ខេត្តស្វាយរៀងៈ ផ្ទះទំហំ ៥ម៉ែត្រគុណ៦ម៉ែត្រ ដំបូលប្រក់សង្ក័សី ជញ្ជាំងស្លឹក លាយសង្ក័សី រនាបឫស្សី សសរឈើ រួមនឹងសម្ភារផ្សេងៗជាច្រើនទៀត ត្រូវអគ្គិភ័យលេបត្របាក់អស់គ្មានសល់ ខណៈដែលម្ចាស់ផ្ទះ បានអុជទៀនធូបទទួលទេវតាឆ្នាំថ្មីរួចក៏នាំគ្នាដេកលក់ ដែលហេតុការណ៍ខាងលើនេះ បានកើតឡើងកាលពីវេលាម៉ោង២២និង១៥នាទីយប់ ថ្ងៃទី១៣ ខែមេសា ឆ្នាំ២០២០ ស្ថិតនៅភូមិត្រពាំងធ្លកខាងត្បូង ឃុំចន្ត្រី ស្រុករមាសហែក ខេត្តស្វាយរៀង។
សមត្ថកិច្ចបានឱ្យដឹងថា មានករណីភ្លើងឆេះផ្ទះរបស់ឈ្មោះ សេង វង់ ភេទប្រុស អាយុ៥៤ឆ្នាំ ប្រពន្ធឈ្មោះ ឡុង ចន អាយុ៥៧ឆ្នាំ ផ្ទះមានទំហំ ៥ម៉ែត្រគុណ៦ម៉ែត្រ ដំបូលប្រក់សង្ក័សី ជញ្ជាំងស្លឹក លាយសង្ក័សី រនាបឫស្សី សសរឈើរ និងបណ្តាលឲ្យខូចខាតមានៈ ម៉ូតូម៉ាកហុងដាសេ១២៥ ពណ៌ខ្មៅស៊េរីឆ្នាំ២០១៥ ១គ្រឿង ម៉ូតូម៉ាក គុប៥០ ពណ៌ស្លែ ១គ្រឿង កង់ ៣គ្រឿង ស្រូវ ៧០០គីឡូក្រាម អង្ករ ១០៥គីឡូក្រាម ប្រាក់ ៥០០.០០០រៀល មាស ៤ជីកន្លះ ខោអាវ ៣០កំប្លេ ចាន២០ ឆ្នាំង ៦ កន្ទេល៦
មុង៣ ភួយ៥ ខ្នើយ៥ ទូដាក់ខោអាវ១ ទូរទស្សន៍២ សូឡា១ អាគុយ១ ទូរស័ព្ទ១។
ប្រភពដដែលបានបន្តថា មូលហេតុ គឺម្ចាស់ផ្ទះអុចទៀនធូប ទទួលទេវតារួចក៏នាំគ្នាដេកលក់៕ដោយ៖ វ៉ៃកូ
