ជូត
ដួងជតារាសី ៖ រាសីល្អជាមធ្យម។ ថ្ងៃនេះទោះធ្វើអ្វីត្រូវសន្សឹមៗកុំបំបោលពីព្រោះផលដែលឆ្លើយតបមកវិញមានការតានតឹង ហើយពិសេសទទួលផលអាក្រក់ច្រើនជាងល្អទៀតផង។
ការងារ ៖ ការងារចូរប្រយ័ត្នក្រុមមនុស្សសម្តីផ្អែមល្ហែមបន្តិចព្រោះគេងាយធ្វើឱ្យលោកអ្នកទទួលរងគ្រោះណាស់។
ជំនួញ ៖ របររកស៊ីជួញដូរក្នុងពេលនេះជួបការលំបាកក្នុងការរកប្រាក់កម្រៃណាស់ ហើយការជួញជិតឆ្ងាយទៀតសោតជួបតែភាពរកាំរកូសមិនស្ទើរដែរទ្បើយ។ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ ស្នេហាកំលោះក្រមុំមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំឆ្លូវ
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះរាល់ឧបទ្រពចង្រៃទាំងឡាយបានត្រូវរលាយចាកចេញឆ្ងាយហើយការប្រកបការងារមានការរីកលូតលាស់ប្រសើរឡើងវិញ។ក្រៅពីនេះបើមានឧបសគ្គរារាំងមុខក៏បានធូរស្រាល និង លោកអ្នកអាចសុខកាយសប្បាយចិត្តយ៉ាងស្រស់ស្រាយទៀតផង។
ជំនួញ ៖ ររបររកស៊ីជួញដូរវិញមិនគប្បីហក់លោតខ្លាំងពេកឡើយព្រោះផលចំណូលនោះមិនឆ្លើយតបដូចសេចក្តីប្រាថ្នាទេឬអាចនិយាយបានថាទោះខិតខំខ្លាំងត្រឹមកម្រិតណាក៏បានត្រឹមមួយគ្រប់ឆ្នាំងបាយដែរ។
ស្នេហា ៖ ស្នេហាកំលោះក្រមុំជួបបញ្ហានឿយណាយនិងអស់សង្ឃឹមក្នុងដំណើរជីវិតច្រើនចូលយាយី៕
ឆ្នាំខាល
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះដំណើរជីវិតភ្លឺថ្លា ហើយធ្វើអ្វីឃើញថាជឿនលឿន និង ផ្តល់ជាផ្លែផ្កាមកវិញគ្រាន់ជាទីពេញចិត្ត។
ជំនួញ ៖ របររកស៊ីជួញដូរវិញមានការជឿនលឿនទៅមុខល្អ ហើយបើចង់បើករបរអ្វីមួយថ្មីផងក៏ជាឱកាសល្អប្រពៃបំផុត។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។
ស្នេហា ៖ ស្នេហាកំលោះក្រមុំឬពោះម៉ាយមេម៉ាយក្តីមានការលូតលាស់ទៅមុខនិងបើចង់ផ្សំផ្គុំគ្រួសារជាឱកាសល្អណាស់ដែរ៕
ឆ្នាំថោះ
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះដំណើរជីវិតរបស់លោកអ្នកល្អប្រសើរ ហើយមានការលូតលាស់ច្រើនរឿងមិនថាជាបញ្ហា ប្រាក់កាស ការងារឬរឿងផ្ទាល់ខ្លួនទេសុទ្ធតែមានការជឿនលឿនទៅមុខគួរសម។
ជំនួញ ៖ របររកស៊ីជួញដូរវិញមានភាពកាក់កបគួរសមទាំងការជួញទីជិតឆ្ងាយដោយអាចប្រមូលផលចំណូលត្រឡប់មកផ្ទះវិញដូចគាប់បំណង។
ស្នេហា ៖ ស្នេហាកំលោះក្រមុំពុំគប្បីលលេងជាមួយល្បែងកាមគុណប្រយ័ត្នជួបព្យុះជីវិតនាថ្ងៃខាងមុខចៀសពុំរួចហើយត្រូវមកខូចអនាគតភ្លឺស្វាងឥតអំពើ៕
ឆ្នាំរោង
ដួងជតារាសី ៖ រាសីល្អជាមធ្យម។
ការងារ ៖ ក្នុងថ្ងៃនេះការប្រកបការងារត្រូវប្រយ័ត្នប្រយែងពីព្រោះងាយខូចខាត និង បាត់បង់ណាស់។ការរស់នៅក្នុងផ្ទះសម្បែងចូរប្រយ័ត្នកើតជម្លោះវិវាទណាមួយព្រោះតែពាក្យសម្តីឥតគម្រប។ចំពោះបញ្ហាប្រាក់កាសត្រូវជួបស្ថានភាពចំណាយច្រើនឯចំណូលតិច ហើយពិសេសបើមានការធ្វើអ្វីពាក់ព័ន្ធបញ្ហាប្រាក់កាសត្រូវរាំងស្ទះទៀតផង។
ជំនួញ ៖ របររកស៊ីជួញដូរលោកអ្នកត្រូវមានទំនាក់ទំនងល្អជាមួយក្រុមមនុស្សជុំវិញខ្លួនឱ្យបានច្រើនព្រោះអាចទាញផលប្រយោជន៍អ្វីមួយមកវិញនៅថ្ងៃណាមួយជាក់ជាពុំខាន ។
ស្នេហា ៖ កំលោះក្រមុំឬពោះម៉ាយមេម៉ាយក្តីមានការលូតលាស់ទៅមុខយឺតតែងាយថយក្រោយណាស់៕
ឆ្នាំម្សាញ់
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីតោងតែមានចិត្តអត់ធ្មត់ និង ធ្វើមិនដឹងមិនឮខ្លះទើបប្រសើរ។
ជំនួញ ៖ សម្រាប់ពាណិជ្ជករចំពោះការចង់ប្រកបរបររកស៊ីថ្មីថ្មោងវិញ លោកអ្នកត្រូវចេះត្រួតពិនិត្យស្ថានការណ៍និងមើលឱ្យស្រួលបួល បើពុំនោះប្រយ័ត្នការដាក់ដើមទៅហើយសូន្យឈឹងតែម្តង។
ស្នេហា ៖ កំលោះក្រមុំចូរប្រយ័ត្នកើតមានការរង្គោះរង្គើព្រោះតែអ្នកទីបីចូលមកឡូកឡំ៕
ឆ្នាំមមី
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នកឃើញថាមិនល្អប្រសើរប៉ុន្មានទេ ពីព្រោះថាជារឿយៗតែងមានបញ្ហាច្រើនចំពោះមុខ។
ជំនួញ ៖ របររកស៊ីជួញដូរការរកផលចំណូលទោះជួបការលំបាកម្តេចម្តាតែក៏អាចចិញ្ចឹមឆ្នាំងបាយអញ្ចឹងដែរ។ការធ្វើដំណើរត្រូវប្រយ័ត្នក្រុមមនុស្សបៀតបៀនយាយីដោយប្រការណាមួយ។
ស្នេហា ៖ កំលោះក្រមុំមានការខ្វាយខ្វល់ព្រោះតែការគិតច្រើនម្នាក់ឯង៕
ឆ្នាំមមែ
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះលោកអ្នកធ្វើអ្វីក៏តែងមានភាពភ្លឺថ្លា និង មានភាពរលូនល្អប្រសើរ។ក្រៅពីនេះការបំពេញការងារខាងក្រៅក៏តែងផ្តល់ផលល្អៗដូចគ្នា។
ជំនួញ ៖ របររកស៊ីជួញដូរទាំងស្ត្រីបុរសតែងផ្តល់ផលល្អ ហើយទោះចង់បណ្តាក់ទុនរកស៊ីឬធ្វើអ្វីមួយតែងហុចផ្លែផ្កាដូចសមប្រកបជានិច្ច។ការធ្វើដំណើរឆ្ងាយជិតជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។
ស្នេហា ៖ កំលោះក្រមុំមានភាពត្រជាក់ត្រជុំនិងមានភាពស្រស់ស្រាយប្រពៃណាស់៕
ឆ្នាំវក
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះមិនផ្តល់ផលល្អសម្រាប់លោកអ្នកបំពេញកិច្ចការងារដែលសំខាន់ទេពីព្រោះថាផលមិនល្អនោះងាយកើតឡើងជាងសព្វមួយដង។
ជំនួញ ៖ របររកស៊ីជួញដូរការរកផលចំណូលទោះបីថាមានភាពរលូនល្អទៅមុខក្តីតែយ៉ាងណាក៏កើតមានភាពរកាំរកូសមិនតិចដែរទេហើយពិសេសលោកអ្នកឱ្យប្រយ័ត្នចំណូលតូចតាចបោលហួសព្រោះរវល់ស្រវ៉ាចាប់តែអាធំ។
ស្នេហា ៖ មិនមានការលូតលាស់ទៅមុខទេគឺមានការថយក្រោយច្រើនជាង៕
ឆ្នាំរកា
ដួងជតារាសី ៖ រាសីល្អជាមធ្យម។
ការងារ ៖ នៅក្នុងថ្ងៃនេះអ្វីដែលលោកអ្នកត្រូវយកចិត្តទុកដាក់នោះគឺប្រយ័ត្នត្រូវគេបោកប្រាស់ដោយប្រការណាមួយ។ការរស់នៅងាយកើតភាពប្រទាំងប្រទើសនិងរឿងរាវយាយីច្រើនចំពោះមុខ។
ជំនួញ ៖ របររកស៊ីជួញដូរវិញជួបផលលំបាកក្នុងការរកប្រាក់ចំណូលបន្តិច ហើយបើមានការជួញឆ្ងាយទៀតសោតចូរប្រយ័ត្នជួបគ្រោះចាញ់បោកគេ ។
ស្នេហា ៖ ប្តី ប្រពន្ធឬគូស្នេហ៍កំលោះក្រមុំងាយទាំងប្រេះស្រាំនិងងាយទាំងបែកបាក់គួរកាត់បន្ថយជម្លោះវិវាទទើបប្រសើរ៕
ឆ្នាំច
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះឃើញថាដំណើរជីវិតរបស់លោកអ្នកលូតលាស់ទៅមុខសន្សឹមៗនិងធ្វើអ្វីក៏តែងផ្តល់ជាផ្លែផ្កាគ្រាន់ជាទីកក់ក្តៅផងដែរ។
ជំនួញ ៖ ទោះជួញទីជិតឆ្ងាយការរកផលកម្រៃមិនសូវឆ្លើយតបដូចសេចក្តីប្រាថ្នាទេឬអាចនិយាយបានថាទោះខិតខំប៉ុណ្ណាក៏មិនឆ្លើយតបដូចជាទីគាប់ចិត្តនោះដែរ។
ស្នេហា ៖ មានការចម្រើនលូតលាស់ទៅមុខសន្សឹមៗហើយការកើតភាពរកាំរកូសនោះក៏មានចំពោះមុខផង ៕
ឆ្នាំកុរ
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះដំណើរជីវិតរបស់លោកអ្នកល្អប្រសើរ ម្ល៉ោះហើយធ្វើឱ្យការប្រកបកិច្ចការអ្វីតែងជ្រះស្រឡះនិងទទួលផលនៅពេលក្រោយទៀតផង។
ជំនួញ ៖ ការទិញចូលលក់ចេញគ្រាន់បើហើយពិសេសបើមានបើករបរថ្មីៗផងផ្តល់ផលល្អគួរសម។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្ត ទាំងពេលទៅនិងត្រឡប់មកវិញ។
ស្នេហា ៖ ប្រុសស្រីបើចង់ធ្វើការជ្រើសគូស្រករតែងជួបគូព្រេងពិតដូចសេចក្តីប្រាថ្នា៕
