ភ្នំពេញ៖ ចំនួននៃការចុះបញ្ជីពាណិជ្ជកម្មក្នុងរយៈពេល ៣ ខែដំបូង នៃឆ្នាំនេះ បានធ្លាក់ចុះគួរឱ្យកត់សម្គាល់ បើប្រៀបធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមរបាយការណ៍ពីក្រសួងពាណិជ្ជកម្ម។
របាយការណ៍ពីក្រសួងពាណិជ្ជកម្ម បានឱ្យដឹងថា ចាប់ពីខែមករា ដល់ខែមីនាឆ្នាំ ២០២០ អាជីវកម្មដែលបានចុះបញ្ជីនៅកម្ពុជា ដល់ក្រុមហ៊ុននិងសហគ្រាសប្រមាណ ២.៨៦៨ បានធ្លាក់ចុះប្រហែល ២៧,៧ ភាគរយ បើធៀបនឹងក្រុមហ៊ុន និងសហគ្រាសចំនួន ៣.៩៦៨ ក្នុងរយៈពេលដូចគ្នាក្នុងឆ្នាំ ២០១៩ ។
របាយការណ៍ដដែល បាននិយាយថា ក្នុងត្រីមាសទី ១ ឆ្នាំ ២០២០ ការចុះឈ្មោះរបស់ក្រុមហ៊ុនមានចំនួន ២.០១៣ ធ្លាក់ចុះ ១៦ ភាគរយបើប្រៀបធៀប នឹងរយៈពេលដូចគ្នា កាលពីឆ្នាំមុនមានចំនួន ២.៣៩៧ ។
របាការណ៍បន្តថា សហគ្រាសដែលបានចុះបញ្ជីបានធ្លាក់ចុះប្រហែល ៤៥,៦៧ ភាគរយពីចំនួន ១.៥៧១ ក្នុងត្រីមាសទី ១ ឆ្នាំ ២០១៩ ដល់ ៨៥៥ នៅត្រីមាសទី ១ ឆ្នាំ ២០២០ ។
កត្តាចម្បងនៃការជំរុញនៃការចុះបញ្ជីអាជីវកម្មនៅកម្ពុជាគឺជំងឺ កូវីដ ១៩ ដែលបានរារាំងវិនិយោគិន និងអាជីវកម្មឱ្យបើកអាជីវកម្ម នៅក្រៅប្រទេស ខណៈប្រទេសមួយចំនួន បានអនុវត្តការរឹតត្បិតការធ្វើដំណើរឬបិទប្រទេស៕ដោយ៖សម្ផស្ស