កំពង់ស្ពឺ ៖ ទទួលបានព័ត៌មានពីរប្រជាពលរដ្ឋថាមានក្មេងមួយក្រុមធ្វើសកម្មភាពលេងជះទឹក បាតម្សៅកាលពីវេលាម៉ោង១៥និង៥០នាទីនៅចំណុច ខាងលិចភូមិតាំងស្រឹងតាមផ្លូវជាតិលេខ៤៤ចន្លោះគីឡូម៉ែត្រ៤២_៤៣ ក្នុងភូមិតាំងស្រឹង ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ។
លោកវរសេនីយ៍ឯក ប៊ុត ប៊ុនធឿន អធិការនគរបាលស្រុកឱរ៉ាល់ ដោយបានការឯកភាពបញ្ជាពីលោកឧត្ដមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ បានដឹកនាំកម្លាំងចុះទៅកាន់គោលដៅខាងលើ ជាក់ស្តែងក្រុមក្មេងអាណាធិបតេយ្យទាំងនោះបានរត់គេចចោលម៉ូតូនិងដបម្សៅ ធុងទឹក ជាដើម។
នៅទីតាំងខាងលើបន្សល់ទុកម៉ូតូចំនួន៨គ្រឿង (១)ម៉ូតូម៉ាកC125ពណ៌ខ្មៅពាក់ផ្លាកលេខកំពង់ស្ពឺ 1L.4359 សេរី 2018 (២)ម៉ូតូម៉ាកC125ពណ៌ខ្មៅពាក់ផ្លាកលេខកំពង់ស្ពឺ 1H.5323សេរី2016 (៣)ម៉ូតូម៉ាកC125ពណ៌ខ្មៅពាក់ផ្លាកលេខកំពង់ស្ពឺ 1H.4541 សេរី2016 (៤)ម៉ូតូម៉ាកC125ពណ៌ក្រហម(បិតស្កុតពណ៌ខ្មៅ)ពាក់ផ្លាកលេខកំពង់ស្ពឺ 1H.0706 សេរី2013 (៥)ម៉ូតូម៉ាកC125ពណ៌ខ្មៅពាក់ផ្លាកលេខភ្នំពេញ1CQ.5766 សេរី2014 (៦)ម៉ូតូម៉ាកC125ពណ៌ខ្មៅពាក់ផ្លាកលេខភ្នំពេញ1BS.3221 សេរី2011 (៧)ម៉ូតូម៉ាកC125ពណ៌ខ្មៅពាក់ផ្លាកលេខកណ្ដាល1M.7862សេរី2011 (៨)ម៉ូតូម៉ាកC125ពណ៌ខ្មៅ(បិតស្កុតពណ៌ស)គ្មានផ្លាកលេខ សេរី2014 ។
បច្ចុប្បន្នសមត្ថកិច្ចនគរបាលស្រុកឱរ៉ាល់បានដឹកជញ្ជូនម៉ូតូទាំង ៨គ្រឿងមកកាន់អធិការដ្ឋាននគរបាលស្រុកដើម្បីស្នើសុំយោបល់ដឹកនាំនីតិវិធីបន្ដ។
បើតាមស្នងការខេត្ត ជាការសំណូមពរ ដល់អាណាព្យាបាលមេត្ដាជួយណែនាំអប់រំប្រដៅកូនចៅ កុំឲ្យធ្វើទង្វើឬសកម្មភាពណាមួយដែលបង្កភាពចលាចលប៉ះពាល់ដល់សង្គម ពិសេសមហាជន ប្រជាពលរដ្ឋមិនអាចទទួលយកបាន ….។
ក្នុងសន្និសីទនៅវិមានសន្តិភាពនាព្រឹកថ្ងៃទី៧ ខែមេសានេះ សម្តេចនាយករដ្ឋមន្ត្រីហ៊ុន សែន បានប្រកាស ផ្អាកការប្រារព្ធពិធីបុណ្យចូលឆ្នាំខ្មែរ ហើយមន្ត្រីរាជការ ក្រុមហ៊ុនឯកជន រោងចក្រសហគ្រា និងធនាគារ គឺធ្វើការធម្មតានៅថ្ងៃចូលឆ្នាំខ្មែរ នាថ្ងៃទី១៣-១៤-១៥ និង១៦ ខែមេសាខាងមុខនេះ។ ប៉ុន្តែការទទួលទេវតា នៅតាមផ្ទះធ្វើឡើងជាធម្មតា។ ដោយឡែករដ្ឋនឹងសងវិញនូវថ្ងៃឈប់សម្រាកចំនួន៥ថ្ងៃ នៅពេលដែលជំងឺកូវីដ១៩លែងមាននៅក្នុងប្រទេសកម្ពុជា។
សម្តេចនាយករដ្ឋមន្ត្រីហ៊ុន សែន អះអាងទៀតថា កន្លែងដែលមានសុវត្ថិភាពបំផុតនាពេលនេះគឺកន្លែងធ្វើការងារដូចជាតាមរោងចក្រ តាមស្ថាប័នរដ្ឋជាដើម។ បើបើកឲ្យមានការដើរលេងកម្សាន្តនៅក្នុងឱកាសចូលឆ្នាំ នោះក្រោយចូលឆ្នាំខ្មែរអាចនឹងមានហានិភ័យខ្ពស់បំផុត។ សម្តេចហ៊ុន សែន ក្នុងនាមប្រមុខរដ្ឋាភិបាល បានអំពាវនាវឲ្យមានការកត់បន្ថយការធ្វើដំណើរទៅកាន់ស្រុកកំណើត ឬតំបន់កម្សាន្តនានាក្នុងថ្ងៃចូលឆ្នាំខាងមុខនេះ ក្នុងគោលដៅកាត់បន្ថយការចម្លងមេរោគ។
នេះគឺជាវិធានការមួយក្នុងចំណោមវិធានការផ្សេងៗទៀត ដែលរដ្ឋាភិបាលបានដាក់ចេញ ដើម្បីឆ្លើយតបនឹងជំងឺកូវីដ១៩ ដែលកំពុងតែរីករាលដាលនៅក្នុងពិភពលោក ក៏ដូចជាប្រទេសកម្ពុជា ៕
ដោយ៖កូឡាប
