ភ្នំពេញ៖ នារីវ័យក្មេងរូបស្រស់ស្អាតម្នាក់ ដែលមនុស្សមួយចំនួនល្បីតៗគ្នាថា ដើរសុខៗ ស្រាប់តែដួលសន្លប់បាត់បង់ស្មារតីដេកស្តូកស្តឹង រហូតមានអ្នកខ្លះបង្ហោះថា នាងបានស្លាប់បាត់ជីវិតទៀតផងនោះ ពេលនេះនាងបានដឹងខ្លួន និងងើបឡើងជិះម៉ូតូកង់បីជាធម្មតាប៉ុណ្ណោះ ។
បើតាមប្រភពព័ត៌មានពីកន្លែងកើតហេតុ នារីសាច់សខ្ចីរូបនោះ គឺជាជនជាតិចិន ដោយនាងពុំអាចនិយាយភាសាខ្មែរបានទេ ហើយបើតាមការសន្និដ្ឋាន មូលហេតុដែលនាំឲ្យនាងដើរមកដេកដួលស្តូកស្តឹងក្បែររបងផ្លូវដើរបែបនេះ គឺអាចដោយសាររងឥទ្ធិពលគ្រឿងស្រវឹង, បែកថ្នាំ ឬអាចមានបញ្ហាជំងឺផ្លូវចិត្ត ។
ទោះយ៉ាងណា ខណពេលនេះ គេពុំទាន់ដឹងពីមូលហេតុពិតប្រាកដនៅឡើយទេ ខណៈនារីជនជាតិចិនរូបនេះ ដែលមានស្លាកស្នាមជាំលើផ្ទៃមុខ ក៏បានឡើងជិះម៉ូតូកង់បី ទៅកាន់ទីកន្លែងស្នាក់នៅរបស់នាងរួចហើយ ។
សូមបញ្ជាក់ថា ហេតុការណ៍បង្កការភ្ញាក់ផ្អើលនេះ បានកើតឡើងកាលពីវេលាម៉ោង ៨ និង ៤០ នាទី ព្រឹកថ្ងៃទី១៦ ខែមេសា ឆ្នាំ២០២០ ស្ថិតតាមបណ្ដោយផ្លូវ៣០ម៉ែត្រ ភូមិតំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ ៕ ដោយ៖ លឹម ហុង