សហរដ្ឋអាមេបានបំបែកកំណត់ត្រាំថ្មីមួយទៀត ដោយមានអ្នកស្លាប់ដោយសារវីរុសកូរ៉ូណាចំនួន ២.២២៨នាក់ ត្រឹមរយៈពេល ២៤ម៉ោងចុងក្រោយ។ នេះបើតាមតួលេខរបស់សកលវិទ្យាល័យJohns Hopkins កាលពីថ្ងៃអង្គារ។
ចំនួនអ្នកស្លាប់នេះហក់ឡើងខ្លាំង បន្ទាប់ពីមានការធ្លាក់ចុះក្នុងរយៈពេល ២ថ្ងៃចុងក្រោយ។
រហូតមកដល់ពេលនេះ វីរុសកូរ៉ូណា ឬ COVID-19 បានឆក់យកជីវិតពលរដ្ឋអាមេរិចជិត ២៦.០០០នាក់ និងបានឆ្លងទៅកាន់មនុស្សជាង ៦០០.០០០នាក់ក្នុងប្រទេស។
ប្រធានាធិបតី ដូណាល់ ត្រាំ បានប្រកាសនៅថ្ងៃអង្គារថាតំបន់មួយចំនួន អាចនឹងធ្វើការបើកឡើងវិញក្នុងពេលឆាប់ៗ ហើយលោកនិយាយថា គាត់អាចមើលឃើញផ្លូវនៅជើងមេឃ សម្រាប់សេដ្ឋកិច្ចអាមេរិចវិញ។
ប៉ុន្តែ ការគំរាមក្នុងការបើប្រាស់អំណាច របស់លោកដើម្បីបង្ខំឲ្យអភិបាលរដ្ឋ ធ្វើតាមបទបញ្ជា ក្នុងការបើកតំបន់វិញ ធ្វើឲ្យមានការប្រឆាំងយ៉ាងខ្លាំង។
លោកថ្លែងថា រដ្ឋមួយចំនួនដែលមានប្រជាជនតិចអាចនឹងបើកវិញ ក្នុងពេលឆាប់មុនចុងខែ ខណៈដែលកន្លែងមួយចំនួនទៀតដូចជា New York អាចត្រូវការពេលយូរទៀត៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia