តាកែវៈ នៅព្រឹកថ្ងៃទី ១៥ ខែមេសា ឆ្នាំ២០២០នេះ លោក កង អាណាន់ អភិបាលក្រុងដូនកែវ បានសម្តែងនៅទឹកចិត្តកោតសរសើរ ចំពោះបងប្អូនប្រជាពលរដ្ឋដែលជាកម្មករ កម្មការិនីរោងចក្រទាំងអស់ នៅក្នុងក្រុងដូនកែវ ដែលអ្នកទាំងអស់គ្នា បានចូលរួមយ៉ាងសកម្ម ជាមួយនឹងរាជរដ្ឋាភិបាល ទៅលើគោលការណ៍ ណែនាំនានាអំពីកាលើកពេលឈប់សម្រាក ថ្ងៃបុណ្យចូលឆ្នាំ ដោយសារតែការទប់ស្កាត់ការសាយភាយនៃជំងឺកូវីដ១៩ ។
ថ្លែងនៅក្នុងការចុះពិនិត្យទៅលើសកម្មភាព និងដំណើរការងារមួយចំនួន នៅតាមរោងចក្រដេរស្បែកជើង ឬសម្លៀកបំពាក់នានា នៅក្នុងក្រុងដូនកែវ លោក កង អណាន់ បានធ្វើការអប់រំណែនាំបន្ថែម អំពីយន្តការក្នុងការពារ និងទប់ស្កាត់ការឆ្លងរីករាលដាលជា សហគមដោយសារជំងឺកូវីដ១៩នេះ ដល់បងប្អូនដែលជាកម្មកររោងចក្រផងដែរ ដោយចូលរួមទាំងអស់គ្នា ពាក់ម៉ាសការពារផ្លូវដង្ហើម លាងសម្អាតអនាម័យ ជាមួយសាប៊ូ ឬអាល់កុល និងហូបទឹកស្អាតជានិច្ច ៕ដោយ៖ តាកែវ
