ខេត្តកំពង់ធំ៖ ឃាត់ខ្លួនជនសង្ស័យម្នាក់ ញុះញង់ឲ្យប្រព្រឹត្តិបទឧក្រិដ្ឋជាអាទិ៍ (ឡាយវីដេអូ ញុះញង់ ប្រឆាំងបទបញ្ជាលេខ ០២ ប.ប របស់រាជរដ្ឋាភិបាល) ។ ក្រោមការដឹកនាំផ្ទាល់របស់លោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ និងដោយមានការសម្របសម្រួលនីតិវិធី ពីលោក ស៊ិន វិរៈ ព្រះរាជអាជ្ញាអមសាលាដំបូងខេត្តកំពង់ធំ ។
ស្នងការដ្ឋាននគរបាលខេត្តកំពង់ធំ បានឲ្យដឹងថា សមត្ថកិច្ចខេត្តកំពង់ធំ ការឃាត់ខ្លួន ជនសង្ស័យចំនួន ១ នាក់ ញុះញង់ឲ្យ ប្រព្រឹត្តិបទឧក្រិដ្ឋ ជាអាទិ៍(ឡាយវីដេអូ ញុះញង់ ប្រឆាំងបទបញ្ជាលេខ ០២ ប.ប របស់រាជរដ្ឋាភិបាល ) ។
ក្រោមការដឹកនាំផ្ទាល់របស់លោកឧត្តមសេនីយ៍ទោអ៊ុក កុសល ស្នងការនគរបាលខេត្តកំពង់ធំ និងដោយមានការសម្របសម្រួល នីតិវិធីពីលោក ស៊ិន វិរៈ ព្រះរាជអាជ្ញាអមសាលាដំបូងខេត្តកំពង់ធំ នៅថ្ងៃទី ១៣ ខែ មេសា ឆ្នាំ២០២០ កម្លាំងនគរបាលការិយាល័យកម្រិតស្រាល នៃស្នងការដ្ឋាននគរបាលខេត្តកំពង់ធំ សហការជាមួយកម្លាំងនគរបាល នៃអធិការដ្ឋាននគរបាលស្រុកសន្ទុក បានធ្វើការឃាត់ខ្លួនឈ្មោះ លេខ សៀងលី ភេទប្រុស អាយុ ២១ ឆ្នាំ មុខរបរកម្មករចាក់សាំង ទីលំនៅបច្ចុប្បន្នភូមិ ថ្នល់ ឃុំ ទ្រៀលស្រុក តាំងគោក ខេត្តកំពង់ធំ ពីបទ ញុះញង់ឲ្យប្រព្រឹត្តិបទឧក្រិដ្ឋ ជាអាទិ៍ ( ឡាយវីដេអូ ញុះញង់ ប្រឆាំងបទបញ្ជា លេខ ០២ ប.ប របស់រាជរដ្ឋាភិបាល ) ប្រព្រឹត្តិកាលពីថ្ងៃទី ១២ ខែ មេសា ឆ្នាំ២០២០
នៅចំណុចស្ថានីយ៍ប្រេងឥន្ធនៈ សេង ប៊ុនហ៊ត ស្ថិតនៅភូមិ ធន់ម៉ោង ឃុំ កំពង់ថ្ម ស្រុក សន្ទុក ខេត្តកំពង់ធំ ។
ជនសង្ស័យខាងលើត្រូវសមត្ថកិច្ច បញ្ចូនខ្លួនទៅសាលាដំបូងខេត្តកំពង់ធំ ចៅក្រមស៊ើបសួរចេញដីការឃុំខ្លួនជាបណ្ដោះអាសន្ន ។
លោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ បានសំណូមពរ ដល់យុវជនគ្រប់ស្រទាប់វណ្ណៈ សូមកុំប្រព្រឹត្តិសកម្មភាព ញុះញង់ដែលធ្វើឲ្យមានភាពចលាចល និងប៉ះពាល់ដល់សណ្ដាប់ធ្នាប់សាធារណៈ ជាពិសេសពីបញ្ហាសុខុមាលភាព ដែលប្រមុខរាជរដ្ឋាភិបាល បានកំពុងយកចិត្តទុកដាក់ បង្ការ ទប់ស្កាត់នៃជំងឺ COVID-19 ជាដើម ៕ដោយ៖បញ្ញាស័ក្តិ