោងព្រាត នៅក្នុងបណ្តាញសង្គមវៀតណាម ដោយបង្ហាញឲ្យឃើញទិដ្ឋភាពកូនកំលោះ-កូនក្រមុំ១គូ នៅក្នុងពិធីកាត់នំនៃអាពាហ៍ពិពាហ៍របស់ពួកគេ បានរាំបទស្លូ និងបង្ហាញកាយវិការឱបបឺតមាត់គ្នាគ្មានញញើតភ្នែកញាតិសូម្បីបន្តិចឡើយ ជាពិសេសខាងកូនកំលោះតែម្តង ។
តាមរយៈវីដេអូមានថិរវេលាជាង២នាទីនេះផងដែរ ដែលបង្ហាញសកម្មភាពកូនកំលោះរាំឱបកូនក្រមុំយ៉ាងស្អិតល្មួត ក្នុងអារម្មណ៍ហាក់ត្រេកត្រអាលយ៉ាងខ្លាំង ដោយបានបឺតមាត់កូនក្រមុំមិនដកមាត់ឡើយ ខណៈកូនក្រមុំវិញបានត្រឹមឈរបណ្តោយឲ្យកូនកំលោះធ្វើតាមការសប្បាយ ទាំងដែលរូបនាងក៏មានការអៀនខ្មាសខ្លាំងណាស់ដែរ។
យ៉ាងណាមិញ ក្រោយពីបានឃើញវីដេអូនេះ មនុស្សស្រីមួយចំនួនបង្ហាញនូវអារម្មណ៍ខ្មាសអៀនជាខ្លាំង ព្រោះពួកគេមិននឹកស្មានថាកូនកំលោះហ៊ានធ្វើដល់ថ្នាក់នេះ នៅចំពោះមុខសាច់ញាតិ និងភ្ញៀវរាប់រយនាក់ ។ រីឯប្រុសៗវិញ គ្រាបានឃើញទិដ្ឋភាពនេះ បានបង្ហាញការពេញចិត្ត រំជើបរំជួលចិត្តជាខ្លាំង ជាពិសេសអ្នកអត់គូអាចក្តៅខ្លួនទាំងព្រឹកក៏ថាបាន ។ ដោយឡែក អ្នកខ្លះយល់ឃើញថា សកម្មភាពបែបនេះវាជារឿងដ៏សាមញ្ញទៅហើយនិងគ្មានអ្វីចម្លែកឡើយ សម្រាប់សង្គមបច្ចុប្បន្ន៕ ដោយ៖ លឹម ហុង