ជូត
ដួងជតារាសី ៖ រាសីខ្ពស់ត្រដែត។ នៅថ្ងៃនេះដោយសារដួងរាសីឡើងខ្ពស់ ម្ល៉ោះហើយផ្តល់ផលល្អក្នុងការលេងហ៊ុន ទិញផ្ទះសម្បែង ឬចរចាទំនាក់ទំនងអ្វីមួយ។
ការងារ ៖ ការងារឬធ្វើអ្វីមួយតែងផ្តល់ផលល្អ និង បើចង់ចូលបម្រើការងារថ្មីថ្មោងផងក៏តែងសម្រេចជោគជ័យដូចជាទីពេញចិត្ត។
ជំនួញ ៖ របររកស៊ីជួញដូរមានការរីកលូតលាស់ និង ទោះបំពេញការងារទីជិតឆ្ងាយមានការចម្រុងចម្រើនដោយក្តីសុខដុមគួរសម។
ស្នេហា ៖ ស្នេហាកំលោះក្រមុំមានភាពភ្លឺថ្លានិងកំពុងបើកទំព័រថ្មីសម្រាប់លោកអ្នកហើយ៕
ឆ្នាំឆ្លូវ
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះដំណើរជីវិតមិនល្អប្រសើរទេ ម្ល៉ោះហើយបើទោះបីធ្វើអ្វីក៏ដោយតោងតែមានការប្រយ័ត្នប្រយែងពីព្រោះថាផលមិនល្អនោះក៏ងាយកើតមានណាស់ផង។
ជំនួញ ៖ របររកស៊ីជួញដូរវិញពេលនេះជួបរឿងចំណាយធំឯផលកម្រៃនោះហូរចូលមានកម្រិតធ្វើឱ្យរែកពន់ផលលំបាកលំបិនមិនស្ទើរដែរទេ។ការធ្វើដំណើរឆ្ងាយជិតមានភាពសុខដុមទាំងពេលទៅនិងត្រឡប់មកវិញ។
ស្នេហា ៖ ស្នេហាប្រុសស្រីមានភាពប្រទាំងប្រទើសព្រោះតែការមិនចេះអត់ឱនឱ្យគ្នាប៉ុន្មានឡើយ៕
ឆ្នាំខាល
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះបើប្រកបការងារអ្វីតែងជួបបញ្ហារាំងស្ទះ និង រឿងរាវច្រើនបន្តិច ម្ល៉ោះហើយលោកអ្នកតោងតែអត់ធ្មត់បន្តិចទើបប្រសើរ។
ជំនួញ ៖ របររកស៊ីជួញដូរវិញបើទោះបីលោកអ្នកជួញទីជិតឆ្ងាយមិនថាផ្លូវគោកផ្លូវទឹកក្តីតែងហុចភោគផលគ្រាន់ជាទីកក់ក្តៅតែយ៉ាងណាមិនគប្បីយកខ្លួនបៀតល្បែងស៊ីសងឱ្យសោះព្រោះនាំកើតឧបទ្រពចង្រៃការលក់ដូរមិនជឿនលឿនទៅមុខ។ការធ្វើដំណើរឆ្ងាយជិតមិនសូវមានសុវត្តិភាពទេគប្បីប្រយ័ត្នប្រយែងបន្តិចទើបប្រសើរ។
ស្នេហា ៖ ស្នេហាប្រុសស្រីកើតមានភាពប្រទាំងប្រទើសនិងប្រឆាំងគ្នាច្រើន៕
ឆ្នាំថោះ
ដួងជតារាសី ៖ រាសីល្អជាមធ្យម។
ការងារ ៖នៅថ្ងៃនេះមានភាពគាប់ប្រសើរ ហើយបើទោះបីធ្វើអ្វីក៏តែងមានការចម្រើនលូតលាស់និងមានជោគជ័យគួរជាទីពេញចិត្តផង។ ក្រៅពីនេះបើលោកអ្នកមានទំនាក់ទំនងចរចាអ្វីមួយតែងគេសហការ និង ជួយជ្រោមជ្រែងថែមទៀត។
ជំនួញ ៖ របររកស៊ីជួញដូរទោះការជួញទីជិតឆ្ងាយលាភប្រាក់កាសពុំមានសម្បូរទេ ដូច្នេះទាល់តែលោកអ្នកខិតខំខ្លាំងទើបអាចរកប្រាក់ចំណូលគ្រាន់រស់ស្រួលខ្លួន ។
ស្នេហា ៖ ស្នេហាប្រុសស្រីក្នុងថ្ងៃនេះវិញមានដំណើរប្រទាំងប្រទើសនិងប្រឆាំងគ្នាច្រើន៕
ឆ្នាំរោង
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះដំណើរជីវិតរបស់លោកអ្នកល្អប្រសើរ ដូចនេះបើចង់ទំនាក់ទំនងកិច្ចការអ្វីមួយ គេតែងឆ្លើយតបមកវិញគ្រាន់ជាទីពេញចិត្ត។ក្នុងថ្ងៃ នេះដែរដោយសារដំណើរជីវិតល្អប្រសើរដូចនេះមិនត្រូវទុកពេលវេលាល្អចោលដោយឥតប្រយោជន៍ឡើយ ហើយត្រូវចងចាំថាធ្វើច្រើនទទួលបានផលច្រើនធ្វើតិចទទួលបានផលតិចទៅតាមនោះដែរ។
ជំនួញ ៖ របររកស៊ីជួញដូរបើចង់បើករបរថ្មីឬផ្លាស់ប្តូរទីកន្លែងលក់ដូរក៏ផ្តល់ផលល្អប្រពៃ។
ស្នេហា ៖ ស្នេហាវិញពេលនេះបើលោកអ្នកចង់ទំនាក់ទំនងឬចូលចែវចូវដល់ចាស់ទុំជាការប្រពៃ៕
ឆ្នាំម្សាញ់
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះបើលោកអ្នកធ្វើអ្វីឃើញថាជឿនលឿនទៅមុខ ហើយក៏ផ្តល់ផលល្អក្នុងការចរចាឬទំនាក់ទំនងអ្វីមួយផង។
ជំនួញ ៖ របររកស៊ីជួញដូរក្នុងថ្ងៃនេះដែរមានការចម្រើនលូតលាស់ទៅមុខ ដូច្នេះជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំបំផុត។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ ស្នេហាកំលោះក្រមុំមានភាពស្រស់ស្រាយប្រៀបដូចត្រីក្នុងទឹកនារដូវខែវស្សា៕
ឆ្នាំមមី
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នក ល្អប្រសើរ ម្ល៉ោះហើយទោះធ្វើអ្វីក៏តែងមានការចម្រើនលូតលាស់ទៅមុខសន្សឹមៗជានិច្ច។
ជំនួញ ៖ របររកស៊ីផ្សេងៗនៅថ្ងៃនេះដែរបើមានឧបសគ្គលោកអ្នកតែងពុះពារប្រកបទៅដោយជោគជ័យ និង ពិសេសទទួលអ្វីដែលល្អប្រសើរជាងនេះ។
ស្នេហា ៖ ស្នេហាបើកើតជម្លោះវិវាទហើយចង់ធ្វើការដោះស្រាយជាពេលវេលាល្អផងដែរ៕
ឆ្នាំមមែ
ដួងជតារាសី ៖ រាសីល្អជាមធ្យម។
ការងារ ៖ ក្នុងថ្ងៃនេះដំណើរជីវិតរបស់លោកអ្នកជួបភាពរកាំរកូសច្រើនបន្តិច តែយ៉ាងណាការបំពេញការងារបើមានការពុះពារនោះក៏តែងមានការរីកលូតលាស់ជាសន្សឹមៗទៅមុខឥតថយក្រោយនោះឡើយ។ ចំពោះស្ត្រីលោកអ្នកទទួលអម្រែកច្រើនបន្តិចក្តីតែក៏មានភាពសុខដុមដូចសព្វមួយដងទេឥតមានបញ្ហាអ្វីធំដុំត្រូវឆ្លងកាត់នោះឡើយ។
ជំនួញ ៖ របររកស៊ីជួញដូរមិនត្រូវធ្វើអ្វីមួយដោយតក់ក្រហល់ឡើយប្រយ័ត្នជួបរឿងស៊យដាក់ទុនទៅ ហើយអស់ប្រាក់កាសពីខ្លួនត្រួវមកដេកសោកស្តាយនៅពេលក្រោយ។ការធ្វើដំណើរទីជិតឆ្ងាយចូរប្រយ័ត្នក្រុមមនុស្សបៀតបៀនយាយីដោយប្រការណាមួយ។
ស្នេហា ៖ ស្នេហាប្រុសស្រីមានការនឹករលឹកនិងប្រាស្រ័យទាក់ទងគ្នាល្អប្រពៃគួរសម៕
ឆ្នាំវក
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះដំណើរជីវិតរបស់លោកអ្នកមិនល្អប្រសើរទេ ដូចនេះបើទោះបើធ្វើអ្វីក៏តោងតែប្រយ័ត្នប្រយែងទើបមិនមានបញ្ហាចោទឡើង។
ជំនួញ ៖ របររកស៊ីជួញដូរការរកផលចំណូលនោះជួបស្ថានភាពតានតឹងខ្លាំងហើយអ្នកខ្លះរកត្រឹមបង្គ្រប់ឆ្នាំងបាយសឹងមិនគ្រាន់ផង។ការធ្វើដំណើរឆ្ងាយជិតមានរឿងរាវប្រទាំងប្រទើសច្រើនចូរប្រយ័ត្នបញ្ហាមិនល្អណាមួយកើតឡើង។
ស្នេហា ៖ ស្នេហាកំលោះក្រមុំឬពោះម៉ាយមេម៉ាយក្តីកុំគប្បីជ្រួលជ្រើមខុសបែបបទប្រយ័ត្នរែកពន់សេចក្តីទុក្ខសោកមកវិញ៕
ឆ្នាំរកា
ដួងជតារាសី ៖ រាសីល្អជាមធ្យម។ នៅថ្ងៃនេះដំណើរជីវិតរបស់លោកអ្នកជួបលើបញ្ហាទាំងល្អទាំងអាក្រក់នៅលាយឡំគ្នាដូច្នេះទោះធ្វើអ្វីក៏ដោយមិនអាចធ្វេសប្រហែសឬមាក់ងាយបានឡើយ។
ការងារ ៖ ការងារងាយត្រូវក្រុមមនុស្សវាយប្រហារណាស់ផងគប្បីមានការប្រយ័ត្នប្រយែការពារអាត្មាខ្លួនទើបប្រសើរហោង។
ជំនួញ ៖ របររកស៊ីជួញដូរមិនថាការជួញទីជិតឆ្ងាយជួបសេចក្តីសុខដុមដោយអាចប្រមូលភោគផលចូលផ្ទះវិញគួរជាទីកក់ក្តៅ។ការធ្វើដំណើរទីជិតឆ្ងាយជួបតែសេចក្តីសុខក្សេមក្សាន្តដូចសព្វមួយដង។
ស្នេហា ៖ ស្នេហាកំលោះក្រមុំមិនសូវមានការរីកលូតលាស់ទៅមុខទេគឺមានការថយក្រោយច្រើនជាង៕
ឆ្នាំច
ដួងជតារាសី ៖ រាសីល្អជាមធ្យម។
ការងារ ៖ ក្នុងពេលនេះបញ្ហាប្រាក់កាសលោកអ្នកអាចទទួលបានបើសិនមានការខិតខំបំពេញការងារនោះ។ក្រៅពីនេះលោកអ្នកអាចមានជំនួយឧបត្តម្ភផង។ចំណែកការបំពេញការងារវិញលោកអ្នកមុនសម្រេចចិត្តធ្វើអ្វីមួយក៏គប្បីត្រូវចេះថ្លឹងថ្លែងឱ្យបានល្អដែរបើពុំនោះទេនឹងបានទទួលផលអាក្រក់ជាងផលល្អជាក់ជាពុំខាន។
ជំនួញ ៖ របររកស៊ីជួញដូរទាំងការជួញទីជិតឆ្ងាយការរកផលកម្រៃទាល់តែខិតខំខ្លាំងទើបអាចរកប្រាក់ចំណូលគ្រាន់បន្សើមបំពង់បើពុំនោះទេច្បាស់ជារកអង្ករច្រកឆ្នាំងពុំគ្រាន់ឡើយ។
ស្នេហា ៖ ស្នេហាប្រុសស្រីកុំចង់ទុំមុនស្រគាលប្រយ័ត្នកើតរឿងធំហើយត្រូវមកដេកសោកស្តាយក្រោយដែលជាការហួសពេលទៅហើយ៕
ឆ្នាំកុរ
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះដំណើរជីវិតរបស់លោកអ្នកមិនល្អប្រសើរទេពិសេសងាយជួបបញ្ហាមិនល្អយាយីច្រើន។
ជំនួញ ៖ របររកស៊ីជួញដូរវិញជួបរឿងប្រទាំងប្រទើសច្រើន ហើយចំណូលនោះទាល់តែខិតខំខ្លាំងទើបអាចរកផលកម្រៃគ្រាន់ចិញ្ចឹមគ្រួសាររស់។ការធ្វើដំណើរឆ្ងាយជិតចូរប្រយ័ត្នក្រុមមនុស្សបង្កបញ្ហាដោយប្រការណាមួយ។
ស្នេហា ៖ ស្នេហាប្រុសស្រីមានការប្រែប្រួលប្តូរផ្លាស់ពីព្រោះជួនត្រូវរ៉ូវជួនទាស់ទែងគ្នា៕
