នេះជាពេលដ៏អស្ចារ្យមួយសឹងតែមិនគួរឲ្យជឿ គ្រាដែលខ្លារខិនមួយក្បាលបានឡើងដើមឈើ ជាមួយនឹងសត្វព្រៃ១ក្បាលដែលត្រូវបានសម្លាប់ នៅក្នុងអាហ្វ្រិកខាងត្បូង។
ហេតុការណ៍នេះដែលត្រូវបានថតដោយភ្ញៀវទេសចរម្នាក់ឈ្មោះ Ashok Nellikunja បានកើតឡើងនៅឧទ្យានជាតិ Kruger កាលពីថ្ងៃទី២៤ ខែមីនា កន្លងទៅនេះ។
យោងតាមរបាយការណ៍ ក្រៅពីតោនោះ សត្វឆ្មាធំនេះ ត្រូវបានគេចាត់ទុកថា ជាសត្វខ្លារខិនសាហាវបំផុតមួយ នៅក្នុងពិភពសត្វព្រៃ។
សត្វខ្លារខិននេះ ជារឿយៗនាំយកសត្វព្រៃរបស់ពួកវាក្រោយសម្លាប់រួច ពីលើដីទៅរក្សាទុកជាស្បៀងអាហារ ឱ្យមានសុវត្ថិភាពពីមំសាសីដទៃទៀត នៅលើដើមឈើ។
ក្នុងនាមជាអ្នកឡើងដ៏ល្អមួយ សត្វខ្លារខិននេះក៏តែងយកដើមឈើ ដើម្បីសម្រាកនៅពេលថ្ងៃផងដែរ ៕ ដោយ៖ លឹម ហុង