កាលពីពេលថ្មីៗនេះ អ្នកលេងអ៊ីនធឺណេតថៃ ត្រូវបានគេរាយការណ៍ថាបានរកឃើញ “កាំភ្លើងសីតុណ្ហាភាព” ឬ “ឧបករណ៍វាស់កំដៅ” ដែលពួកគេបានទិញពីឈ្មួញតាមអ៊ីនធឺណេត ត្រូវបានគេចោទប្រកាន់ថាជារបស់ក្លែងក្លាយ។
តើវាក្លែងក្លាយយ៉ាងម៉េចទៅ?
រៀងរាល់ពេលដែលទែម៉ូម៉ែត្រ (ឧបករណ៍វាស់សីតុណ្ហភាព) ត្រូវបានប្រើដើម្បីវាស់សីតណ្ហភាពនរណាម្នាក់ នោះវានឹងបង្ហាញលទ្ធផលត្រឹមតែ ៣៧ អង្សាសេ ប៉ុណ្ណោះ។
ហើយនៅពេលដែលពួកវាត្រូវបានធ្វើប្រេះចំហរ នោះទែម៉ូម៉ែត្រទាំងនោះ គឺមានប្រហោងទាំងស្រុងដែលផ្ទុកតែបន្ទះឈីបសម្រាប់ដំណើរការអេក្រង់ LCD ប៉ុណ្ណោះ។ លើសពីនេះ ការបង្ហាញនឹងនៅតែដំណើរការទៀតផង សូម្បីតែបន្ទាប់ពីឧបករណ៍ត្រូវបានរុះរើក៏ដោយ។
ជាក់ស្តែង ទំនិញក្លែងក្លាយទាំងនេះត្រូវបានគេរកឃើញមានច្រើននៅក្នុងប្រទេសថៃ ហើយអាជ្ញាធរថៃបានធ្វើការបង្ក្រាបយ៉ាងធំទៅលើក្រុមរត់ពន្ធចិនជាច្រើន ដែលកំពុងប្រតិបត្តិការនៅក្នុងប្រទេសនេះ។ នៅក្នុងការឃ្លាំងមើលរបស់ពួកគេ នោះឧបករណ៍វាស់សីតុណ្ហភាព និងម៉ាស់ ដែលមានតម្លៃជាង ៣៣ លានបាត (ប្រមាណ ១ លានដុល្លារអាមេរិក) ត្រូវបានរឹបអូស៕
ប្រែសម្រួល៖ លឹម ហុង (ប្រភព៖ worldofbuzz)