ប្រធានាធិបតីអាមេរិច ដូណាល់ ត្រាំ បានប្រកាសនៅថ្ងៃអង្គារថា អាមេរិចឈប់ផ្តល់ជំនួយដល់អង្គការសុខភាពពិភពលោក (WHO) ខណៈដែលកំពុងធ្វើការពិនិត្យឡើងវិញ។
លោក ត្រាំថ្លែងថា ការពិនិត្យឡើងវិញ នឹងគ្រប់ដណ្តប់លើតួនាទី របស់អង្គការសុខភាពពិភពលោក ក្នុងការគ្រប់គ្រងមិនបានត្រឹមត្រូវ និងលើបញ្ហារាតដាលនៃវីរុសកូរ៉ូណា។
លោក បាននិយាយថា អាមេរិច ផ្តល់ជំនួសប្រមាណ ៤០០ ទៅ៥០០លានដុល្លារជារៀងរាល់ឆ្នាំ ទៅដល់អង្គការសុខភាពពិភពលោក និងកត់សម្គាល់ឃើញថា ចិនផ្តល់ទឹកប្រាក់ត្រឹម ៤០លានដុល្លារប៉ុណ្ណោះទៅដល់ WHO។
លោកនិយាយថា “ប្រសិនបើអង្គការសុខភាពពិភពលោក ធ្វើកិច្ចការរបស់ខ្លួន ដោយបញ្ជូនអ្នកជំនាញវេជ្ជសាស្ត្រទៅកាន់ប្រទេសចិន ដើម្បីធ្វើការវាយតម្លៃពីស្ថានភាព និងរិះគន់ចិនពីការខ្វះតម្លាភាព ការផ្ទុះវីរុសប្រហែលអាចទប់ស្កាត់បាន និងមានអ្នកស្លាប់តិចតួចបំផុត”។
លោកបញ្ជាក់ទៀតថា “ប្រសិនជា WHO បំពេញកិច្ចការបានត្រឹមត្រូវ លោកអាចនឹងធ្វើការហាមឃាត់ ការធ្វើដំណើររបស់ប្រជាជនមកពីចិនឆាបៗ”។
អង្គការសុខភាពពិភពលោក បានធ្វើការសម្រេចចិត្តប្រកបដោយគ្រោះថ្នាក់ ក្នុងការជំទាស់ទៅនឹងការរឹតត្បិត ការធ្វើដំណើរមកពីចិន។
សូមបញ្ជាក់ថា កាលពីថ្ងៃទី ២៤ ខែមករា លោក ត្រាំធ្លាប់បានសរសើរ កិច្ចប្រឹងប្រឹងរបស់ចិនក្នុងការទប់ស្កាត់វីរុសកូរ៉ូណា ហើយអាមេរិច សូមសរសើរកិច្ចប្រឹងប្រែង និងតម្លាភាពរបស់ពួកគេ។
រហូតមកដល់ពេលនេះ អាមេរិចមានអ្នកឆ្លងវីរុសមរណៈនេះ ជាង ៦០០.០០០នាក់ និងស្លាប់ជាង ២២.០០០នាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ CNN
