ចំនួនអ្នកឆ្លងវីរុសកូរ៉ូណាទូទាំងពិភពលោក បានហក់ឡើងលើស ២០០០.០០០នាក់កាលពីថ្ងៃចន្ទ ពេលល្ងាច។ នេះបើតាមតួលេខរបស់សកលវិទ្យាល័យ Johns Hopkins។
បើតាមតួលេខជាក់ស្តែង មានអ្នកឆ្លងសរុបចំនួន ២.០១៩.៣២០នាក់ និងស្លាប់ជិត ១២០.០០០នាក់។
អាមេរិចនៅតំណែងលេខមួយជាប្រទេសមានអ្នកឆ្លង និងស្លាប់ច្រើនជាងគេបំផុត ដោយមានអ្នកឆ្លងជាង ៦៨០.០០០នាក់ និងស្លាប់ជាង ២៣.០០០នាក់ ខណៈអ៊ីតាលីនៅឈរនៅតំណែងលេខ ២ ដោយមានអ្នកឆ្លងជាង ១៥០.០០០នាក់ និងស្លាប់ជាង ២០.០០០នាក់។
ប្រទេសផ្សេងៗទៀត ដែលមានការរាតត្បាត និងស្លាប់ច្រើនមានដូចជា បារាំង អាឡឺម៉ង អង់គ្លេស ចិន អ៊ីរ៉ង និងតួកគីជាដើម៕
អត្ថបទប្រែសម្រួលដោយ៖ សុភ័ក្រ
ប្រភព៖ Xinhua