ឆ្នាំជូត
ដួងជតារាសី ៖ រាសីស្រុតចុះ។ នៅថ្ងៃនេះដំណើរជីវិតរបស់លោកអ្នកមានឧបទ្រពយាយីច្រើន ។
ការងារ ៖ មានការរាំងស្ទះការងារ និង ពិសេសអាចកើតនូវបញ្ហាចម្រូងចម្រាស់ច្រើន។ លោកអ្នកចូរប្រយ័ត្នរឿងរ៉ាវខ្លះនាំជួបបញ្ហាលំបាកដល់ខែក្រោយថែមទៀត។
ជំនួញ ៖ ទោះជួញទីជិតឆ្ងាយឃើញថាផលចំណូលដែលខិតខំរកតែងផ្តល់ផលល្អៗមកវិញគ្រាន់ជាទីពេញចិត្ត។
ស្នេហា ៖ កុំលេងម៉េះម៉ោះច្រើនប្រយ័ត្នកើតជាជម្លោះវិវាទមានតែពាក់មុខយក្សដាក់គ្នា៕
ឆ្នាំឆ្លូវ
ដួងជតារាសី ៖ រាសីខ្ពស់ត្រដែត។ ក្នុងថ្ងៃនេះបើលោកអ្នកចង់ធ្វើអ្វីឬប្រកបការងារអ្វីឃើញថាអាចសម្រុកបានហើយពីព្រោះថាផលល្អៗក៏តែងឆ្លើយតមកវិញផង។ការរស់នៅមានភាពជឿនលឿនទៅមុខ និង កំពុងមានភាពស្រស់ស្រាយគ្រាន់គាប់ប្រសើរជាងមុន។
ការងារ ៖ អាចសម្រុកបានហើយពីព្រោះថាផលល្អៗក៏តែងឆ្លើយតមកវិញផង។ ការរស់នៅមានភាពជឿនលឿនទៅមុខ និង កំពុងមានភាពស្រស់ស្រាយគ្រាន់គាប់ប្រសើរជាងមុន។
ជំនួញ ៖ រក្នុងអំឡុងពេលនេះដែរឃើញថាមានការជឿនលឿនទៅមុខហើយបើចង់បើករបរថ្មីៗផងជាឱកាសល្អប្រពៃណាស់។
ស្នេហា ៖ មានភាពស្រស់ស្រាយ ហើយបើចង់ផ្សំផ្គុំគ្រួសារក៏ជាពេលវេលាល្អប្រពៃ៕
ឆ្នាំខាល
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នកមានភាពរដិបរដុបបន្តិចពោលគឺមិនល្អប្រសើរប៉ុន្មានទេ ម្ល៉ោះហើយទោះធ្វើអ្វីតោងតែប្រយ័ត្នប្រយែងបន្តិចទើបប្រសើរ។
ជំនួញ ៖ ចង់ពង្រីកមុខជំនួញដោយសារទ្រព្យដែលជាលាភហេងមានការខ្សត់ខ្សោយ ដូចនេះមិនត្រូវហ៊ានបោះទុនរកស៊ីដោយចំណាយទុនធំដុំឡើយប្រយ័ត្នចំណាយប្រាក់ទុនទៅហើយរកតែដកដើមមកវិញមិនឃើញ។
ស្នេហា ៖ កុំឃើញភ្លាមស្រឡាញ់ភ្លែតឬចង់យកល្បែងនេះលេងសើចប្រយ័ត្ននាំរឿងរាវដំបៅទ្រូងនៅថ្ងៃខាងមុខ៕
ឆ្នាំថោះ
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះទោះប្រកបកិច្ចការអ្វីតោងតែចេះមើលមុខក្រោយពីព្រោះថា ក្រុមមនុស្សចាំតែមើលបំណាំដើម្បីធ្វើការវាយប្រហារតែប៉ុណ្ណោះ។ ការរស់នៅថ្ងៃនេះលោកអ្នកងាយជួបបញ្ហាជម្លោះផងគប្បីមានការប្រយ័ត្នប្រយែងពាក្យសម្តីនិយាយស្តីទៅកាន់អ្នកដទៃបន្តិច។
ជំនួញ ៖ លោកអ្នកជួបរឿងរកាំចិត្តច្រើនហើយការជួញទីជិតឆ្ងាយចូរប្រយ័ត្នមានជម្លោះវិវាទជាមួយក្រុមមនុស្សនៅក្បែរខ្លួនព្រោះមានភាពផុយស្រួយកើតរឿងប្រេះស្រាំណាស់។
ស្នេហា ៖ កំលោះក្រមុំកុំនាំគ្នាដើរពាសវាលកាលប្រយ័ត្នជួបរឿងចៃដន្យអាក្រក់ណាមួយកើតឡើង៕
ឆ្នាំរោង
ដួងជតារាសី ៖ រាសីស្រុតចុះ។
ការងារ ៖ នៅថ្ងៃនេះមិនផ្តល់ផលល្អសម្រាប់លោកអ្នកប្រកបកិច្ចការងារអ្វីមួយសំខាន់ទេពីព្រោះថាផលអាក្រក់ងាយយាយីណាស់ដែរ។
ជំនួញ ៖ លោកអ្នកចេញទៅណាមកណាឆ្ងាយគប្បីមានការប្រយ័ត្នប្រយែងប្រាក់កាសបន្តិចព្រោះងាយជួបបញ្ហាចូលលុកលុយយាយីណាស់ពិសេសក្រុមមនុស្សបន្លំបោកប្រាស់តែម្តង។
ស្នេហា ៖ កំលោះក្រមុំមានការប្រឆាំងនិងចង់ចាញ់ឈ្នះគ្នាច្រើនដូចនេះត្រូវ ចេះកាត់បន្ថយជម្លោះវិវាទទើបប្រសើរ៕
ឆ្នាំម្សាញ់
ដួងជតារាសី ៖ រាសីស្រុតចុះ។ ក្នុងថ្ងៃនេះដោយសារដួងរាសីស្រុតចុះ ដូចនេះបើលោកអ្នកមានការពឹងពាក់ឬខ្ចីអ្វីមួយពីអ្នកដទៃតែងមិនសូវសម្រេចដូចគាប់បំណងនោះឡើយ។
ការងារ ៖ ឆ្លងដល់សប្តាហ៍ក្រោយនេះលោកអ្នកចាំបាច់ត្រូវប្រឹងប្រែងកិច្ចការងារព្រោះថានឹងហុចផ្លែផ្កាល្អមកវិញទៅរួច។
ជំនួញ ៖ ការជួញទីជិតឆ្ងាយផលកម្រៃមិនឆ្លើយតបដូចសេចក្តីប្រាថ្នាទេឬអាចនិយាយបានថាគ្រាន់មួយទប់ទល់។
ស្នេហា ៖ កំលោះក្រមុំបើមានការរីកលូតលាស់ខ្លាំងកាលពីមុនមកពេលនេះចូរប្រយ័ត្នការដើរថយក្រោយរហូតឈានដល់បាក់បែកណាមួយកើតឡើង៕
ឆ្នាំមមី
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកសម្រេចចិត្តអ្វីមួយ ពីព្រោះថាតែងហុចជាលទ្ធផលមកវិញគ្រាន់ជាទីពេញចិត្ត។
ជំនួញ ៖ ធ្វើជំនួញតូចក្តីធំក្តីតែងសម្រេចជោគជ័យដូចគាប់បំណងផង។ ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ ប្រុសស្រីនៅថ្ងៃនេះដែរមានការលូតលាស់និងផ្អែមល្ហែមប្រពៃគួរសម៕
ឆ្នាំមមែ
ដួងជតារាសី ៖ រាសីស្រុតចុះ។
ការងារ ៖ ទោះធ្វើអ្វីក៏ដោយតែងជួបបញ្ហារាំងស្ទះនិងមានរឿងរាវយាយីច្រើន។
ជំនួញ ៖ ដោយសារយីអ៊ុនពុំគាប់ប្រសើរម្ល៉ោះហើយធ្វើឱ្យមានក្រុមមនុស្សតាមឈ្នានីស និង ព្យាបាទយាយីច្រើនដូច្នេះត្រូវរក្សាភាពស្ងប់ស្ងាត់ទើបប្រសើរ។ការធ្វើដំណើរពេលទៅមានសុវត្តិភាពល្អតែពេលត្រឡប់មកវិញគួរប្រយ័ត្នប្រយែងបន្តិចពីព្រោះងាយទទួលរងប៉ះទង្គិចផងដែរ។
ស្នេហា ៖ កំលោះក្រមុំមានការរកាំចិត្តនិងទាស់ទែងសម្តីគ្នាមិនស្ទើរដែរនោះឡើយ៕
ឆ្នាំវក
ដួងជតារាសី ៖ រាសីល្អជាមធ្យម។
ការងារ ៖ នៅថ្ងៃនេះជួបបញ្ហាប្រទាំងប្រទើសច្រើន ពិសេសឱ្យប្រយ័ត្នធ្វើច្រើនខុសច្រើនថែមទៀត។
ជំនួញ ៖ មានការជឿនលឿនទៅមុខគ្រាន់បើហើយបើចង់ទិញកន្លែងលក់ដូរឬចង់រើទីកន្លែងលក់ដូរក៏តែងសមដូចប្រកបជានិច្ច។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ កំលោះក្រមុំបើលោកអ្នកចង់ចូលស្តីដណ្តឹងឬរៀបអាពាហ៍ពិពាហ៍ជាឱកាសល្អប្រពៃបំផុត៕
ឆ្នាំរកា
ដួងជតារាសី ៖ រាសីល្អជាមធ្យម។
ការងារ ៖នៅថ្ងៃនេះដួងរាសីរបស់លោកអ្នកមានភាពគាប់ប្រសើរគួរសម ប៉ុន្តែយ៉ាងណាមិនល្អទាំងអស់ទេគឺមានរឿងរាវខ្លះក៏អាក្រក់ដែរ ម្ល៉ោះហើយគប្បីមានការប្រយ័ត្នប្រយែងចំពោះកិច្ចការមួយចំនួន។
ជំនួញ ៖ មិនត្រូវយកភាពច្រណែនឈ្នានីសដាក់ចំពោះមុខឬបង្ករឿងថ្នាំងថ្នាក់ចំពោះអ្នកដទៃប្រយ័ត្នកើតឧបទ្រពចង្រៃការលក់ដូរកាន់តែមិនដាច់។ការធ្វើដំណើរទីជិតឆ្ងាយចូរប្រយ័ត្នគ្រោះចាញ់បោកគេដោយប្រការណាមួយ។
ស្នេហា ៖ កំលោះក្រមុំបើចង់ធ្វើការជ្រើសរើសគូស្រករពុំល្អទេគប្បីមានការត្រួតពិនិត្យឱ្យបានគ្រប់ជ្រុងជ្រោយព្រោះច្រើនជួបគូកម្មច្រើនជាងគូព្រេង៕
ឆ្នាំច
ដួងជតារាសី ៖ រាសីខ្ពស់ត្រដែត។
ការងារ ៖ នៅថ្ងៃនេះបើលោកអ្នកធ្វើអ្វីក៏តែងអាចសម្រេចជោគជ័យដូចគាប់បំណងផង។
ជំនួញ ៖ បើលោកអ្នកចង់ចេញធ្វើជំនួញទីជិតឆ្ងាយតែងផ្តល់ផលកម្រៃហូរចូលតក់ៗគ្រាន់បំពេញបំពង់និងចិញ្ចឹមគ្រួសារដែរ។ការរស់នៅមានភាពសុខដុម និង ក្រុមមនុស្សជួយជ្រោមជ្រែងផងដែរ។
ស្នេហា ៖ បើអ្នកពុំទាន់មានគូគាប់ជាឱកាសល្អក្នុងការស្វែងរកឬមានការចូលដល់ចាស់ទុំផងដែរ៕
ឆ្នាំកុរ
ដួងជតារាសី ៖ រាសីល្អជាមធ្យម។ ក្នុងថ្ងៃនេះដួងរាសីរបស់លោកអ្នកជួបលើកំណាត់ផ្លូវលំបាកបន្តិច ហើយបើមានធ្វើអ្វីមួយផងតែងមានក្រុមមនុស្សតាមចាក់ឆ្កឹះឆ្គៀលនាំឱ្យជួបរឿងសៅហ្មងមិនតិចទេ។
ការងារ ៖ មានភាពផុយស្រួយប្រទាំងប្រទើសជាមួយមិត្តភក្តិណាស់ចូរប្រយ័ត្នកើតជម្លោះវិវាទ។
ជំនួញ ៖ មានការជឿនលឿនទៅមុខយ៉ាងឆាប់រហ័សហើយរឿងរាវអាក្រក់ទាំងឡាយដែលធ្លាប់មានកាលពីមុនមកក៏ត្រូវបានរលត់រលាយទៅឆ្ងាយតាមកាលវេលាដែរ។
ស្នេហា ៖ កំលោះក្រមុំកំពុងមានការខ្វាយខ្វល់ ព្រោះតែម្នាក់ៗមានការគិតហួសព្រំដែនច្រើន៕